Lukas 6:27 - Jaji ma Su-sungi

²⁷ “Mada'a Ngoi to siajele ra ngini mo-moini nange-ne ga'a ni 'isene nena-ne: Dadalara ninga lawana-lawana, re ni sijumu ninga de'oso re ḏegoro la-la toma ngowa'a ga'a 'aḏi emono ngini.

Lukas 6:27 Iomraidhean Croise

Markus 4:24

Yesus dadunu 'o kanau, “Ni 'isene re ni totoho la-la: Ninga du-duga ga'a ngini ni pake di'a situga toma ngowa'a lelegu, du-duga gena-ge Ma Jou'ongu Madutu 'a pake 'a situga ra ngini re lebe lamo'o i'a ḏi'i!

Lukas 23:34

Ḏua Yesus 'o manyiata, “Baba, singi-ngiranga manga ḏosa, sababu 'oru ga'a ananga ya 'a'a 'i mete'e tamanga waro ua ma dara.” Gena ḏua, sordado-sordado 'aḏi 'a'a loterei, la 'a guna 'o sanga Unanga 'ai pakeanga.

Lukas 6:22

Bara'utungu ngini, na'o ngowa'a 'aḏi emono ngini, 'aḏi dawongo ngini ua, sipake-pake ngini ua, re 'aḏi sikanau ngini, sababu ngini ni mete'e Ngoi, Manusia ma Ngowa'a Nau'u.

Lukas 6:35

Ngini so'o gena awa! Siḏibo ḏi'i ngini balasu ni dadalara ninga lawana, re ni 'a'a la-la ra ananga gena-ge: Ngini balasu ni pula'a bau 'ori i'a rimoi i'a taninga lawana re awa ni nganono enanga ma ḏibo. Na'o ngini ni 'a'a so'o gena ḏuanga i'a ni sanga ngogele lai lamo'o, re ngini ni sijumu mode-mode'e ngini sa'olo Ma Jou'ongu Madutu toma Gau'u 'ai ngowa-ngowa'a. Sababu Ma Jou'ongu Madutu 'a sijumu 'Ai 'akala ma la-la toma ngowa'a ma jira re ngowa-ngowa'a ga'a 'elingi ngowa'a manga la-la ua ḏi'i.

Lukas 8:15

Gisisi 'i eta'a toma tana'a ma la-la'eme, gena-ge ma tero sa'olo ngowa'a 'aḏi 'isene habari gena-ge ya dawongo re ya gogono tamanga 'akala re sinyingara lai rousu re 'i banari. Ananga 'aḏi matahana singadolo sisupu ma sowo'o.

Lukas 8:18

Sababu gena-ge, 'isene re ni totoho la-la ino. Sababu 'a guna ḇato ro sanga wo-waro mangale 'ori i'a go-gogono, Ma Jou'ongu Madutu 'a sidogo ḏi'i wo-waro gena-ge. Mada'a 'a guna ḇato 'o sanga wo-waro ua mangale 'ori i'a go-gogono, 'oru ḇato kalaha unanga 'a ta'ajiri ra 'oro wo-waro pa'i ceka'a ua ḇato, gena-ge Ma Jou'ongu Madutu 'a 'oro ḏi'i.”

Lukas 8:8

Mada'a 'age mamuni'a ḏi'i 'i eta'a toma tana'a ma la-la'eme, enanga 'i konyo rema go-gonyo lai rousu, 'i supu ma hasili ngai moi ma sowo'o latu moi.” Yesus 'a carita 'ade-'ade gena-ge togumu i'a 'O kanau siduga, “Na'o reninga ngau'u, ni 'isene la-la!”

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

Yesus 'ai so-soma'a 16:28

Mada'a Paulus 'o poa'a 'a siduga-duga, “No masise-sengene awa! Ngomi mo-moini 'ane-ne moju!”

Yesus 'ai so-soma'a 7:60

Ḏua 'a Stefanus 'o maḏipolono tala re 'o poa'a 'a siduga-duga 'o kanau, “Ma Jou, singa'unu awa ḏosa nena-ne ra ananga!” Unanga 'o kanau gena-ge togumu i'a, ḏua ro sengene.

Galatia 6:10

Sababu gena-ge, 'age renanga donga moju ra ngene, ngene balasu wo madaga'a 'ori i'a ma la-la ra guna ḇato, ma la-lamo'o i'a toma ngowa-ngowa'a ga'a manga ngo-ngaku 'i marimoi ra ngene.

1 Tesalonika 5:15

Ni ma'istiari ino: Na'o ngowa'a 'aḏi 'a'a cira ngini, ngini 'a'a cira ananga awa. Siḏibo ḏi'i, ngini balasu ni ma'u riono re ni ma'u sioḏi'i matengo re matengo ra guna ḇato.

3 Yohanes 1:11

Gayus, 'ari ioronongoḏu ngo-ngaku rimoi ga'a ngoi tini dadalara, ngana no cuḏuḏu'u ua de'oso re ḏegoro ma jira mada'a na cuḏuḏu'u de'oso re ḏegoro ma la-la. Sababu ngowa'a ga'a 'aḏi cuḏuḏu'u de'oso re ḏegoro ma la-la, ananga gena-ge Ma Jou'ongu Madutu 'ai ngowa-ngowa'a. Mada'a ngowa'a ga'a 'aḏi 'a'a 'ori i'a ma jira ananga gena-ge 'aḏi nana'o Ma Jou'ongu Madutu nyangu.