Lukas 7:21 - Jaji ma Su-sungi

²¹ Wakutu gena-ge, Yesus 'o si-la ngowa'a siḏi manga repe re 'O sisupu ngowa'a manga repe ga'a roh ma jira ya'u dungosama re 'O si-la ngowa'a hafu manga repe dadi raḏi oḏi'i.

Lukas 7:21 Iomraidhean Croise

Matias 4:23

Yesus 'a sigoloḏi daeraha Galilea mo-moini re 'O doto'o toma wala-wala puji. Unanga 'o singadolo Habari Roanga mangale Soroga ma Pareta. Re Unanga ḏi'i 'O si-la ngowa-ngowa'a mo-moini remanga si-siḏi ma rupa 'oru ḇato.

Matias 4:24

Habari mangale Yesus, 'i rera re walata toma nagara Siria manga gamu, singadolo ngowa'a manga repe 'aḏi sapolo ra Unanga. Ananga 'aḏi gasa ngowa-ngowa'a siḏi, remanga si-siḏi ma rupa lai repe. Ngowa-ngowa'a ga'a roh ma jira ya'u dungosama, ngowa-ngowa'a sarasone, ngowa-ngowa'a ḇolo. Ananga mo-moini Yesus ya'u si-la.

Markus 3:10

Yesus 'o si-la ḏua ngowa'a siḏi manga repe. Dadi ngowa'a siḏi mo-moini 'aḏi marerebe 'aḏi masebanga i'a re 'aḏi mau cigi Unanga, la ananga 'aḏi la ḏi'i.

Markus 5:29

Munanga macigi 'a Yesus 'ai juba, re toma 'orasa gena-ge ḏua, 'ami ngaunu pa'ala riwara. Munanga mo mabasono tala re mo la.

Markus 5:34

Ḏua Unanga 'o kanau i'a ra munanga, “ 'Ari ngowa'a, sababu ngana no ngaku Ngoi, ngana no la. No tagi rani dame sababu ngana reno la.”

Lukas 7:20

Yohanes 'ai me-mete'e nga muḏiḏi gena-ge 'aḏi tagi ra Yesus re 'aḏi kanau, “Yohanes tukanga baptis 'o soma'a ngomi mi sano ra Jou: 'Oru Jou nena-ne ḏua matengo ga'a no sapolo mete'e Ma Jou'ongu Madutu 'ai jaji bolo ngomi balasu mi totoma ngowa'a lelegu?”

'Ibrani 12:6

Sababu Ma Jou'ongu Madutu 'o doto'o toma ngowa'a ga'a Unanga 'o dadalara re 'O sihukumu 'a guna ḇato ga'a Unanga 'ai ngowa-ngowa'a nau'u.”