Lukas 6:37 - Jaji ma Su-sungi

³⁷ Dadi awa ni sijuruhakimi ngowa'a lelegu, la Ma Jou'ongu Madutu ḏi'i 'o sijuruhakimi ngini ua. Awa jau-jau singe-ngeta'a hukumu toma ngowa'a lelegu, la Ma Jou'ongu Madutu ḏi'i 'o singe-ngeta'a hukumu ngini ua. Si'apongo ngowa'a lelegu, la Ma Jou'ongu Madutu 'a singi-ngiranga ninga ḏosa-ḏosa.

Lukas 6:37 Iomraidhean Croise

Matias 18:30

Mada'a unanga 'a itomo. Siḏibo ḏi'i, unanga 'u singosama 'ai ḏagilomu budaka toma bui, singadolo 'ai banyatoro 'a fangu simoini.

Matias 5:7

Bara'utungu ngowa'a ga'a 'aḏi sijumu manga 'akala re sinyingara la-la toma ngowa'a lelegu, sababu Ma Jou'ongu Madutu ḏuanga i'a 'O sijumu 'Ai 'akala re sinyingara la-la ra ananga gena-ge ḏi'i.

Markus 11:25

Re na'o ngini ni manyiata, mada'a ninga 'akala re sinyingara 'i sanangi ua ra matengo i'a, siḏa-siḏa na si'apongo ngowa'a matengo gena-ge, la ninga Ḇaḇa da'u toma soroga 'A singi-ngiranga ḏi'i ninga ḏosa-ḏosa. [

Lukas 23:16

Sababu gena-ge, ngasamoi ngoi to soma'a sordado 'aḏi ca'olo Unanga, kara 'aḏi sieanga Unanga.” [

Lukas 6:36

Ngini balasu ni sijumu ninga 'akala re sinyingara ma la-la toma ngowa'a ma tero sa'olo ninga Ḇaḇa, Ma Jou'ongu Madutu 'o sijumu 'Ai 'akala re sinyingara ma la-la toma ngowa'a ḏi'i.

Yesus 'ai so-soma'a 3:13

Na 'isene! Abraham, Ishak re 'a Yakub re ngene nanga ete re dotumu 'aḏi silamo'o re siḏubuso Ma Jou'ongu Madutu. Unanga gena-ge 'o silamo'o Yesus, Unanga 'Ai falalomu. Mada'a 'a Yesus ne, ngini nu sipula'a ra Pilatus. Re kalaha 'a Pilatus mau 'U sibebasa Unanga, ngini ni golo'o Pilatus 'o soma'a 'ai sordado-sordado 'aḏi sisalib Unanga!

Efesus 4:32

Siḏibo ḏi'i, ngini balasu ninga 'akala re sinyingara lai rousu, ni ma'u dadalara re ma'u si'apongo matengo re matengo, ma tero sa'olo Ma Jou'ongu Madutu 'o singi-ngiranga ninga ḏosa sababu ni marimoi ra Kristus.

Kolose 3:13

Ngini matengo re matengo balasu ni pake 'akala ḇanyo, awa ni gogono 'akala na'o ngowa'a lelegu 'aḏi 'a'a sala ra ngini, re ma'u si'apongo matengo re matengo na'o ngowa'a 'aḏi 'a'a ḏosa ra ngini. Ma Jou'ongu Madutu rai 'akala re sinyingara sa-sanangi 'O singi-ngiranga ninga ḏosa-ḏosa, dadi ngini ḏi'i reninga 'akala re sinyingara balasu ma'u si'apongo matengo re matengo na'o ngowa'a 'aḏi 'a'a ḏosa ra ngini.

Yakobus 2:13

Ma Jou'ongu Madutu ḏuanga i'a 'o sijuruhakimi kai 'akala re sinyingara ma la-la ua toma ngowa'a ga'a 'aḏi sijumu ua 'akala re sinyingara ma la-la, mada'a 'aḏi sijuruhakimi ngowa'a lelegu. Mada'a na'o ngowa'a ngaku Yesus 'aḏi sijumu 'akala re sinyingara ma la-la toma ngowa-ngowa'a, ḏuanga i'a Ma Jou'ongu Madutu 'o sijumu 'ai 'akala re sinyingara ma la-la toma ngowa'a gena-ge wakutu Unanga 'o sijuruhakimi ngowa'a mo-moini.

Yakobus 5:9

Ngini awa ni ma'u upa'a sala matengo re matengo, la Ma Jou'ongu Madutu 'o sihukumu ngini awa. 'Elingi! Ma Juruhakimi 'o ḏu-ḏuanga ḏua ro co-cori sapolo.