Lukas 7:42 - Jaji ma Su-sungi

⁴² Ananga nga muḏiḏi ya siḏibo ya nga'unu ua pipisi salaka gena-ge mada'a manga banyatoro toma ngowa'a ga'a sipula'a bau 'a singi-ngiranga. Na 'a guna ra ananga nga muḏiḏi gena-ge ḏuanga i'a 'aḏi lebe manga dadalara ngowa'a ga'a sibau pipisi?”

Lukas 7:42 Iomraidhean Croise

Matias 18:27

Dadi 'olana 'ai 'akala re sinyingara 'i baolo dadalara tai budaka gena-ge, singadolo budaka gena-ge 'ai banyatoro ma 'olana 'a singi-ngiranga re sibebasa unanga di'a 'o tagi maḏibo.

Matias 18:34

Dadi 'olana 'o ruta masala toma budaka gena-ge ga'a 'ai 'akala re sinyingara 'i cira re 'u singosama unanga toma bui, singadolo 'a fangu 'ai banyatoro simoini.”

Matias 6:12

Re No singi-ngiranga minga sala, ma tero ngomi ḏi'i remi si'apongo ngowa'a ga'a 'aḏi 'a'a sala ḏua ra ngomi.

Lukas 7:43

Simon 'o sangoro, “Mete'e ngoi 'ari 'akala ma sanga, ngowa'a ga'a banyatoro lebe lamo'o i'a 'i singi-ngiranga ḏua.” Yesus 'o kanau, “Tero mode'e ngana.”

Roma 3:24

re pa'i ngene wo dadi ngowa'a kananga sala ua ra Ma Jou'ongu Madutu 'ai momina sababu Unanga 'ai mura re dadalara ḇato. Unanga 'o si'a'a so'o gena-ge di'a ngene sa'olo cocatu sababu Kristus Yesus rena tuusu.

Roma 5:6

Toma 'orasa ga'a Ma Jou'ongu Madutu ra sitantukanga pasala ḏua, wakutu ngene nga'unu wo sisalamata ua ngene masiretene, Kristus 'o sengene di'a ngene ga'a wo kiḏanga ra Ma Jou'ongu Madutu.

Galatia 3:10

Ngowa-ngowa'a ga'a 'aḏi sigare manga ngo-ngaku ra Musa 'ai hukumu, ḏuanga i'a ananga mo-moini gena-ge 'aḏi sanga hukumu kasingado-ngadolo i'a ra Ma Jou'ongu Madutu. Sababu toma Boku 'Ofi-'Ofi 'i silefo so'o ne: “Ngowa'a ga'a 'aḏi mete'e Musa 'ai hukumu mo-moini ua, ḏuanga i'a 'aḏi sanga hukumu ra Ma Jou'ongu Madutu!”

Efesus 1:7

Ngene rewo marimoi ra Kristus. Dadi gena-ge ma ngale Ma Jou'ongu Madutu ro singi-ngiranga nanga ḏosa-ḏosa re Unanga ro sibebasa ngene sababu Yesus 'ai ngaunu ri pa'ala di'a ngene. Gena-ge ri dadi sababu 'Ai mura re dadalara ga'a kama tola'a ua di'a ngene.

Efesus 4:32

Siḏibo ḏi'i, ngini balasu ninga 'akala re sinyingara lai rousu, ni ma'u dadalara re ma'u si'apongo matengo re matengo, ma tero sa'olo Ma Jou'ongu Madutu 'o singi-ngiranga ninga ḏosa sababu ni marimoi ra Kristus.

Kolose 3:13

Ngini matengo re matengo balasu ni pake 'akala ḇanyo, awa ni gogono 'akala na'o ngowa'a lelegu 'aḏi 'a'a sala ra ngini, re ma'u si'apongo matengo re matengo na'o ngowa'a 'aḏi 'a'a ḏosa ra ngini. Ma Jou'ongu Madutu rai 'akala re sinyingara sa-sanangi 'O singi-ngiranga ninga ḏosa-ḏosa, dadi ngini ḏi'i reninga 'akala re sinyingara balasu ma'u si'apongo matengo re matengo na'o ngowa'a 'aḏi 'a'a ḏosa ra ngini.