Lukas 6:49 - Jaji ma Su-sungi

⁴⁹ 'A guna ḇato 'a 'isene Ngoi 'ari demo, mada'a 'a si'a'a ua, ma tero sa'olo ngowa'a matengo 'o simomi'i 'ai wala kama bangini ua. Wala gena-ge 'i ruba ca-caiti ḇato singadolo 'i pinya'olo lai siḏi wakutu ngu'uisi ya sirarini!”

Lukas 6:49 Iomraidhean Croise

Matias 23:3

Dadi ngini balasu na mete'e ti-tiai 'oru ga'a ananga 'aḏi doto'o mangale Musa 'ai hukumu. Mada'a awa na si'a'a mete'e ananga manga de'oso re ḏegoro, sababu ananga ya mete'e ua manga do-doto'o masiretene.

Matias 24:10

Dadi ngowa'a manga repe 'aḏi masoloto re 'aḏi ma'u sipula'a matengo re matengo tamanga lawana re 'aḏi ma'u emono matengo re matengo.

Markus 4:17

Mada'a habari gena-ge 'i utu'u ua tamanga 'akala re sinyingara singadolo 'i tahana ti'ara ua. Dadi wakutu 'aḏi sanga susa re sangisara bolo sanga sikisa sababu 'aḏi ngaku habari gena-ge, ananga jau-jau 'aḏi celolo ḏuḏunu i'a.

Lukas 12:47

Budaka ga'a 'a waro 'ai tuanga ma mau, mada'a 'o madodahe ua re 'a mete'e 'ai tuanga 'ai mau ua, unanga gena-ge ḏuanga i'a sanga ca'olo lai siḏi.

Lukas 19:14

Mada'a daeraha gena-ge ma manusia 'aḏi emono 'olana 'ai ngowa re danongo gena-ge. Palisi'i i'a, unanga ro tagi re 'a sisoi'i tala daeraha gena-ge, la 'o dadi 'olana. Ananga gena-ge 'aḏi 'utusu so-soma'a tagi di'a 'aḏi kanau, ‘Ngomi mi oḏu'u unanga gena-ge 'o dadi minga 'olana.’

Lukas 19:27

Gasa ino so'o nena-ne ḏua ngoi 'ari lawana ga'a 'aḏi oḏu'u Ngoi to dadi ananga manga 'olana. Sisengene ananga mo-moini ra Ngoi 'ari biono.’ ”

Lukas 6:46

I'a sa'olo ngini ni 'aro'o Ngoi, ‘Ma Jou! Ma Jou!’ Mada'a na si'a'a ua 'oru ga'a Ngoi to kanau ra ngini!

Lukas 6:48

Unanga gena-ge ma tero sa'olo ngowa'a matengo mau 'o simomi'i 'ai wala. Unanga 'a paiti ma tana'a lai ngido singadolo sanga maḏi, kara 'o 'a'a ma bangini. Wakutu ngu'uisi ya ngadolo toma wala gena-ge, enanga gena-ge kama elala ua, sababu side'oso toma bangini lai te'e.

Lukas 7:1

Yesus 'o siajele hali-hali gena-ge toma ngowa'a repe togumu i'a, kara Unanga 'o tagi toma limau Kapernaum.

Yohanes 15:2

'Anggur ma umanga mo-moini ra Ngoi ga'a 'i sowo'o ua, wa tola'a. Re ma umanga mo-moini ga'a rema sowo'o, wa silagara, la 'i dadi 'ofi kara ma sowo'o ganapu repe.

Yesus 'ai so-soma'a 20:29

Tantu ḏua ngowa'a ma tero sa'olo 'o serigala-serigala 'i sapolo taninga sigolona, na'o ngoi to sisoi'i tala ngini. Ngowa'a ga'a ngini na'u jaga gena-ge, 'aḏi dadi ma tero sa'olo serigala ma ngo-ngoromo.

Yesus 'ai so-soma'a 26:11

Ngoi ta'u sikisa ananga gena-ge manga repe toma wala puji ma dara, la ananga 'aḏi masoloto tamanga ngo-ngaku. 'Ari 'akala re sinyingara 'i ro'u-ro'u na'o ta'u oḏi'i ngowa'a ngaku Yesus toma ngi'i le'a ḇato singadolo ta'u kunu'i ananga toma limau le'a ḇato, ta'u disa re ta'u sanga, la ta'u sikisa ananga.”

1 Tesalonika 3:5

Sababu gena-ge, wakutu ngoi ta tahana ta nga'unu riwara totoma habari mangale ngini, ngoi to 'utusu 'a Timotius ra ngini di'a 'a disa waro mangale ngini ninga ngo-ngaku ra Ma Jou Yesus: lai te'e moju bolo ua. Ngoi to dodato awa-awa ngini ni eta'a toma 'Iblisi ma bo-baja, marai minga galasau'u ma duduala 'i parasaja.

2 Petrus 2:20

Na'o ananga gena-ge raḏi nana'o nanga Jou Yesus Kristus sa'olo Salamata ma Cimi re 'aḏi sanga woi'i toma dungia ma kuasa ga'a sigasa ngowa'a toma jira mo-moini, mada'a ananga 'aḏi maḏibo mete'e dungia ma jira moju singadolo manga 'ahu ri cira, sa'olo ma siḏa moju, ḏua ma ḏo-ḏogumu tala, ananga gena-ge lebe cira reo wakutu 'aḏi waro Ma Jou Yesus Kristus nyangu.

1 Yohanes 2:19

Ngowa-ngowa'a ga'a 'aḏi lawana Kristus, 'au nga'ene ananga gena-ge 'aḏi marimoi ra ngene mada'a nange-ne ananga gena-ge 'aḏi marimoi ra ngene riwara, sababu ananga raḏi sisoi'i tala ngene. Sababu na'o mode-mode'e ananga gena-ge raḏi ngaku Yesus, ananga 'aḏi sisoi'i tala ngene ua. Mada'a enanga 'i dadi so'o gena, la ngene wa oḏi'i re wa waro mangale ananga gena-ge raḏi marimoi riwara.