Lukas 7:16 - Jaji ma Su-sungi

¹⁶ Ananga mo-moini 'aḏi mojongo re mulaingi 'aḏi puji re silamo'o Ma Jou'ongu Madutu. Ananga 'aḏi kanau, “Nabi la-lamo'o matengo ro sapolo tananga sigolona. Ma Jou'ongu Madutu ro sapolo di'a riono 'Ai ngowa-ngowa'a.”

Lukas 7:16 Iomraidhean Croise

Matias 15:31

Ngowa'a kawasa toma ngi'i gena-ge 'aḏi heranga madutu wakutu ananga 'aḏi oḏi'i masiretene ngowa'a mou raḏi kanau, ngowa'a ḇolo raḏi la, ngowa'a cug̱a raḏi tagi, re ngowa'a hafu raḏi oḏi'i. Ḏua ananga mo-moini 'aḏi puji re silamo'o Ma Jou'ongu Madutu ga'a ngowa'a Israel 'aḏi silamo'o re siḏubuso.

Matias 21:11

Ngowa'a kawasa ga'a 'aḏi mamete'e ra Unanga 'aḏi sangoro, “Unanga nena-ne Yesus, nabi toma limau Nazaret toma daeraha Galilea ino.”

Matias 28:8

Dadi macautu i'a, we-were'a gena-ge ya sisoi'i tala kubu. Ananga gena-ge 'aḏi mojongo mada'a 'aḏi roanga masala, re ananga 'aḏi lalara di'a 'aḏi singadolo habari gena-ge ra Yesus 'ai me-mete'e.

Matias 9:8

Wakutu ngowa'a repe 'aḏi oḏi'i so'o gena, ananga 'aḏi mojongo re 'aḏi puji re silamo'o Ma Jou'ongu Madutu, sababu Unanga ro pula'a 'Ai kuasa lamo'o masala toma manusia.

Lukas 1:65

Wala-wala sebanga mo-moini 'aḏi mojongo re habari gena-ge 'i rera re walata toma Yudea ma daeraha sau-sau.

Lukas 1:68

“Ino ngene wo puji re silamo'o Ma Jou'ongu Madutu, ngowa'a Israel manga Jou. Sababu Unanga ro sapolo 'o riono 'ai ngowa-ngowa'a re 'o sibebasa ananga toma 'Iblisi ma pareta.

Lukas 19:44

Ananga ḏuanga i'a 'aḏi siwejere limau Yerusalem re 'aḏi sisengene limau ma manusia mo-moini, re ya sieanga i'a ua maḏi rimoi i'a ya sifato toma enanga ma ngi'i. Enanga nena-ne 'i dadi, sababu ngini ni dawongo ua Ma Jou wakutu Unanga 'o sapolo di'a sisalamata ngini!”

Lukas 2:20

Gena ḏua, sowohi-sowohi 'aḏi maḏibo i'a toma daeraha rurubu, re 'aḏi puji re silamo'o re simulia Ma Jou'ongu Madutu, sababu 'oru ga'a ya 'isene re ya oḏi'i mode-mode'e ma tero sa'olo ga'a mala'ekata ro siajele ra ananga pasala ḏua.

Lukas 24:19

Yesus 'o sano, “ 'Oru 'i dadi ḏua?” Ananga ya sangoro, “ 'Oru ga'a 'i dadi ḏua ra Yesus, ngowa'a Nazaret ino. Unanga gena-ge 'o Nabi. 'Ai demo re 'Ai ga'a rema kuasa — bae ra Ma Jou'ongu Madutu 'ai momina bae ḏi'i toma manusia mo-moini manga momina.

Lukas 5:26

Ananga mo-moini 'aḏi heranga masala re 'aḏi puji re silamo'o Ma Jou'ongu Madutu. Tamanga 'akala re sinyingara ma dara 'i mojongo ḏi'i, ananga 'aḏi kanau, “Heranga masala 'oru ga'a 'i dadi wangere nange-ne!”

