Lukas 8:15 - Jaji ma Su-sungi

¹⁵ Gisisi 'i eta'a toma tana'a ma la-la'eme, gena-ge ma tero sa'olo ngowa'a 'aḏi 'isene habari gena-ge ya dawongo re ya gogono tamanga 'akala re sinyingara lai rousu re 'i banari. Ananga 'aḏi matahana singadolo sisupu ma sowo'o.

Lukas 8:15 Iomraidhean Croise

Matias 24:13

Mada'a ngowa'a ga'a 'aḏi ngaku Ngoi tau-taunu singadolo ma ḏo-ḏogumu, ananga gena-ge 'aḏi sanga salamata.

Lukas 11:28

Mada'a Yesus 'a sangoro, “Lebe bara'utungu ḏi'i ngowa'a ga'a 'aḏi 'isene Ma Jou'ongu Madutu 'ai demo re ya si'a'a.”

Lukas 6:45

So'o gena ḏi'i ma tero sa'olo manusia: Ngowa'a la-la 'i waiti 'ori i'a ma la-la, sababu manga 'akala re sinyingara 'i romanga reo ga'a ma la-la. Ngowa'a ma jira 'i waiti 'ori i'a ma jira, sababu manga 'akala re sinyingara 'i romanga reo ga'a ma jira. Sababu 'oru ga'a ngini kanau, gena-ge 'i supu taninga 'akala re sinyingara ma dara ino.

Lukas 8:14

Gisisi 'i eta'a toma rurubu dodowo'o ma golona, ma tero sa'olo ngowa'a 'aḏi 'isene habari gena-ge, mada'a 'aḏi dodato mangale manga 'ahu, ananga 'aḏi mau manga 'ahu pai-pai'i re tamanga 'akala re sinyingara ma dara, manga nyafusu lai lamo'o ḏi'i dadi ananga 'aḏi basono manga 'ahu 'i peletoro singadolo ananga 'aḏi mete'e riwara Ma Jou'ongu Madutu 'ai habari gena-ge. Dadi ananga ma tero sa'olo go-gahu ma sowo'o tu'unisi.

Lukas 8:16

Matengo i'a mai ua tagala 'o poci, kara 'a damunu reo tampayanga bolo 'a sigare toma jingi'i ma 'aḏu. Mada'a 'a siteru toma poci ma ngi'i, la ngowa'a ga'a osama nga'unu ya oḏi'i ma tarangi.

Yohanes 14:15

“Na'o ngini ni dadalara Ngoi, ngini ni mete'e Ngoi 'ari parenta.

Yohanes 15:10

Na'o ngini ni mete'e 'Ari parenta, ngini ni marimoi ra Ngoi tau-taunu re ni basono tala 'Ari dadalara. Gena-ge ma tero Ngoi reto mete'e 'Ari Ḇaḇa 'Ai parenta re To marimoi ra Unanga, re dadi Ngoi to basono tala 'Ai dadalara tau-taunu.

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

Roma 6:22

Mada'a nange-ne, Ma Jou'ongu Madutu ro sibebasa ngini toma ḏosa ma kuasa, re ni dadi Ma Jou'ongu Madutu 'ai budaka. Dadi ma 'utungu so'o ne: Ngini ni 'ahu marimoi ra Ma Jou'ongu Madutu, re ma ḏo-ḏogumu tala sanga 'ahu kasingado-ngadolo i'a.

Roma 7:18

Ngoi to waro mangale tari diri nena-ne, 'ori i'a ma la-la 'i cua sababu 'ari tabeata baraḏosa. Sababu ngoi to nyafusu to 'a'a 'ori i'a ma la-la, mada'a ta nga'unu ua.

Roma 7:4

So'o gena ḏi'i di'a ngini, ngoi 'ari ioronongoḏu ngo-ngaku rimoi. Nange-ne ngini ḏi'i ni 'ahu marimoi reo Musa 'ai hukumu riwara. Sababu ma tero sa'olo ngini reni sengene marimoi ra Kristus 'ai lese, la ngini ni 'ahu marimoi toma ngowa'a lelegu, gena-ge Kristus, Unanga ga'a dadunu 'O 'ahu moju Tai se-sengene. Dadi ngene renanga faeda tananga 'ahu nena-ne ma dara di'a Ma Jou'ongu Madutu.

