Lukas 6:23 - Jaji ma Su-sungi

²³ Nabi-nabi ma siḏa, ngowa'a ya'u 'a'a so'o gena ḏi'i. Ngini balasu ninga 'akala re sinyingara 'i sanangi, ni maroanga na'o nena-ne 'i dadi ra ngini. Sababu ninga ngogele lai lamo'o ga'a ri sidodahe toma soroga.

Lukas 6:23 Iomraidhean Croise

Matias 5:12

Nabi-nabi ma siḏa ḏi'i ya sanga sikisa ma tero so'o gena-ge. Dadi ngini ni maroanga re ni sanangi, sababu ngini ni sanga ngogele lai lamo'o toma soroga.”

Lukas 1:41

Wakutu ngo Elisabet mo 'isene ngo Maria 'ami tabea, 'ami la'ekata tami po'olo ma dara enanga 'i cokutu lai siḏi. Ḏua Elisabet Ma Ngagara 'Ofi-'Ofi mi ḏegoro,

Lukas 1:44

Wakutu ngoi ta 'isene 'ani tabea, 'ari la'ekata tari po'olo ma dara 'i macokutu lai siḏi rema roanga.

Lukas 6:35

Ngini so'o gena awa! Siḏibo ḏi'i ngini balasu ni dadalara ninga lawana, re ni 'a'a la-la ra ananga gena-ge: Ngini balasu ni pula'a bau 'ori i'a rimoi i'a taninga lawana re awa ni nganono enanga ma ḏibo. Na'o ngini ni 'a'a so'o gena ḏuanga i'a ni sanga ngogele lai lamo'o, re ngini ni sijumu mode-mode'e ngini sa'olo Ma Jou'ongu Madutu toma Gau'u 'ai ngowa-ngowa'a. Sababu Ma Jou'ongu Madutu 'a sijumu 'Ai 'akala ma la-la toma ngowa'a ma jira re ngowa-ngowa'a ga'a 'elingi ngowa'a manga la-la ua ḏi'i.

Yesus 'ai so-soma'a 14:10

re 'o kanau 'a siduga-duga, “No te'oso bo-boloto ie!” Unanga gena-ge 'o maḏupaka te'oso, kara ro tagi.

Yesus 'ai so-soma'a 3:8

Gena ḏua, unanga 'o te'oso re 'o maḏupa-ḏupaka re mulaingi 'o tagi i'a ino. Ḏua, unanga 'o mamete'e ra Petrus re 'a Yohanes 'aḏi osama ra Ma Jou'ongu Madutu 'ai Wala ma soana re 'o tagi 'o mate-teḏene re 'o puji re silamo'o Ma Jou'ongu Madutu.

Yesus 'ai so-soma'a 5:41

Yesus 'ai so-soma'a ya sisoi'i tala Mahkamah 'Agama remanga roanga, sababu Ma Jou'ongu Madutu ya'u cumutu ananga balasu 'aḏi sanga je-jengere toma ngowa-ngowa'a gena-ge sababu ananga 'aḏi doto'o ngowa-ngowa'a ra Yesus 'ai do-doto'o.

Roma 5:3

So'o gena-ge ḏi'i, ngene wo maroanga na'o wo sanga susa re sangisara, sababu ngene wa waro mangale susa re sangisara gena-ge 'i riono ngene di'a wo tahana renanga 'akala ḇanyo.

2 Korintus 12:10

Sababu gena-ge, ngoi to maroanga na'o ngoi to lamahana: Ngoi to maroanga bae ngoi to sanga susa, bae to sanga sangisara, bae to sanga sikisa bae sanga je-jengere, sababu ngoi to munara di'a Kristus. Wakutu ngoi to lamahana, 'orasa gena-ge ngoi to dadi te'e sababu Kristus 'ai kuasa 'i riono ngoi.

Kolose 1:24

Nange-ne, ngoi to sanangi to sanga sangisara di'a ngini ninga la. Sababu so'o gena-ge, ngoi ta sitotomo 'oru ga'a Kristus 'o siwatasa ra ngoi. Gena-ge ngoi balasu to sangisara di'a jama'ata manga la. Jama'ata gena-ge ma tero sa'olo Kristus 'ai lese.

2 Timotius 2:12

Na'o ngene wo doiti sangisara, ngene ḏuanga i'a wo parenta mamete'e ra Unanga. Mada'a na'o ngene wo masoloto Unanga, Unanga ḏuanga i'a 'o soloto ngene ḏi'i.

'Ibrani 11:26

Kalaha ngowa'a 'u si'u'ua sababu 'ai ngo-ngaku ra Kristus, unanga 'o fikiri gena-ge ma ijana lebe lamo'o i'a reo unanga 'o sanga Mesir manga harata, sababu Musa pa'i tatamo 'ai ngogele toma biono i'a.

