Lukas 7:19 - Jaji ma Su-sungi

¹⁹ kara unanga 'o soma'a ananga 'aḏi tagi ra Ma Jou Yesus re 'aḏi sano ra Unanga ma betongo so'o ne: “Jou nena-ne ḏua ga'a no sapolo mete'e Ma Jou'ongu Madutu 'ai jaji bolo ngomi balasu mi totoma ngowa'a lelegu?”

Lukas 7:19 Iomraidhean Croise

Markus 6:7

Unanga 'o 'aro'o 'Ai me-mete'e nga nyagi moi re nga muḏiḏi re 'O sibalangu nga muḏiḏi-nga muḏiḏi re 'O pula'a kuasa ra ananga, la 'aḏi dusu'u roh-roh ma jira.

Lukas 10:1

Gena ḏua, Ma Jou 'o cumutu 'Ai me-mete'e ma lelegu nga nyagi tumudingi, kara ya'u sibalangu 'aḏi tagi nga muḏiḏi-nga muḏiḏi di'a 'aḏi tagi siḏa toma ngi'i-ngi'i ga'a Yesus 'o mau tutumu.

Lukas 11:1

Toma 'orasa rimoi, Yesus 'o manyiata toma ngi'i rimoi. Unanga 'o manyiata togumu i'a, 'Ai me-mete'e matengo 'o kanau ra Unanga, “Ma Jou, no doto'o ngomi mangale manyiata, sa'olo 'a Yohanes 'o doto'o 'Ai me-mete'e 'aḏi manyiata.”

Lukas 11:39

Dadi Ma Jou 'o kanau ra unanga, “Ngini ngowa'a Farisi, ninga moku re ninga suḏe ma ḏuḏunu na soso'o 'i 'ofi madutu. Mada'a taninga 'akala re sinyingara ma dara 'i romanga reo 'ori i'a ma faja re ni nyafusu ngowa'a manga 'ori i'a rana.

Lukas 12:42

Ma Jou 'a sangoro, “ 'Ade-'ade 'age rema budaka ga'a 'o 'uru-'urusu 'ori i'a rana re unanga 'o pahe re lao cufala sidagi 'ai munara singadolo ma tuanga 'o sitede 'u dadi sae'e tai falalomu sigolona di'a 'o pula'a ngo-ngoromo toma falalomu mo-moini wange moi-wange moi.

Lukas 13:15

Ma Jou 'a sangoro, “Hei ngini, ngowa'a munafiki! Ngowa'a mo-moini sisupu manga haiwani sapi, bolo jarana toma karunga di'a ya gasa ya sika'e ḇanyo toma Sabata ma wangere ḏi'i.

Lukas 17:5

Yesus 'ai so-soma'a 'aḏi kanau ra Ma Jou, “Ma Jou na site'e minga ngo-ngaku.”

Lukas 17:6

Ma Jou 'a sangoro, “Na'o ngini ninga ngo-ngaku ma lamo'o sa'olo gisisi lai ceka'a ma moi ngai moi, ngini nga'unu ni kanau i'a toma ate 'ara, ‘Mawoi'i toma ngi'i gena-ge re malage toma ngoloto,’ tantu ḏua ate gena-ge 'i mete'e ninga parenta.”

Lukas 18:6

Ḏua Ma Jou 'o kanau, “ 'Isene la-la ino, juruhakimi ma 'adili ua 'ai demo-demo.

Lukas 19:8

Toma wala gena-ge Zakheus 'o te'oso kanau i'a ra Ma Jou, “Ma Jou, 'ari 'ori i'a rana kaci moi ta sipula'a toma ngowa'a ma dinga'unu ua re ra guna ḇato ga'a ngoi ta'u sihaga ḏuanga i'a ta siḏibo ra ananga ta sidu'o soi rata!”

Lukas 22:61

Ma Jou 'o magelelo re 'o lakodoto 'a Petrus. Ḏua 'a Petrus 'a si'elingi ie mangale Ma Jou 'o kanau pasala ḏua ra unanga, “Toma wangere nga'ene namo solene nyangu, ngana no soloto Ngoi soi ro'ange ḏua.”

Lukas 24:34

Ḏua ananga ga'a 'aḏi malomu gena-ge 'aḏi kanau, “Tero mode'e, Ma Jou ro dadunu 'o 'ahu moju! Unanga ro masibaiti ra Simon!”

Lukas 7:13

Wakutu Ma Jou Yesus 'o oḏi'i were'a balo gena-ge, Tai 'akala re sinyingara 'i baolo dadalara ra munanga. Dadi Unanga 'o kanau, “Meme, no 'aḏi rawara!”

Lukas 7:20

Yohanes 'ai me-mete'e nga muḏiḏi gena-ge 'aḏi tagi ra Yesus re 'aḏi kanau, “Yohanes tukanga baptis 'o soma'a ngomi mi sano ra Jou: 'Oru Jou nena-ne ḏua matengo ga'a no sapolo mete'e Ma Jou'ongu Madutu 'ai jaji bolo ngomi balasu mi totoma ngowa'a lelegu?”

Yohanes 11:2

(Ngo Maria gena-ge matengo ga'a mo siba-ba'ala 'ami bo-bounu ra Ma Jou 'ai rou re masipii'i rami utu.) Toma 'orasa gena-ge Lazarus 'o eta'a toma si-siḏi.

Yohanes 4:1

Ḏua ngowa'a Farisi ya 'isene mangale Yesus 'o baptis ngowa'a lebe repe rea Yohanes,

Yohanes 4:25

We-were'a gena-ge mo kanau i'a ra Yesus, “Ngoi to waro 'O Mesias (ma ngale: 'O Kristus) ḏuanga i'a 'o sapolo. Wakutu 'o sapolo, Unanga ḏuanga i'a 'o sitarangi mangale 'ori i'a mo-moini ra ngene.”

Yohanes 6:23

Ḏua ngowa-ngowa'a toma limau Tiberias da'a kaci moi 'aḏi sapolo remanga oti 'ane, co-cori ngi'i ga'a Ma Jou ro sibere ie murasa ma la ra Ma Jou'ongu Madutu, kara 'o sibalangu roti re nyao'o toma ngowa'a repe di'a 'aḏi oromo.

Tingoýi 11:3

Ngoi ḏuanga i'a to 'utusu 'Ari sakisi nga muḏiḏi ga'a mapake pakeanga duka re korou'u. Ananga gena-ge 'aḏi siajele habari da'u ra Ma Jou'ongu Madutu tala ma di'ara wangere cala moi re latu ḏiḏi re nyagi rarama.”