Lukas 8:14 - Jaji ma Su-sungi

¹⁴ Gisisi 'i eta'a toma rurubu dodowo'o ma golona, ma tero sa'olo ngowa'a 'aḏi 'isene habari gena-ge, mada'a 'aḏi dodato mangale manga 'ahu, ananga 'aḏi mau manga 'ahu pai-pai'i re tamanga 'akala re sinyingara ma dara, manga nyafusu lai lamo'o ḏi'i dadi ananga 'aḏi basono manga 'ahu 'i peletoro singadolo ananga 'aḏi mete'e riwara Ma Jou'ongu Madutu 'ai habari gena-ge. Dadi ananga ma tero sa'olo go-gahu ma sowo'o tu'unisi.

Lukas 8:14 Iomraidhean Croise

Matias 13:22

Gisisi ga'a 'i eta'a toma rurubu dodowo'o ma sigolona, ma tero sa'olo ngowa'a ga'a 'aḏi 'isene habari gena-ge, mada'a 'aḏi dodato mangale manga 'ahu, re 'aḏi mau manga 'ahu pai-pai'i. Sababu gena-ge habari gena-ge 'i 'ahu peletoro tamanga 'akala re sinyingara singadolo 'i sowo'o ua.

Markus 4:19

mada'a 'aḏi dodato mangale manga 'ahu. Ananga 'aḏi mau manga 'ahu pai-pai'i, re tamanga 'akala re sinyingara ma dara manga nyafusu lai lamo'o ḏi'i. Sababu gena-ge, habari tamanga 'akala re sinyingara ma dara ma 'ahu 'i peletoro singadolo 'i sowo'o ua.

Lukas 16:13

Budaka matengo i'a mai ua nga'unu 'o de-de'oso ti-tiai tuanga nga muḏiḏi! Sababu unanga 'ai 'akala re sinyingara 'i kucela: Unanga 'o lebe dadalara tuanga matengo reo tuanga ma lelegu. Bolo unanga 'o mete'e lebe cufala tai tuanga matengo reo tuanga ma lelegu. So'o gena ḏi'i, sanga ua ngini ni lomu harata toma dungia nena-ne simete'e ni de-de'oso ti-tiai Ma Jou'ongu Madutu!”

Lukas 21:34

Ni ma'istiari! Awa ngini pa'i ni cufala 'a'a laya re ni ma'eto-'etolo, bolo pa'i ni mafikiri ninga 'ahu ḇato, singadolo kage-kage ma 'orasa gena-ge 'i ngadolo re ngini ni siwaro i'a ua.

Lukas 8:13

Gisisi ga'a 'i eta'a toma tana'a maḏi-maḏi, gena-ge ma tero sa'olo ngowa'a 'aḏi 'isene habari gena-ge, jau-jau ya dawongo remanga roanga tamanga 'akala re sinyingara. Mada'a tamanga 'akala re sinyingara ma dara habari gena-ge 'i utu'u ua. Dadi ananga 'aḏi ngaku habari gena-ge pa'i ngoma moi ḇato, ananga 'aḏi celolo ḏuḏunu i'a wakutu 'aḏi sanga bo-baja.

Lukas 8:15

Gisisi 'i eta'a toma tana'a ma la-la'eme, gena-ge ma tero sa'olo ngowa'a 'aḏi 'isene habari gena-ge ya dawongo re ya gogono tamanga 'akala re sinyingara lai rousu re 'i banari. Ananga 'aḏi matahana singadolo sisupu ma sowo'o.

Lukas 8:7

'Age mamuni'a ḏi'i 'i eta'a toma rurubu dodowo'o ma golona, gisisi re rurubu dodowo'o gena-ge 'i konyo mamete'e, mada'a ma rurubu dodowo'o ya pilatu gisisi ma go-gonyo singadolo gisisi 'i sengene.

Yohanes 15:6

Na'o 'a guna ḇato ga'a marimoi ua ra Ngoi, unanga gena-ge ma tero sa'olo 'anggur ma umanga ga'a ri tola'a, kara 'i dadi ngonono. 'Anggur ma umanga gena-ge, ngowa'a ya lomu kara ya upa'a toma u'u re enanga 'i ro'u.

1 Timotius 6:17

Ngana balasu no golo'o toma ngowa-ngowa'a rema-enanga toma dungia nena-ne, awa ananga 'aḏi momole re awa 'aḏi masinganono toma 'ori i'a 'i kakali ua ma tero sa'olo manga harata. Ananga balasu 'aḏi masinganono ra Ma Jou'ongu Madutu ga'a 'o pula'a 'oru ḇato ra ngene pai-pai'i di'a ngene nanga 'ahu.

2 Timotius 4:10

sababu 'a Demas ga'a 'o mete'e dungia ma nyafusu unanga gena-ge 'o sisoi'i tala ngoi re ro tagi toma limau Tesalonika. 'A Kreskes ro tagi toma daeraha Galatia re 'a Titus toma daeraha Dalmatia.

'Ibrani 6:1

Sababu gena-ge ioronongoḏu ngo-ngaku rimoi, awa pa'i ino madoto'o do-doto'o ma mulaingi mangale Kristus ḇato. Siḏibo ḏi'i, ino madoto'o do-doto'o mangale site'e nanga ngo-ngaku. Awa pa'i ino madoto'o do-doto'o ma mulaingi ḇato bae sisoi'i tala ḏosa re maḏibo toma ngo'omo boloto, bae ngaku Ma Jou'ongu Madutu, la wo sanga ua sengene kasingado-ngadolo i'a,