'Ibrani 11:6

Dadi sanga ua 'a guna ḇato kai ngo-ngaku ua nyengara sisanangi Ma Jou'ongu Madutu 'ai 'akala re sinyingara. Sababu ngowa'a ga'a mau 'aḏi silamo'o re siḏubuso Ma Jou'ongu Madutu balasu 'aḏi ngaku mangale Ma Jou'ongu Madutu Unanga 'age, re Unanga ḏuanga i'a 'o pula'a ngogele ra ananga ga'a 'aḏi disa Unanga mode-mode'e, la ananga 'U nana'o.

Yakobus 1:2

'Ari ioronongoḏu ngo-ngaku rimoi, ngini balasu ni basono sa'olo roanga na'o ngini sanga dola'aku re bo-baja.

1 Petrus 4:13

Siḏibo ḏi'i, jobilaha ngini ni dawongo reninga roanga, sababu ngini sanga sangisara ḏi'i ma tero Yesus sanga sangisara. Kalaha so'o gena nange-ne, ḏuanga i'a toma 'orasa ngowa-ngowa'a ya oḏi'i simulia Unanga, ngini lebe maroanga.

Tingoýi 2:17

'A guna ḇato nga'unu 'o 'isene, balasu 'a totoho la-la ino 'oru ga'a Ma Ngagara 'Ofi-'Ofi 'i kanau toma jama'ata-jama'ata. 'A guna ḇato 'ai ngo-ngaku ra Ngoi kama elala ua singadolo 'o sengene, Ngoi to pula'a watasa oromo manna ga'a 'i gogono. Re Ngoi ḏi'i to pula'a maḏi bu-buḏo matengo ngai moi. Toma maḏi gena-ge 'i silefo lomanga su-sungi, matengo i'a mai ua ya waro, pa'i ngowa'a ga'a ya dawongo maḏi gena-ge, ananga gena-ge ya waro.”

Tingoýi 2:26

'A guna ḇato 'ai ngo-ngaku kama elala ua singadolo 'o sengene re 'aḏi mete'e Ngoi 'ari mau singadolo ma ḏo-ḏogumu, ḏuanga i'a Ngoi to pula'a kuasa ra ananga ma tero sa'olo kuasa ga'a To dawongo Tari Ḇaḇa. Ananga 'aḏi sanga kuasa ra Ngoi di'a 'aḏi parenta bangsa-bangsa reo didiki ḇesi, re 'aḏi siwejere bangsa-bangsa ma tero sa'olo 'aḏi siwejere giu'u tana'a.

Tingoýi 2:7

'A guna ḇato nga'unu 'o 'isene, balasu 'a totoho la-la ino 'oru ga'a Ma Ngagara 'Ofi-'Ofi 'i kanau toma jama'ata-jama'ata. 'A guna ḇato 'ai ngo-ngaku ra Ngoi kama elala ua singadolo 'o sengene, Ngoi tu pula'a watasa di'a 'o oromo ate 'ahu-'ahu ma sowo'o 'i konyo ra Ma Jou'ongu Madutu 'ai guḏa.”

Tingoýi 21:7

'A guna ḇato 'ai ngo-ngaku kama elala ua singadolo 'o sengene, barakati mo-moini gena-ge ḏuanga i'a 'o sanga ra Ngoi. Ngoi to dadi Ma Jou'ongu Madutu ga'a unanga 'o silamo'o re siḏubuso re unanga 'o dadi 'Ari ngowa-ngowa'a.

Tingoýi 3:12

'A guna ḇato 'ai ngo-ngaku ra Ngoi kama elala ua singadolo 'o sengene, ḏuanga i'a Ngoi ta'u sidadi ananga sa'olo 'Ari Jou'ongu Madutu 'ai Wala ma ngasu'u lamo'o. Re ḏi'i unanga 'o tegoro Tari ngi'i gena-ge kasingado-ngadolo i'a. Re 'Ari Jou'ongu Madutu 'ai lomanga re 'Ari Jou'ongu Madutu 'ai limau ma lomanga — gena-ge Yerusalem su-sungi ga'a 'i 'uci da'u soroga tala Tari Jou'ongu Madutu — ḏuanga i'a ta silefo lomanga mo-moini gena-ge ra ananga manga lese matengo re matengo. Re 'Ari lomanga su-sungi ta silefo ra ananga manga lese matengo re matengo ḏi'i.

Tingoýi 3:5

'A guna ḇato 'ai ngo-ngaku ra Ngoi kama elala ua singadolo 'o sengene, ḏuanga i'a 'aḏi mapake juba bu-buḏo. Manga lomanga ta singi-ngiranga yoḏu'u toma ngowa'a 'ahu-'ahu manga boku. Re Rari Ḇaḇa 'ai biono re mala'ekata-mala'ekata manga biono, Ngoi to mangaku to kanau ananga gena-ge Ngoi 'ari ngowa-ngowa'a.