Lukas 8:25 - Jaji ma Su-sungi

²⁵ Ḏua Unanga 'o kanau ra ananga, “I'a sa'olo ni ngaku Ngoi ua?” Ananga 'aḏi heranga re 'aḏi matai mojongo re 'aḏi ma'u kanau matengo re matengo, “Unanga nena-ne 'o dadi 'oru! Singadolo rato re momoku ya mete'e Unanga 'ai parenta!”

Lukas 8:25 Iomraidhean Croise

Matias 14:31

Yesus jau-jau 'a toa'a 'ai giama re 'u cako'o 'a Petrus, re 'O kanau, “Petrus, ngana 'ani ngo-ngaku pa'i ceka'a ua ḇato ra Ngoi. I'a sa'olo 'ani 'akala re sinyingara 'i taka-taka?”

Matias 17:20

Yesus 'a sangoro, “Sababu ngini ninga ngo-ngaku pa'i ceka'a ua. Ni ngaku mode-mode'e 'Ari demo-demo nena-ne: Na'o ngini ninga ngo-ngaku ma lamo'o sa'olo gisisi lai ceka'a ngai moi, ngini nga'unu kanau toma kie nena-ne ‘Malage i'a da'a’ re tantu ḏua enanga 'i malage. Na'o ngini ninga ngo-ngaku so'o gena, 'oru ḇato ngini nga'unu na 'a'a!” [

Matias 6:30

Saya-saya toma goroa 'i konyo wangere nange-ne, re da-daini ngowa'a ya tau'u. Kalaha so'o gena-ge, Ma Jou'ongu Madutu 'a diai saya-saya gena-ge lai rousu masala. Dadi ma la-lamo'o i'a ḏi'i Unanga 'o diai ngini! Dadi i'a sa'olo ninga ngo-ngaku pa'i ceka'a ua ra Ma Jou'ongu Madutu?!

Matias 8:10

Wakutu Yesus 'a 'isene Roma ma sordado ma sae'e 'o kanau so'o gena-ge togumu i'a, Unanga 'o heranga masala. Dadi Unanga 'o kanau i'a toma ngowa'a repe ga'a 'aḏi mete'e Unanga, “Ni ngaku mode-mode'e 'Ari demo-demo nena-ne: Toma ngowa'a Israel manga sigolona, Ngoi to sanga matengo i'a mai nyangu, ga'a 'ai ngo-ngaku ma de'e so'o nena-ne.

Matias 8:26

Yesus 'o kanau, “I'a sa'olo ni mojongo? Ngini ninga ngo-ngaku te'e ua ra Ngoi!” Gena ḏua, Yesus 'o te'oso re 'a ḇangata rato re talaga gena-ge. Re talaga 'i ogoro madutu sa'olo wag̱ele tau'u.

Markus 4:35

Cori lobi'i ino ma wangere gena-ge ḏua. Yesus 'o kanau i'a Tai me-mete'e, “Ino, ngene wo sidete da'a kaci moi.”

Lukas 12:28

Saya-saya toma goroa 'i konyo wangere nange-ne, re da-daini ngowa'a ya tau'u. Kalaha so'o gena-ge, Ma Jou'ongu Madutu 'a diai saya-saya gena-ge lai rousu masala. Dadi ma la-lamo'o i'a ḏi'i Unanga 'o diai ngini! Dadi i'a sa'olo ninga ngo-ngaku pa'i ceka'a ua ra Ma Jou'ongu Madutu ḇato!

Lukas 8:24

Yesus 'ai me-mete'e 'U tamanga Unanga, ananga 'aḏi tuduba, “Tuanga, Tuanga, ngene sanga bahala re ti'ara ua wo jala!” Dadi Yesus 'o momi'i, kara 'a ḇangata rato re momoku. Gena ḏua, rato re momoku 'i togumu re talaga gena-ge ri ogo-ogoro i'a.

Lukas 8:26

Yesus rai me-mete'e 'aḏi sidete turusu singadolo toma daeraha Gerasa, talaga Galilea ma kaci moi.

Yohanes 11:40

Yesus 'o kanau ra ngo Marta, “Ngoi reto kanau ra ngana, na'o no ngaku, ngana ḏuanga i'a no oḏi'i kuasa lamo'o ra Ma Jou'ongu Madutu tala.”