Lukas 8:18 - Jaji ma Su-sungi

¹⁸ Sababu gena-ge, 'isene re ni totoho la-la ino. Sababu 'a guna ḇato ro sanga wo-waro mangale 'ori i'a go-gogono, Ma Jou'ongu Madutu 'a sidogo ḏi'i wo-waro gena-ge. Mada'a 'a guna ḇato 'o sanga wo-waro ua mangale 'ori i'a go-gogono, 'oru ḇato kalaha unanga 'a ta'ajiri ra 'oro wo-waro pa'i ceka'a ua ḇato, gena-ge Ma Jou'ongu Madutu 'a 'oro ḏi'i.”

Lukas 8:18 Iomraidhean Croise

Matias 13:12

Sababu 'a guna ḇato ro sanga wo-waro mangale 'ori i'a go-gogono, Ma Jou'ongu Madutu 'a sidogo ḏi'i wo-waro gena-ge singadolo pai-pai'i. Mada'a 'a guna ḇato 'o sanga wo-waro ua mangale 'ori i'a go-gogono; 'oru ḇato, kalaha unanga ra sanga pa'i wo-waro ceka'a ua ḇato, gena-ge Ma Jou'ongu Madutu 'a 'oro ḏi'i.

Matias 25:29

Sababu 'a guna ḇato ro sanga repe, Ngoi ḏuanga ta sidogo ḏi'i singadolo pai-pai'i. Mada'a 'a guna ḇato 'o sanga ua; 'oru ḇato, kalaha unanga ra sanga pa'i ceka'a ua ḇato, gena-ge ḏi'i mai sanga 'oro!

Markus 13:14

“Mada'a wakutu ngini ni oḏi'i ‘Ngowa'a ma Jira ga'a Ma Jou'ongu Madutu 'u emono’ 'o made-de'oso toma enanga ma ngi'i ua ra Ma Jou'ongu 'ai Wala ma dara ('a guna ḇato 'o baca nubuata gena-ge, 'a tailako la-la!), ananga ga'a 'aḏi tegoro toma daeraha Yudea balasu 'aḏi wiḏi toma kie.

Lukas 19:26

Unanga gena-ge 'o sangoro, ‘Ngoi to siajele ra ngini nena-ne: 'A guna ḇato ga'a ro sanga repe, Ngoi ḏuanga ta sidogo ḏi'i. Mada'a 'a guna ḇato 'o sanga ua; 'oru ḇato, kalaha unanga ra sanga pa'i ceka'a ua ḇato, gena-ge ḏi'i mai sanga 'oro!

Lukas 9:44

“Isene re totoho la-la ino 'Ari demo nena-ne: Ngoi, Manusia ma Ngowa'a Nau'u, ḏuanga i'a sipula'a toma manusia ma kuasa.”

Yohanes 15:2

'Anggur ma umanga mo-moini ra Ngoi ga'a 'i sowo'o ua, wa tola'a. Re ma umanga mo-moini ga'a rema sowo'o, wa silagara, la 'i dadi 'ofi kara ma sowo'o ganapu repe.

Yesus 'ai so-soma'a 10:33

Sababu gena-ge, ngoi jau-jau to soma'a ngowa'a 'aḏi sidola'a Tuanga. Tuanga, 'ani 'akala re sinyingara 'i la masala, sababu no sapolo ino toma 'orasa nena-ne. Ngomi mi to-tororumu ra Ma Jou'ongu Madutu 'ai momina di'a masigi-gisene mo-moini 'oru ga'a Unanga 'o soma'a Tuanga na siajele ra ngomi.”

Yesus 'ai so-soma'a 17:11

Ngowa'a Berea manga 'akala re sinyingara lai rousu, ma tero ua re ngowa-ngowa'a Tesalonika. Ananga manga 'akala re sinyingara 'i sanangi 'aḏi 'isene Habari Roanga mangale Yesus, re wange moi-wange moi ananga 'aḏi madoto'o toma Boku 'Ofi-'Ofi di'a ya disa waro ngadolo le'a 'a Paulus 'a siajele; banari bolo ua.

Roma 12:3

Ma Jou'ongu Madutu ro pula'a barakati nena-ne ra ngoi: Unanga 'o siwatasa ngoi sa'olo Yesus 'ai so-soma'a. Sababu gena-ge, ngoi to pula'a duga re domolo nena-ne ra ngini mo-moini: Awa ni ta'ajiri lebe la-lamo'o reo ninga diri. Siḏibo ḏi'i, ngini matengo re matengo balasu tatamo ninga diri ga'a ma duhu 'i patasa mete'e ninga ngo-ngaku ma balangu, ga'a Ma Jou'ongu Madutu ro pula'a ra ngini matengo re matengo.

1 Korintus 14:37

Na'o 'age rema ngowa'a 'aḏi mabasono tala remanga kuasa di'a siajele habari da'u ra Ma Jou'ongu Madutu tala, bolo 'age remanga kuasa lelegu toma Ngagara 'Ofi-'Ofi; ngowa'a gena-ge balasu 'o ma'insafu mangale 'oru ga'a ngoi ta lefo, gena-ge Ma Jou 'ai parenta.

1 Korintus 3:18

Awa ni sihaga ninga diri masiretene. Na'o 'age taninga sigolona matengo i'a ga'a 'o ta'ajiri unanga ngowa'a 'akala soro'unu toma manusia ma momina; unanga gena-ge balasu 'o madadi sa'olo ngowa'a haga toma manusia ma momina, la unanga mode-mode'e ngowa'a 'akala soro'unu ra Ma Jou'ongu Madutu 'ai momina.

1 Korintus 8:2

'A guna ḇato 'o mata'ajiri unanga 'o waro lai repe mangale 'oru ḇato; momongolo ua, unanga 'a waro pa'i ceka'a ua ḇato!

Filipi 3:4

Kalaha so'o gena-ge, ngoi nyengara to sigare 'ari ngo-nganono mete'e 'agama ma 'atoranga gena-ge. Si'ade-'ade i'a 'age rema ngowa'a matengo i'a rai 'alasana-'alasana di'a 'o sigare ngo-nganono mete'e 'agama ma 'atoranga di'a sisalamata unanga, ngoi mai rari 'alasana lebe te'e i'a ḏi'i:

'Ibrani 2:1

Sababu gena-ge, ngene balasu macako'o mode-mode'e do-doto'o ga'a ngene rewa 'isene, la awa ngene wa sisoi'i tala nanga ngo-ngaku.