Roma 8:25

Mada'a 'oru ga'a ngene wo masinganono moju, ngene wa totoma renanga 'akala ḇanyo.

1 Korintus 7:19

Sababu mete'e bolo mete'e ua suna ma 'atoranga; fara ḏiḏi, gena-ge 'i 'oru ua. Mete'e Ma Jou'ongu Madutu 'ai parenta, gena-ge lebe ma la-lamo'o i'a.

Efesus 2:8

I'a sa'olo Unanga ro sisalamata ngini?! Sababu ngini reni madaga'a 'ori i'a ma la-la?! So'o gena-ge ua! Mada'a sababu Unanga 'ai mura re dadalara ra ngini. Ma sababu gena-ge, Unanga ro sisalamata ngini sababu ngini reni ngaku Yesus. Ngini ni sanga salamata sababu ninga de'oso re ḏegoro ma la?! So'o gena-ge ua! Mada'a ngini reni sanga salamata pa'i Ma Jou'ongu Madutu 'ai cocatu ḇato. Dadi matengo i'a mai ua 'o mahie 'ai diri mangale sanga salamata gena-ge,

Filipi 1:11

Re ḏi'i mangale ninga 'ahu ma duhu enanga 'i romanga reo de'oso re ḏegoro ma la-la ga'a pa'i sababu Yesus Kristus masiretene 'ai kuasa ḇato. Dadi ngowa'a ḏuanga i'a 'aḏi simulia re 'aḏi puji re silamo'o Ma Jou'ongu Madutu.

Kolose 1:10

Dadi, ngini nga'unu ni 'ahu mete'e Ma Jou'ongu Madutu 'ai 'akala ma mau, la ni sisanangi Unanga 'ai 'akala re sinyingara. Re ḏi'i ngini ninga ga'a la-la fara muḏuo i'a re ninga wo-waro mangale Ma Jou'ongu Madutu, enanga gena-ge 'i ganapu madogo-dogo toma 'ori i'a mo-moini.

Kolose 1:6

Habari Roanga gena-ge 'i singadolo ḏua toma dungia sitabi donga, singadolo ganapu dogo ngowa-ngowa'a ngaku Yesus re ya si'a'a tamanga de'oso re ḏegoro re demo re ganau 'i dadi la-la. So'o gena-ge ḏi'i, wakutu ngini reni 'isene, ngini ni ngaku Yesus re ni basono mode-mode'e Ma Jou'ongu Madutu 'ai mura re dadalara singadolo ninga de'oso re ḏegoro 'i dadi la-la.

'Ibrani 10:36

Dadi, ngini balasu ni pake 'akala ma ḇanyo re ni ngaku tau-taunu, la ngini nga'unu ni 'a'a 'oru ḇato mete'e Ma Jou'ongu Madutu 'ai 'akala ma mau. Na'o so'o gena ngini ḏuanga i'a ni dawongo 'oru ga'a Unanga 'o sijaji.

'Ibrani 2:1

Sababu gena-ge, ngene balasu macako'o mode-mode'e do-doto'o ga'a ngene rewa 'isene, la awa ngene wa sisoi'i tala nanga ngo-ngaku.

Yakobus 1:4

Na'o so'o gena, ngini ḏuanga i'a ni dadi ngowa'a ngaku Yesus ga'a manga ngo-ngaku enanga 'i la'ere re manga de'oso re ḏegoro 'i ma'u rapu ua: kama kuranga ua.

1 Yohanes 2:3

Na'o ngene wa mete'e tau-taunu 'oru ḇato ga'a Ma Jou'ongu Madutu 'ai parenta, gena-ge 'i dadi nana'o rimoi mangale ngene mode-mode'e wo nana'o Unanga.