Lukas 6:25 - Jaji ma Su-sungi

²⁵ Bahala ngini ga'a ni wunusu nange-ne sababu ngini ḏuanga i'a ni sawini. Bahala ngini ga'a ni nyelo'o nange-ne, sababu ḏuanga i'a ngini ninga 'akala kangela re ni rerese ma gaḏi.

Lukas 6:25 Iomraidhean Croise

Lukas 12:20

Mada'a Ma Jou'ongu Madutu 'o kanau i'a ra unanga, ‘Hei ngowa'a haga! Lobi'i nange-ne ḏua ngana no sengene. Dadi 'a guna 'a sanga 'ani 'ori i'a rana mo-moini ga'a na lomu ge?’

Lukas 13:28

Ngini ḏuanga i'a ni oḏi'i 'a Abraham, Ishak re 'a Yakub, re nabi-nabi mo-moini ra Ma Jou'ongu Madutu 'ai dungia su-sungi ma dara. Mada'a ngini ḏuanga i'a ni doiti ma sangisara re ni rerese ma gaḏi, sababu ngini masiretene sanga dusu'u ni supu toma dungia su-sungi gena-ge!

Lukas 6:24

Mada'a bahala ngini ga'a ngowa'a rema-enanga nange-ne, sababu ngini rena sanga ḏua ninga sanangi.

Lukas 6:26

Bahala ngini na'o ngowa'a mo-moini silamo'o ngini, sababu ma tero ḏi'i ninga ete re dotumu 'ua re 'au wali 'aḏi silamo'o nabi-nabi sa-sakala.”

Lukas 8:53

Ananga 'aḏi nye-nyelo'o 'a Yesus, sababu ananga 'aḏi waro ngowa 'olo were'a gena-ge remo sengene.

Efesus 5:4

Patasa ua ḏi'i, ngini ni kanau demo-demo ma cafarune, ma faeda 'i cua, masipaḏala'a. Siḏibo ḏi'i, ngini balasu ni sibere ie murasa ma la ra Ma Jou'ongu Madutu.

1 Tesalonika 5:3

Toma 'orasa gena-ge, ngowa'a ḏuanga i'a 'aḏi makanau, “Ngene mo-moini wo 'ahu toma la re wo salamata.” Mada'a toma 'orasa gena-ge kage-kage ananga 'aḏi sanga bahala re matengo i'a ua 'aḏi poloi'i. Gena-ge ma tero ḇato sa'olo we-were'a matengo kage-kage 'ami 'orasa ma ḏe-ḏegoro i'a enanga ri ngadolo mo mabasono mo go-goḏi, re munanga mo wiḏi yoḏu'u singadolo mo maḏe-ḏegoro i'a.

Yakobus 4:9

Ngini mode-mode'e balasu ni rerese ma gaḏi, sababu ninga ḏosa; nyelo'o singali reo 'aḏi, re 'akala re sinyingara ma roanga singali reo 'akala re sinyingara ma kangela sababu ninga ḏosa.

Tingoýi 3:17

Ngini nena-ne ni kanau, ‘Ngomi ngowa'a rema-enanga, minga 'ahu ti-tiai kama kuranga ua!’ Mada'a ngini ni masiwaro ua: Ngini ninga 'ahu 'i kuranga ma pari cua ma tero sa'olo ngowa'a ma dinga'unu ua ga'a ni wa-watolo re ni hafu.