Lukas 5:8

Wakutu Simon 'a oḏi'i so'o gena, unanga 'o mapagara 'ai biono tala ra Yesus re 'o kanau, “Ma Jou, sisoi'i tala ḇato ngoi; sababu ngoi ngowa'a baraḏosa!”

Lukas 7:15

Tubaie ga'a ro sengene nange-ge 'o momi'i madi-dirini re mulaingi 'o kanau. Ḏua Yesus 'o kanau i'a toma balo were'a gena-ge, “Meme, Ne 'ani ngowa'a tubaie.”

Lukas 7:39

Wakutu ngowa'a Farisi ga'a saele Yesus nange-ge 'o oḏi'i so'o gena, unanga 'o kanau tai 'akala re sinyingara ma dara, “Na'o Unanga nena-ne nabi Unanga 'a waro ḏua we-were'a ga'a mo cigi Unanga, munanga gena-ge ngo guna. We-were'a nena-ne mo 'ahu toma ḏosa ma dara.”

Lukas 8:37

Dadi ngowa-ngowa'a toma daeraha Gerasa, ananga mo-moini 'aḏi mojongo, ananga 'aḏi maḏigaro'o ra Yesus nga'unu gari'a 'o sisoi'i tala ḇato ngi'i nena-ne. Dadi Yesus 'o mabalene toma oti re 'o maḏibo toma talaga Galilea ma kaci moi.

Lukas 9:19

Ananga ya sangoro, “ 'Age mamuni'a 'aḏi kanau Jou 'a Yohanes tukanga baptis. 'Age mamuni'a 'aḏi kanau Jou nabi Elia, ma lelegu ḏi'i 'aḏi kanau Jou nabi ma lelegu 'ua re 'au wali matengo i'a 'o dadunu 'ahu moju.”

Yohanes 1:21

Ḏua ananga 'aḏi sano, “Na'o so'o gena, ngana ne 'a guna? Ngana ne nabi Elia?” Yohanes 'a sangoro, “Ua!” Ananga 'aḏi sano moju, “Bolo ngana 'o nabi ga'a sijaji pasala ḏua?” Yohanes 'a sangoro, “Ua!”

Yohanes 1:25

'aḏi sano, “Ngana 'O Kristus ua, 'a Elia ua, bolo 'o nabi ga'a sijaji pasala ḏua mai ua, dadi i'a sa'olo ngana no baptis ngowa'a?”

Yohanes 4:19

We-were'a gena-ge mo kanau, “Nange-ne ngoi to waro Tuanga nena-ne Nabi!

Yohanes 6:14

Ngowa'a repe ga'a ya oḏi'i Yesus 'o 'a'a ga'a hera-heranga gena-ge, ananga 'aḏi kanau, “Mode-mode'e Unanga nena-ne Nabi ga'a ngene wo singanono 'O sapolo toma dungia nena-ne.”

Yohanes 9:17

Dadi, ngowa'a Farisi 'aḏi sano moju toma ngowa'a gena-ge, “Ngana 'ani 'akala ma sanga sa'olo Unanga gena-ge, Unanga ga'a si-la ngana singadolo nyengara no oḏi'i?” Unanga 'a sangoro, “Unanga gena-ge nabi.”

Yesus 'ai so-soma'a 5:5

Wakutu Ananias 'a 'isene demo gena-ge ḏua, unanga 'o ruba re 'o sengene. Ngowa'a mo-moini ya 'isene mangale gena-ge 'aḏi matai mojongo masala.

Yesus 'ai so-soma'a 7:37

Musa, unanga nena-ne ga'a 'o kanau toma ngowa'a Israel, ‘Ma Jou'ongu Madutu ḏuanga i'a 'o 'utusu nabi matengo. Unanga gena-ge 'o cumutu taninga sigolona ma tero sa'olo Unanga ro cumutu Ngoi.’

Galatia 1:24

Sababu gena-ge, ananga 'aḏi puji re silamo'o Ma Jou'ongu Madutu, sababu Unanga gena-ge ro tuhu ngoi 'ari 'ahu su-sungi.