Lukas 6:28 - Jaji ma Su-sungi

²⁸ Sibarakati ngowa'a ga'a sosowini ngini, re ni manyiata di'a ngowa'a ga'a 'aḏi 'a'a cira ra ngini.

Lukas 6:28 Iomraidhean Croise

Matias 5:44

Mada'a Ngoi to siajele ra ngini nena-ne: Ngini balasu ni dadalara ninga lawana-lawana, re ni nyiata ḏi'i ngowa-ngowa'a ga'a 'aḏi sisikisa ngini sababu ni mete'e Ngoi.

Lukas 23:34

Ḏua Yesus 'o manyiata, “Baba, singi-ngiranga manga ḏosa, sababu 'oru ga'a ananga ya 'a'a 'i mete'e tamanga waro ua ma dara.” Gena ḏua, sordado-sordado 'aḏi 'a'a loterei, la 'a guna 'o sanga Unanga 'ai pakeanga.

Lukas 6:27

“Mada'a Ngoi to siajele ra ngini mo-moini nange-ne ga'a ni 'isene nena-ne: Dadalara ninga lawana-lawana, re ni sijumu ninga de'oso re ḏegoro la-la toma ngowa'a ga'a 'aḏi emono ngini.

Lukas 6:35

Ngini so'o gena awa! Siḏibo ḏi'i ngini balasu ni dadalara ninga lawana, re ni 'a'a la-la ra ananga gena-ge: Ngini balasu ni pula'a bau 'ori i'a rimoi i'a taninga lawana re awa ni nganono enanga ma ḏibo. Na'o ngini ni 'a'a so'o gena ḏuanga i'a ni sanga ngogele lai lamo'o, re ngini ni sijumu mode-mode'e ngini sa'olo Ma Jou'ongu Madutu toma Gau'u 'ai ngowa-ngowa'a. Sababu Ma Jou'ongu Madutu 'a sijumu 'Ai 'akala ma la-la toma ngowa'a ma jira re ngowa-ngowa'a ga'a 'elingi ngowa'a manga la-la ua ḏi'i.

Yesus 'ai so-soma'a 14:5

Ḏua ngowa'a Yahudi nga muḏuo i'a re ngowa'a Yahudi ua manga bi-biri'i—bi-biri'i, ananga mafakati mau 'aḏi sisikisa re 'aḏi poini Yesus 'ai so-soma'a reo maḏi.

Yesus 'ai so-soma'a 7:60

Ḏua 'a Stefanus 'o maḏipolono tala re 'o poa'a 'a siduga-duga 'o kanau, “Ma Jou, singa'unu awa ḏosa nena-ne ra ananga!” Unanga 'o kanau gena-ge togumu i'a, ḏua ro sengene.

Roma 12:14

Ni golo'o ra Ma Jou'ongu Madutu di'a 'O sibarakati ngowa'a ga'a sikisa ngini. Ya, ni sibarakati ananga gena-ge, sikutuki awa.

1 Korintus 4:12

Ngomi mi disa minga 'ahu reminga galasau'u ma duduala masiretene. Ngomi mi sibarakati ngowa'a na'o ngowa'a 'aḏi sisasi ngomi. Wakutu ngowa'a 'aḏi sisikisa ngomi, Ngomi mi tahana sikisa gena-ge reminga 'akala ḇanyo.

Yakobus 3:10

Toma madanga rimoi ḇato 'i supu demo ga'a sibarakati ngowa'a re 'i supu demo ga'a sosowini ngowa'a ḏi'i. 'Ari ioronongoḏu ngo-ngaku rimoi, ngene balasu 'a'a so'o gena awa.

1 Petrus 3:9

Na'o ngowa'a 'aḏi 'a'a cira ngini, awa ngini balasa 'a'a cira ananga, re na'o ngowa'a 'aḏi do-doana ngini, awa ngini balasa do-doana ananga. Siḏibo ḏi'i, ngini balasu ni golo'o Ma Jou'ongu Madutu 'o sibarakati ananga. Sababu Ma Jou'ongu Madutu 'aro'o ngini, la ngini ni sibarakati ngowa'a lelegu, la ngini ḏi'i ni sanga barakati ra Unanga gena-ge.