Lukas 7:37 - Jaji ma Su-sungi

³⁷ Toma limau gena-ge, 'age rema we-were'a matengo, munanga remo 'ahu toma ḏosa ma dara. Wakutu munanga mo 'isene Yesus 'o oromo toma ngowa'a Farisi gena-ge 'ai wala, munanga mo sapolo rami botol rimoi ma dara rema bou-bounu.

Lukas 7:37 Iomraidhean Croise

Matias 21:31

Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?” Ananga gena-ge ya sangoro, “Ngowa'a nau'u ma ioro.” Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta; mada'a ngini ua!

Lukas 18:13

Mada'a ngowa'a golo-golo'o balastengi gena-ge 'o te'oso toma giḏanga re 'ai biono talaḏi ie diwanga ua, 'a sata-sata katere re 'o kanau, ‘Ya Ma Jou'ongu Madutu no sijumu 'Ani 'akala re sinyingara ma la-la ra ngoi, ngowa'a baraḏosa!’ ”

Lukas 19:7

Ngowa'a mo-moini 'aḏi oḏi'i so'o gena, ananga 'aḏi kuḏubungu re 'aḏi kanau, “Cih, Unanga 'o tagi tuḏu toma ngowa'a baraḏosa manga wala!”

Lukas 5:30

Ngowa'a Farisi nga muḏuo i'a re ananga manga guru-guru 'agama ananga 'aḏi sanangi ua. Dadi ananga 'aḏi kanau i'a ra Yesus 'ai me-mete'e, “I'a sa'olo ngini mo-moini ni oromo mamete'e reo ngowa'a golo-golo'o balastengi re ngowa'a baraḏosa?”

Lukas 5:32

So'o gena ḏi'i, Ngoi to sapolo ua di'a 'aro'o ngowa'a loasa re banari mada'a di'a 'aro'o ngowa'a baraḏosa, la ananga gena-ge 'aḏi maḏibo toma ngo'omo boloto.”

Lukas 7:34

Ngoi, Manusia ma Ngowa'a Nau'u reto sapolo re To oromo re ka'e, mada'a ngini ḏi'i ni dawongo Ngoi ua re ni kanau, ‘ Oḏi'i unanga gena-ge 'O da-danata, 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa.’

Lukas 7:36

Ngowa'a Farisi matengo 'ai lomanga Simon, unanga 'o saele Yesus di'a oromo ra unanga 'ai wala. Yesus 'o tagi ra Simon 'ai wala re 'o oromo ma'u mete'e ra unanga.

Yohanes 11:2

(Ngo Maria gena-ge matengo ga'a mo siba-ba'ala 'ami bo-bounu ra Ma Jou 'ai rou re masipii'i rami utu.) Toma 'orasa gena-ge Lazarus 'o eta'a toma si-siḏi.

Yohanes 9:24

Ḏua ngowa'a Farisi dadunu 'aḏi 'aro'o moju ngowa'a hafu gena-ge re 'aḏi kanau ra unanga, “Ngana balasu no masisasi mangale no kanau 'ori i'a ga'a banari. Ngomi mi waro Unanga gena-ge ngowa'a baraḏosa.”

Yohanes 9:31

Ngene wa waro, Ma Jou'ongu Madutu 'a dawongo ua ngowa'a baraḏosa manga go-golo'o. Pa'i ngowa'a ga'a 'aḏi ta'aloko ra Unanga re 'aḏi mete'e Unanga 'ai mau, ananga manga go-golo'o Ma Jou'ongu Madutu 'a dawongo.

Roma 5:8

Mada'a Ma Jou'ongu Madutu masiretene 'a sijumu 'Ai dadalara madutu ra ngene so'o ne: Wakutu ngene wo 'ahu toma ḏosa moju, Kristus 'o sengene di'a ngene!

1 Timotius 1:15

'Age demo ma betongo so'o ne: “Kristus Yesus 'o sapolo toma dungia di'a 'O sisalamata ngowa-ngowa'a baraḏosa.” Demo gena-ge 'i tero re balasu wa dawongo re wa ngaku mode-mode'e. Ngoi masiretene 'ari ḏosa lai lamo'o toma ngowa'a baraḏosa mo-moini.

1 Timotius 1:9

Balasu wa 'elingi Musa 'ai hukumu gena-ge 'i si'a'a di'a 'a guna? Di'a ngowa'a loasa re banari?! So'o gena-ge ua?! Mada'a di'a ngowa'a ga'a 'aḏi mete'e hukumu ua re ngowa'a ma jira, ngowa'a ga'a silamo'o re siḏubuso Ma Jou'ongu Madutu ua, re ngowa'a baraḏosa, ngowa'a kama 'agama ua, re ngowa'a 'aḏi mete'e dungia ma nyafusu, ngowa'a 'aḏi sisengene manga ḇaḇa re manga ngina re ngowa'a lelegu ga'a 'aḏi sisengene ngowa'a.

1 Petrus 4:18

Toma Boku 'Ofi-'Ofi ma dara 'i silefo so'o ne: “Na'o ngowa-ngowa'a ga'a 'aḏi mete'e Ma Jou'ongu Madutu 'ai 'akala ma mau mai 'aḏi sanga sangisara ḏi'i, kara 'aḏi sanga salamata toma soroga. 'Oru 'i dadi reo ngowa'a baraḏosa ga'a 'aḏi mete'e ua Ma Jou'ongu Madutu 'ai 'akala ma mau?!”