Lukas 8:24 - Jaji ma Su-sungi

²⁴ Yesus 'ai me-mete'e 'U tamanga Unanga, ananga 'aḏi tuduba, “Tuanga, Tuanga, ngene sanga bahala re ti'ara ua wo jala!” Dadi Yesus 'o momi'i, kara 'a ḇangata rato re momoku. Gena ḏua, rato re momoku 'i togumu re talaga gena-ge ri ogo-ogoro i'a.

Lukas 8:24 Iomraidhean Croise

Matias 14:30

Mada'a wakutu Petrus 'a basono karawiana siḏi woḏi, unanga ro mojongo re ro mulaingi 'o jala. Dadi unanga 'o poa'a, “Ma Jou, No salamata ngoi!”

Matias 8:25

Ḏua 'Ai me-mete'e 'U tamanga Unanga re 'aḏi tuduba, “Jou! Riono! Tiara ua wo jala!”

Markus 4:39

Unanga 'o momi'i, ḏua 'a sikanga rato re talaga, “Togumu, masiogoro!” Rato 'i taraha re 'o talaga 'i dadi ogo-ogoro i'a.

Lukas 4:35

Yesus 'o ḇangata roh ma jira gena-ge re 'o kanau, “Masiogoro! Supu toma ngowa'a nena-ne.” Ḏua roh ma jira gena-ge 'i sibau'u ngowa'a gena-ge ra ananga mo-moini manga biono, kara 'i supu toma ngowa'a gena-ge, mada'a unanga 'a basono ua masi-siḏi.

Lukas 4:39

Yesus 'o tagi sebanga i'a ra munanga 'ami jingi'i re 'a soma'a 'ami si-siḏi gagama 'i mawoi'i. Dadi gagama gena-ge ri iranga re munanga mo la, kara mo momi'i re mo de-de'oso ananga.

Lukas 5:5

Simon 'o kanau, “Jou, utu moi siwangere ngomi kama togumu ua mi upa'a j̱ala kuwiḏa re kuḇali, mada'a mi sanga 'oru rimoi i'a mai ua! Mada'a sababu Jou no soma'a, ngoi ta mete'e re ta si'a'a.”

Lukas 8:25

Ḏua Unanga 'o kanau ra ananga, “I'a sa'olo ni ngaku Ngoi ua?” Ananga 'aḏi heranga re 'aḏi matai mojongo re 'aḏi ma'u kanau matengo re matengo, “Unanga nena-ne 'o dadi 'oru! Singadolo rato re momoku ya mete'e Unanga 'ai parenta!”