Lukas 6:47 - Jaji ma Su-sungi

⁴⁷ Ngowa'a mo-moini ga'a 'aḏi sapolo ra Ngoi, re 'aḏi 'isene re 'aḏi si'a'a Ngoi 'ari demo, Ngoi ta site-tero reo 'aḏe-'aḏe 'oru!

Lukas 6:47 Iomraidhean Croise

Matias 12:50

Ngowa-ngowa'a ga'a 'aḏi si'a'a 'Ari Ḇaḇa toma soroga, Unanga 'Ai mau, ananga gena-ge 'Ari ioro re nongoḏu re 'Ari biḏanga re 'Ari ngina.”

Matias 17:5

Wakutu 'a Petrus 'o ka-kanau moju, kakamo lai tarangi ya'u sao ananga re toma kakamo gena-ge ma dara 'aḏi 'isene iḏingi ma betongo so'o ne: “Unanga nena-ne 'Ari Ngowa'a Nau'u ga'a Tu dadalara, Ngoi 'ari 'akala re sinyingara ma sanangi Ta sipa'ala ra Unanga. Ni 'isene Unanga!”

Lukas 11:28

Mada'a Yesus 'a sangoro, “Lebe bara'utungu ḏi'i ngowa'a ga'a 'aḏi 'isene Ma Jou'ongu Madutu 'ai demo re ya si'a'a.”

Lukas 14:26

“Na'o ngowa'a matengo i'a 'o mau mete'e Ngoi, mada'a lebe dadalara 'ai ngina, ḇaḇa, were'a, ngowa-ngowa'a, ioro re nongoḏu, re sidogo ḏi'i 'ai diri masiretene, unanga 'o dadi Ngoi 'ari me-mete'e yoḏu'u.

Lukas 6:48

Unanga gena-ge ma tero sa'olo ngowa'a matengo mau 'o simomi'i 'ai wala. Unanga 'a paiti ma tana'a lai ngido singadolo sanga maḏi, kara 'o 'a'a ma bangini. Wakutu ngu'uisi ya ngadolo toma wala gena-ge, enanga gena-ge kama elala ua, sababu side'oso toma bangini lai te'e.

Lukas 8:13

Gisisi ga'a 'i eta'a toma tana'a maḏi-maḏi, gena-ge ma tero sa'olo ngowa'a 'aḏi 'isene habari gena-ge, jau-jau ya dawongo remanga roanga tamanga 'akala re sinyingara. Mada'a tamanga 'akala re sinyingara ma dara habari gena-ge 'i utu'u ua. Dadi ananga 'aḏi ngaku habari gena-ge pa'i ngoma moi ḇato, ananga 'aḏi celolo ḏuḏunu i'a wakutu 'aḏi sanga bo-baja.

Lukas 8:8

Mada'a 'age mamuni'a ḏi'i 'i eta'a toma tana'a ma la-la'eme, enanga 'i konyo rema go-gonyo lai rousu, 'i supu ma hasili ngai moi ma sowo'o latu moi.” Yesus 'a carita 'ade-'ade gena-ge togumu i'a 'O kanau siduga, “Na'o reninga ngau'u, ni 'isene la-la!”

Yohanes 10:27

'Ari doba-doba ya 'isene 'Ari iḏingi. Ngoi ta nana'o enanga re enanga 'i mete'e Ngoi.

Yohanes 13:17

Dadi nange-ne ngini rena waro 'Ari do-doto'o gena-ge. Sababu gena-ge na'o ngini na si'a'a, ngini ni sanga barakati ra Ma Jou'ongu Madutu tala.

Yohanes 14:15

“Na'o ngini ni dadalara Ngoi, ngini ni mete'e Ngoi 'ari parenta.

Yohanes 5:40

Mada'a ngini masiretene ni oḏu'u sapolo ra Ngoi, la ni sanga 'ahu kasingado-ngadolo i'a.

Yohanes 6:35

Yesus 'o kanau ra ananga, “Ngoi nena-ne roti ga'a sigasa 'ahu. Ngowa'a ga'a sapolo ra Ngoi, ananga kama sawini riwara re ngowa'a ga'a ngaku Ngoi, ananga manga camala kama dudungu riwara.

Yohanes 6:37

Mada'a ngowa'a mo-moini 'Ari Ḇaḇa 'o sidoa'a ra Ngoi, ananga gena-ge ḏuanga i'a 'aḏi sapolo ra Ngoi. Re 'a guna ḇato ga'a sapolo ra Ngoi, Ngoi ta'u itomo ua.

Yohanes 8:52

Ḏua ngowa'a Yahudi 'aḏi kanau ra Yesus, “Nange-ne ngomi ma waro ngana ne roh ma jira ni dungosama. Abraham masiretene ro sengene so'o gena-ge ḏi'i nabi-nabi mo-moini raḏi sengene. Dadi i'a sa'olo No kanau, ‘Na'o 'a guna ḇato 'o mete'e 'Ani demo, unanga kama sengene ua?’

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.

Yakobus 4:17

Sababu gena-ge, matengo i'a ga'a 'a waro 'ori i'a ma la-la 'oru ḇato balasu 'a si'a'a mada'a 'a si'a'a ua, unanga gena-ge 'o madaga'a ḏosa.

1 Petrus 2:4

Dadi ni sapolo ra Ma Jou Yesus, Unanga gena-ge ma tero sa'olo maḏi ga'a 'i 'ahu ga'a manusia 'aḏi kanau Unanga ma tero sa'olo maḏi mapake ua. Momongolo ua, ra Ma Jou'ongu Madutu 'ai momina, Unanga ma tero sa'olo maḏi ma ijana lai hali ga'a Ma Jou'ongu Madutu 'a sitantukanga pasala ḏua, sa'olo maḏi di'a wala ma bangini.

2 Petrus 1:10

Sababu gena-ge 'ari ioronongoḏu ngo-ngaku rimoi, ngini balasu ni makutale lebe siḏi i'a, la ninga de'oso re ḏegoro la-la gena-ge 'i dadi lebe te'e taninga 'ahu. Na'o so'o gena-ge 'i dadi didina'o rimoi ga'a sijumu mode-mode'e Ma Jou'ongu Madutu nu'u 'aro'o re Nu'u cumutu di'a ngini ni mete'e re ni dadi 'Ai ngowa-ngowa'a. Na'o ngini na si'a'a so'o gena, ninga ngo-ngaku kama elala ua.

1 Yohanes 2:29

Ngini na waro ḏua mangale Kristus 'ai de'oso re ḏegoro mete'e Ma Jou'ongu Madutu 'ai 'akala ma mau. Re ngini na waro ḏua ḏi'i 'a guna ḇato 'ai de'oso re ḏegoro mete'e Ma Jou'ongu Madutu 'ai 'akala ma mau, ngowa'a gena-ge Ma Jou'ongu Madutu 'ai ngowa-ngowa'a.

1 Yohanes 3:7

'Ari ngowa-ngowa'a, ngini balasu ni ma'istiari ino awa-awa ngowa'a nu'u sihaga. Ngowa'a ga'a mete'e Ma Jou'ongu Madutu 'ai 'akala ma mau ananga gena-ge ngowa'a loasa re banari ma tero sa'olo Kristus.

Tingoýi 22:14

Bara'utungu ngowa-ngowa'a ga'a ya 'uju manga juba singadolo 'i 'ofi, sababu ananga gena-ge sanga watasa di'a 'aḏi osama toma limau gena-ge ma dara mete'e ma ngalana-ngalana lamo'o re ḏi'i 'aḏi oromo ate 'ahu-'ahu ma sowo'o.