Lukas 7:34 - Jaji ma Su-sungi

³⁴ Ngoi, Manusia ma Ngowa'a Nau'u reto sapolo re To oromo re ka'e, mada'a ngini ḏi'i ni dawongo Ngoi ua re ni kanau, ‘ Oḏi'i unanga gena-ge 'O da-danata, 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa.’

Lukas 7:34 Iomraidhean Croise

Matias 11:19

Ngoi, Manusia ma Ngowa'a Nau'u reto sapolo, To oromo re ka'e 'anggur. Nange-ne ḏi'i ngowa'a raḏi dawongo Ngoi ua 'aḏi kanau, ‘Oḏi'i Unanga gena-ge 'O da-danata re 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa!’ Kalaha so'o gena, Ma Jou'ongu Madutu 'ai 'akala ma soro'unu 'i waiti banari ra Ma Jou'ongu Madutu 'ai ngowa-ngowa'a manga de'oso re ḏegoro ma rousu.”

Matias 5:46

Dadi na'o ni dadalara pa'i ngowa'a ga'a 'aḏi dadalara ngini ḇato, Ma Jou'ongu Madutu 'o pula'a ngogele ua ra ngini. Sababu ngini ma tero sa'olo ngowa'a golo-golo'o balastengi: Ananga ḏi'i pa'i 'aḏi dadalara ngowa'a ga'a ya'u dadalara!

Matias 9:11

'Age rema ngowa'a Farisi ga'a 'aḏi oḏi'i i'a so'o gena, ananga 'aḏi sano ra Yesus 'ai me-mete'e, “I'a sa'olo ninga guru Unanga 'o oromo mamete'e reo ngowa-ngowa'a golo-golo'o balastengi re ngowa'a baraḏosa?”

Lukas 11:37

Yesus 'o doto'o togumu i'a, 'age rema ngowa'a Farisi matengo 'o saele 'a Yesus oromo ra unanga 'ai wala. Ḏua Yesus 'o tagi oromo.

Lukas 14:1

Toma 'orasa rimoi Sabata ma wangere, Yesus 'o tagi oromo toma ngowa'a Farisi matengo 'ai wala. Unanga gena-ge 'o sayanga ma jingi'i. Toma ngi'i gena-ge, guru-guru 'agama re ngowa-ngowa'a Farisi 'aḏi tailako Unanga mode-mode'e.

Lukas 15:2

Ngowa-ngowa'a Farisi re guru-guru 'agama mulaingi 'aḏi kuḏubungu re 'aḏi kanau, “Unanga ne 'o dawongo ngowa-ngowa'a baraḏosa re 'aḏi oromo mamete'e ra Unanga!”

Lukas 19:7

Ngowa'a mo-moini 'aḏi oḏi'i so'o gena, ananga 'aḏi kuḏubungu re 'aḏi kanau, “Cih, Unanga 'o tagi tuḏu toma ngowa'a baraḏosa manga wala!”

Lukas 5:29

Togumu i'a, Lewi 'o 'a'a laya tai wala di'a Yesus. Ngowa'a golo-golo'o balastengi manga repe re ngowa'a lelegu ḏi'i 'aḏi oromo mamete'e ra ananga.

Lukas 7:33

Ngoi 'ari maksudu: Wakutu Yohanes tukanga baptis 'o sapolo, unanga 'o puasa re oḏu'u ka'e 'anggur, re ngini nu dawongo ua re ni kanau, ‘Unanga 'o roh ma jira 'u dungosama.’

Lukas 7:35

Kalaha so'o gena, Ma Jou'ongu Madutu 'ai 'akala ma soro'unu 'i waiti banari ra Ma Jou'ongu Madutu 'ai ngowa-ngowa'a ga'a raḏi dawongo Ngoi.”

Lukas 7:36

Ngowa'a Farisi matengo 'ai lomanga Simon, unanga 'o saele Yesus di'a oromo ra unanga 'ai wala. Yesus 'o tagi ra Simon 'ai wala re 'o oromo ma'u mete'e ra unanga.

Yohanes 12:2

Ananga 'aḏi 'a'a laya di'a silamo'o Yesus. Re 'a Lazarus rai ioronongoḏu 'aḏi majoreke oromo mamete'e ra Unanga. Re ngo Marta mo de-de'oso ananga.

Yohanes 2:2

Yesus re 'Ai me-mete'e ananga sanga saele ḏi'i toma laya madutu.