Lukas 8:1 - Jaji ma Su-sungi

¹ Ma 'orasa ti'ara ua, Yesus 'o tagi toma limau-limau re 'o gamu-gamu di'a singadolo Habari Roanga mangale Ma Jou'ongu Madutu 'ai Pareta. Re 'Ai me-mete'e nga nyagi moi re nga muḏiḏi mete'e Unanga.

Lukas 8:1 Iomraidhean Croise

Matias 11:1

Yesus 'o doto'o 'Ai me-mete'e nga nyagi moi re nga muḏiḏi pasala i'a, Unanga 'o tagi di'a 'O doto'o re 'O singadolo Habari Roanga toma limau-limau ma co-cori.

Matias 13:19

Gisisi ga'a 'i eta'a toma ngo'omo ma 'uḏu, ma tero sa'olo ngowa'a ga'a 'isene habari mangale Soroga ma Pareta, mada'a ya sahe ua. Dadi 'Iblisi sapolo re ya ra-rabasa 'oru ga'a 'i siare ḏua tamanga 'akala re sinyingara ma dara.

Matias 4:23

Yesus 'a sigoloḏi daeraha Galilea mo-moini re 'O doto'o toma wala-wala puji. Unanga 'o singadolo Habari Roanga mangale Soroga ma Pareta. Re Unanga ḏi'i 'O si-la ngowa-ngowa'a mo-moini remanga si-siḏi ma rupa 'oru ḇato.

Matias 9:35

Yesus 'o tagi 'o tuḏu limau-limau, re gamu-gamu toma daeraha sitabi donga. Unanga 'o doto'o toma wala-wala puji re singadolo Habari Roanga mangale Soroga ma Pareta. Unanga 'o si-la ngowa-ngowa'a mo-moini remanga si-siḏi ma rupa 'oru ḇato.

Markus 1:39

Sababu gena-ge, Unanga 'o tagi toma daeraha Galilea mo-moini re 'O singadolo Habari Roanga toma wala-wala puji ma dara re 'O dusu'u roh-roh ma jira.

Lukas 1:80

Zakaria 'ai ngowa'a gena-ge lebe ti'ara lebe ramasa re 'ai ngo-ngaku ra Ma Jou'ongu Madutu 'i lebe te'e. Unanga 'o tegoro toma daeraha baulaco singadolo ma 'orasa 'i tero di'a unanga 'a sijumu 'ai diri toma ngowa'a Israel.

Lukas 20:1

Toma wangere rimoi Yesus 'o doto'o re 'o singadolo Habari Roanga ra Ma Jou'ongu Madutu ino toma ngowa-ngowa'a ra Ma Jou'ongu Madutu 'ai Wala ma soana. 'Imam-'imam ma sae'e re guru-guru 'agama re Yahudi manga sae'e, ananga 'aḏi sapolo ḏi'i.

Lukas 4:18

“Ma Jou'ongu Madutu 'ai Ngagara 'Ofi-'Ofi marimoi ra Ngoi. Sababu Ma Jou'ongu Madutu 'o cumutu ḏua Ngoi di'a ta singadolo Habari Roanga toma ngowa-ngowa'a ma dinga'unu ua. Ma Jou'ongu Madutu 'o 'utusu Ngoi di'a to singadolo habari mangale: Ngoi ḏuanga i'a to sisupu ngowa-ngowa'a toma 'Iblisi ma pareta re si-la ngowa-ngowa'a hafu re ta'u sibebasa ngowa-ngowa'a ga'a 'aḏi sanga sikisa

Lukas 9:6

Yesus 'ai me-mete'e ananga 'aḏi tagi toma gamu-gamu singadolo Habari Roanga re si-la ngowa'a siḏi le'a ḇato.

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

Yesus 'ai so-soma'a 13:32

Sababu gena-ge, ngomi mi siajele Habari Roanga ra ngini ga'a Ma Jou'ongu Madutu 'a sijaji pasala ḏua tananga ete re dotumu: Ma Jou'ongu Madutu 'o 'utusu Salamata ma Cimi di'a 'O sisalamata ngowa-ngowa'a.

Roma 10:15

Re ma ngo'omo sa'olo ananga nyengara singadolo mangale Ma Jou, na'o ngowa'a sanga 'utusu nyangu? Toma Boku 'Ofi-'Ofi ma dara 'i silefo so'o ne: “Ma rousu mura ua rema ngowa'a ga'a sapolo sigasa Habari Roanga ra Ma Jou'ongu Madutu tala!”