Lukas 8:30 - Jaji ma Su-sungi

³⁰ Yesus 'o sano toma ngowa'a nena-ne, “ 'Ani lomanga 'a guna?” “'Ari lomanga 'a Legion.” Unanga gena-ge 'a sangoro so'o gena sababu ra unanga 'ai lese roh ma jira ma repe 'u dungosama.

Lukas 8:30 Iomraidhean Croise

Matias 26:53

'Oru ngana no waro ua mangale na'o Ngoi to golo'o ri-riono tari Ḇaḇa, Unanga jau-jau 'o siḏingoto pai'i pasukana mala'ekata nga nyagi moi re nga muḏiḏi di'a riono Ngoi?!

Matias 4:24

Habari mangale Yesus, 'i rera re walata toma nagara Siria manga gamu, singadolo ngowa'a manga repe 'aḏi sapolo ra Unanga. Ananga 'aḏi gasa ngowa-ngowa'a siḏi, remanga si-siḏi ma rupa lai repe. Ngowa-ngowa'a ga'a roh ma jira ya'u dungosama, ngowa-ngowa'a sarasone, ngowa-ngowa'a ḇolo. Ananga mo-moini Yesus ya'u si-la.

Matias 8:29

Ananga 'aḏi maboa-boa'a, “Ma Jou'ongu Madutu 'ai Ngowa'a Nau'u, 'Ani maksudu 'oru ra ngomi? Kalaha ma 'orasa ngadolo nyangu, Ngana no mau sisikisa ngomi?”

Markus 16:9

Yesus dadunu 'o 'ahu pasala i'a, toma migu ma wangere, da-daini i'a moju, Unanga 'o masibaiti siḏa-siḏa ra ngo Maria Magdalena. Munanga gena-ge, Yesus 'o dusu'u roh ma jira tumudingi.

Markus 5:9

Ḏua Yesus 'o sano unanga, “ 'Ani lomanga 'a guna?” Roh ma jira 'i sangoro, “Ngoi 'ari lomanga ‘Repe’ sababu ngomi roh ma jira lami repe.”

Lukas 8:2

We-were'a nga muḏuo i'a 'aḏi mete'e ḏi'i 'a Yesus. Unanga 'o dusu'u roh-roh ma jira ra ananga bolo si-la ḏua manga si-siḏi. Ra ananga manga sigolona 'age rema ngowa'a matengo 'ami lomanga ngo Maria, ga'a si'aro'o ḏi'i ngo Magdalena (munanga nena-ne Yesus 'a dusu'u 'ami roh ma jira tumudingi).