Lukas 6:24 - Jaji ma Su-sungi

²⁴ Mada'a bahala ngini ga'a ngowa'a rema-enanga nange-ne, sababu ngini rena sanga ḏua ninga sanangi.

Lukas 6:24 Iomraidhean Croise

Matias 6:16

“Wakutu ngini ni puasa, awa ninga biono ḇuta, ma tero sa'olo ngowa'a munafiki! Ananga gena-ge ya tuhu manga biono wa'alo, la ngowa'a ya waro ananga 'aḏi puasa kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Matias 6:2

Sababu gena-ge na'o ngini ni pula'a ninga bu-bula'a toma ngowa'a ma dinga'unu ua, awa na si ie tala-ie tala toma ngowa'a lelegu ma tero sa'olo ngowa'a munafiki. Ananga 'aḏi nyanyaḏi ya si'a'a toma wala puji ma dara re toma ngo'omo lamo'o, la ngowa'a ya'u sihie-hie. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Matias 6:5

Re wakutu ngini ni manyiata, awa ni dadi sa'olo ngowa'a munafiki! Wakutu ananga gena-ge 'aḏi manyiata 'aḏi nyanyaḏi made-de'oso toma wala-wala puji re toma ngo'omo ma sola, la ngowa'a ya'u oḏi'i kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Lukas 6:25

Bahala ngini ga'a ni wunusu nange-ne sababu ngini ḏuanga i'a ni sawini. Bahala ngini ga'a ni nyelo'o nange-ne, sababu ḏuanga i'a ngini ninga 'akala kangela re ni rerese ma gaḏi.

1 Timotius 6:17

Ngana balasu no golo'o toma ngowa-ngowa'a rema-enanga toma dungia nena-ne, awa ananga 'aḏi momole re awa 'aḏi masinganono toma 'ori i'a 'i kakali ua ma tero sa'olo manga harata. Ananga balasu 'aḏi masinganono ra Ma Jou'ongu Madutu ga'a 'o pula'a 'oru ḇato ra ngene pai-pai'i di'a ngene nanga 'ahu.

Yakobus 2:6

Mada'a na'o ngini ni kanau so'o 'au nange-ge, ngini ni si'u'ua ngowa'a ma dinga'unu ua. Momongolo ua 'o ngowa'a rema-enanga 'aḏi sijo'u-jo'u ngini re 'aḏi gasa ngini toma mahkamah!