Lukas 8:3 - Jaji ma Su-sungi

³ Re ngo Yohana 'a Khuza 'ai were'a. Khuza, unanga 'o dadi 'Olana Herodes 'ai ngale ma sae'e. Ngo Susana re ma repe ḏi'i we-were'a lelegu. We-were'a gena-ge ananga madigasa pipisi masiretene di'a 'aḏi riono 'a Yesus re 'Ai me-mete'e.

Lukas 8:3 Iomraidhean Croise

Matias 14:1

Toma 'orasa gena-ge, 'Olana Herodes ga'a 'o pareta toma daeraha Galilea, unanga 'a 'isene habari mangale Yesus.

Matias 14:3

Herodes 'o kanau so'o gena, sababu 'au nga'ene wakutu Yohanes 'o sengene nyangu, 'a Herodes 'o molo'ara ngo Herodias ga'a 'a Filipus 'ai were'a, wakutu 'a Filipus 'o 'ahu moju. Sidogo ḏi'i, 'a Herodes re 'a Filipus, ananga nga muḏiḏi gia nongoḏu. Dadi Yohanes 'o ḇangata tau-taunu 'a Herodes, “Ngana na mete'e ua Musa 'ai hukumu, sababu ngana na molo'ara 'ani dau'u madutu, ngo Herodias.” Sababu gena-ge, Herodes ro soma'a sordado 'aḏi cako'o 'a Yohanes, re 'u piri'u re 'u singosama unanga toma bui.

Matias 14:6

Wakutu Herodes 'ai musungu tero, ngo Herodias 'ami ngowa'a were'a matengo mo roje rousu masala tai ioronongoḏu singadolo Herodes 'ai 'akala re sinyingara 'i sanangi masala.

Matias 2:11

Wakutu ananga 'aḏi osama toma wala ma dara, ananga 'aḏi oḏi'i Unanga gena-ge Rai ngina ngo Maria. Re ananga 'aḏi mapagara manga biono tala re silamo'o re siḏubuso Unanga. Gena ḏua, ananga ya welanga manga harata ma burua, re ya pula'a manga bu-bula'a ra Unanga. Manga bu-bula'a guraci, manyanyi, re mur.

Matias 20:8

Wakutu wangere so'o ne'o ḏa ca'olo rarama, guḏa 'anggur ma dutu 'o kanau tai ngowa'a munara ma sae'e, ‘ 'Aro'o re lomu ngowa'a munara mo-moini, la ta fangu ananga matengo re matengo manga munara ma ngogele; mulaingi toma ngowa'a munara ga'a sapolo ma siḏo-ḏogumu singadolo ngowa'a munara ga'a 'aḏi sapolo ma mulaingi.’

Matias 25:40

Re Ngoi, 'Olana gena-ge 'o sangoro, ‘Ni ngaku mode-mode'e Ngoi 'Ari demo nena-ne: 'Oru ḇato ngini reni 'a'a di'a riono 'Ari ioronongoḏu nena-ne ga'a ngowa'a mapake ua, Ngoi ta 'oro ino ma tero ḇato sa'olo ngini na riono Ngoi!’

Matias 26:11

Ngowa'a ma dinga'unu ua 'age taninga sigolona tau-taunu, mada'a Ngoi 'age ra ngini tau-taunu ua.

Matias 27:55

Toma ngi'i gena-ge, 'age ḏi'i rema we-were'a manga repe 'aḏi oḏi'i toma giḏanga. Ananga gena-ge ma di'ara ḏua 'aḏi mete'e Yesus re 'aḏi riono Unanga, mulaingi da'a Galilea ino.

Lukas 24:10

We-were'a—we-were'a ga'a 'aḏi sijarita gena-ge ra Yesus 'ai so-soma'a, ananga gena-ge: ngo Maria Magdalena, ngo Yohana, re ngo Maria 'a Yakobus 'ai ngina, re we-were'a ma lelegu ḏi'i ga'a 'aḏi ma'u mete'e.

Yohanes 12:6

Yudas 'o kanau so'o gena sababu unanga ngowa'a to-tori'i re soi rai o'o i'a unanga 'o tori'i pipisi toma kas, ga'a unanga 'a gu'u. Unanga 'o sioḏi'i ua ngowa'a ma dinga'unu ua!

Yesus 'ai so-soma'a 13:1

Toma 'orasa gena-ge toma Jama'ata Antiokhia ma sigolona, 'age rema nabi-nabi re guru-guru: 'a Barnabas, 'a Simeon ga'a si'aro'o Niger 'a Lukius da'a limau Kirene ino, 'a Menahem — 'Olana Herodes 'ai nongoḏu 'angoto — re 'a Saulus.

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

Filipi 4:22

Ma Jou'ongu Madutu 'ai 'umata toma limau 'ane-ne, ma la-lamo'o i'a ananga ga'a 'aḏi munara ra Kaisar, ananga mo-moini 'aḏi siḏingoto manga tabea ra ngini.

1 Timotius 5:10

re we-were'a remanga lomanga re ngongaje sa'olo we-were'a ga'a si'a'a 'ori i'a ma la-la ma tero sa'olo: ya dadanu manga ngowa'a ce-ceka'a i'a moju singadolo 'aḏi la-lamo'o, 'aḏi sanangi tamanga ioro re nongoḏu na'o 'aḏi tuḏu tamanga wala, 'aḏi de-de'oso ngowa'a ngaku Yesus, riono ngowa-ngowa'a ma dinga'unu ua, re 'aḏi madaga'a mode-mode'e munara 'oru ḇato ma la-la.