Lukas 7:12 - Jaji ma Su-sungi

¹² Wakutu Yesus 'o ngadolo toma limau ma ngalana lamo'o 'age rema ngowa'a manga repe 'aḏi singata'a mayeti toma limau ma ḏuḏunu. Mayeti gena-ge balo were'a matengo 'ami ngowa'a nau'u pa'i matengo ḇato. Limau ma manusia manga repe 'aḏi singata'a were'a balo gena-ge.

Lukas 7:12 Iomraidhean Croise

Lukas 7:11

Pasala i'a ti'ara nyangu, Yesus rai me-mete'e re ngowa'a repe 'aḏi tagi toma limau Nain.

Lukas 7:13

Wakutu Ma Jou Yesus 'o oḏi'i were'a balo gena-ge, Tai 'akala re sinyingara 'i baolo dadalara ra munanga. Dadi Unanga 'o kanau, “Meme, no 'aḏi rawara!”

Lukas 8:42

Sababu 'ari ngowa'a were'a pa'i munanga matengo 'ami 'umuru musungu nyagi moi re romoḏiḏi sa'i mo sengene. Wakutu Yesus 'o tagi ra Yairus 'ai wala, ngowa'a repe masala 'u gowolo Unanga toma biono re ḏuḏunu, kuwiḏa re kuḇali singadolo ananga ma'u tu-tuḏu.

Lukas 8:52

Ngowa'a mo-moini ya rerese ma gaḏi, sababu ngowa 'olo were'a gena-ge remo sengene. Mada'a Yesus 'o kanau, “Ni 'aḏi awa, munanga mo sengene ua, mada'a munanga pa'i mo otu ḇato!” (Yesus 'o waro ḏua ngowa 'olo were'a gena-ge remo sengene.)

Yohanes 11:19

Ngowa'a Yahudi manga repe 'aḏi sapolo di'a 'aḏi sihiburu ngo Marta re ngo Maria, sababu Lazarus ananga manga iḏanga ro sengene.

Yesus 'ai so-soma'a 9:39

Togumu i'a, Petrus 'o ma'u mete'e ra ananga. Ngadolo da'a 'u gasa toma kamara da'u re'u. Ngowa'a balo-balo sigoloḏi 'a Petrus re 'aḏi gaḏi re 'aḏi sijumu manga baju re juba ga'a ngo Dorkas madini wakutu mo 'ahu-'ahu moju.

Yesus 'ai so-soma'a 9:41

'A Petrus 'a gu'u 'ami giama re 'o riono side'oso munanga. Togumu i'a 'a Petrus 'o 'aro'o ngowa-ngowa'a ngaku Yesus re ngowa'a balo-balo, kara 'o siḏibo munanga ra ananga.

Yakobus 1:27

Mada'a 'agama ma 'atoranga ga'a 'i banari re 'i ti-tiai ra Ma Jou'ongu Madutu 'ai momina nena-ne: Ni riono ngowa'a daga re ngowa'a balo ga'a manga 'ahu kangela, re ni jaga ninga diri masiretene, la awa ni mete'e dungia ma nyafusu ma jira.