Lukas 8:2 - Jaji ma Su-sungi

² We-were'a nga muḏuo i'a 'aḏi mete'e ḏi'i 'a Yesus. Unanga 'o dusu'u roh-roh ma jira ra ananga bolo si-la ḏua manga si-siḏi. Ra ananga manga sigolona 'age rema ngowa'a matengo 'ami lomanga ngo Maria, ga'a si'aro'o ḏi'i ngo Magdalena (munanga nena-ne Yesus 'a dusu'u 'ami roh ma jira tumudingi).

Lukas 8:2 Iomraidhean Croise

Matias 4:24

Habari mangale Yesus, 'i rera re walata toma nagara Siria manga gamu, singadolo ngowa'a manga repe 'aḏi sapolo ra Unanga. Ananga 'aḏi gasa ngowa-ngowa'a siḏi, remanga si-siḏi ma rupa lai repe. Ngowa-ngowa'a ga'a roh ma jira ya'u dungosama, ngowa-ngowa'a sarasone, ngowa-ngowa'a ḇolo. Ananga mo-moini Yesus ya'u si-la.

Markus 16:1

Wakutu Sabata ma wangere palisi'i i'a, ngo Maria Magdalena, Maria (Yakobus 'ai ngina) re ngo Salome, ananga 'aḏi tibo bou-bounu di'a ya si'ese ra Yesus 'ai maiyeti.

Markus 16:9

Yesus dadunu 'o 'ahu pasala i'a, toma migu ma wangere, da-daini i'a moju, Unanga 'o masibaiti siḏa-siḏa ra ngo Maria Magdalena. Munanga gena-ge, Yesus 'o dusu'u roh ma jira tumudingi.

Lukas 23:27

Ngowa'a kawasa 'aḏi tagi tu-tuu'u ra Yesus 'ai ḏuḏunu. Ra ananga manga sigolona 'age rema we-were'a—we-were'a ananga 'aḏi rerese ma gaḏi.

Lukas 23:49

Ngowa'a ga'a ma'u nana'o ra Unanga sidogo we-were'a ga'a 'aḏi mete'e Unanga da'a Galilea ino, ananga gena-ge 'aḏi made-de'oso toma giḏanga 'aḏi oḏi'i mo-moini ga'a 'i dadi ḏua.

Lukas 23:55

We-were'a ga'a 'aḏi sapolo mamete'e ra Yesus da'a Galilea ino, ananga 'aḏi mete'e 'a Yusuf re 'aḏi oḏi'i kubu gena-ge, re 'aḏi oḏi'i ḏi'i sigare 'a Yesus 'ai mayeti ma duhu sa'olo.

Lukas 8:30

Yesus 'o sano toma ngowa'a nena-ne, “ 'Ani lomanga 'a guna?” “'Ari lomanga 'a Legion.” Unanga gena-ge 'a sangoro so'o gena sababu ra unanga 'ai lese roh ma jira ma repe 'u dungosama.

Yohanes 19:25

Co-cori Yesus 'ai salib, 'age rema we-were'a nga muḏuo i'a 'aḏi made-de'oso: Yesus 'ai ngina, re 'Ai ngina 'ami nongoḏu, Maria 'a Klopas 'ai were'a, re ngo Maria Magdalena.

Yesus 'ai so-soma'a 1:14

Ananga gena-ge mo-moini 'aḏi malomu tau-taunu di'a 'aḏi manyiata. Ananga 'aḏi manyiata ma'u mete'e we-were'a, ga'a 'aḏi mete'e re 'aḏi de-de'oso 'a Yesus 'au nga'ene, re ngo Maria, Yesus 'ai ngina, re sidogo 'a Yesus 'ai no-nongoḏu.