Lukas 6:22 - Jaji ma Su-sungi

²² Bara'utungu ngini, na'o ngowa'a 'aḏi emono ngini, 'aḏi dawongo ngini ua, sipake-pake ngini ua, re 'aḏi sikanau ngini, sababu ngini ni mete'e Ngoi, Manusia ma Ngowa'a Nau'u.

Lukas 6:22 Iomraidhean Croise

Matias 10:18

Ngowa'a ḏuanga i'a 'aḏi gasa ngini sitalaḏi toma ngowa'a la-lamo'o re 'olana-'olana, sababu ngini Ngoi 'ari me-mete'e. Toma 'orasa gena-ge, ngini ni sanga donga rimoi di'a ni pula'a sakisi mangale Ngoi ra ananga gena-ge re ngowa'a Yahudi ua ḏi'i.

Matias 10:22

Ngowa'a mo-moini ḏuanga i'a 'aḏi emono ngini, sababu ngini Ngoi 'ari me-mete'e. Mada'a ngowa'a ga'a 'aḏi cako'o namo-namoto tamanga ngo-ngaku ra Ngoi singadolo ma ḏo-ḏogumu, ḏuanga i'a 'aḏi sanga salamata.

Matias 10:39

'A guna ḇato 'o kadiarata pa'i 'ai 'ahu toma dungia nena-ne ḇato, unanga gena-ge 'o sanga ua 'ahu kasingado-ngadolo i'a. Mada'a 'a guna ḇato 'o ḏu-ḏuanga ḏua di'a 'o sengene sababu 'o mete'e Ngoi; unanga gena-ge ḏuanga i'a 'o sanga 'ahu kasingado-ngadolo i'a.”

Lukas 20:15

Ananga 'aḏi taba-taba'a unanga toma guḏa ma di'anga, kara 'u sisengene.” Ḏua Yesus 'o sano, “Wakutu guḏa ma dutu gena-ge 'o sapolo toma guḏa unanga 'o 'a'a 'oru tai ngowa-ngowa'a munara toma guḏa gena-ge?!

Lukas 6:21

Bara'utungu nange-ne ngini ga'a ni sawini, ngini ḏuanga i'a ni wunusu. Bara'utungu nange-ne ngini ga'a ni rerese ma gaḏi, ngini ḏuanga i'a ni maroanga.

Yohanes 12:42

Kalaha Yesaya 'o kanau so'o gena-ge Yahudi manga bi-biri'i tamanga sigolona manga repe 'aḏi ngaku Yesus. Mada'a ananga gena-ge 'aḏi siajele ua manga ngo-ngaku toma mandan, sababu 'aḏi mojongo ngowa'a Farisi ya'u simaha ua ananga gena-ge di'a 'aḏi osama toma wala puji.

Yohanes 16:2

Ngowa'a ḏuanga i'a 'aḏi dusu'u ngini toma wala-wala puji. Ma nyonyata enanga ma 'orasa ḏuanga i'a 'i ngadolo wakutu ngowa'a ga'a 'aḏi sisengene ngini, ananga 'aḏi ta'ajiri 'aḏi siḏagi Ma Jou'ongu Madutu 'ai 'akala ma mau.

Yohanes 17:14

Ngoi reta siajele ḏua ra ananga 'Ani demo-demo singadolo ngowa'a toma dungia nena-ne ya'u emono ananga, sababu ananga 'aḏi marimoi ua reo ngowa'a toma dungia nena-ne, ma tero Ngoi ḏi'i to marimoi ua reo ngowa'a toma dungia nena-ne.

Yohanes 7:7

sababu matengo i'a mai ua 'o emono ngini. Mada'a di'a Ngoi, ngowa'a toma dungia nena-ne raḏi emono Ngoi, sababu Ngoi to siajele ra ananga mangale manga ga'a 'i cira.

Yohanes 9:34

Ananga ya sangoro, “ 'Oru? Ngana no siromanga reo ḏosa wakutu sibuoro tala moju, nange-ne ngana no mau doto'o ngomi?!” Mulaingi gena-ge re sino ananga 'aḏi simaha ua unanga gena-ge 'o osama toma wala puji.

Yesus 'ai so-soma'a 22:22

Ngowa'a repe ya 'isene tau-taunu 'a Paulus 'ai demo singadolo ma ḏo-ḏogumu tala, mada'a wakutu unanga siajele mangale ngowa'a Yahudi ua, ananga gena-ge 'aḏi poa'a ya siduga-duga, “Sisengene unanga ḇato! Ngowa'a so'o nena-ne, rousu ua 'o 'ahu!”

Yesus 'ai so-soma'a 24:5

Ngomi mu sanga unanga nena-ne ga'a 'o 'a'a kaco. Toma ngowa'a Yahudi manga sigolona toma ngi'i le'a ḇato, 'i dadi nyiwere na'o unanga ngadolo 'age sababu unanga 'a'a kaco re unanga 'o dadi sae'e toma ngowa-ngowa'a ga'a raḏi mete'e Yesus ngowa'a Nazaret 'ai do-doto'o.

Yesus 'ai so-soma'a 9:16

Ngoi masiretene ta sijumu ra unanga ḏuanga i'a unanga balasu 'o sanga ma sangisara ma repe mura ua, sababu 'o sihabari mangale Ngoi.”

Yakobus 1:12

Bara'utungu ngowa'a ga'a manga ngo-ngaku elala ua na'o sanga bo-baja toma 'Iblisi. Sababu wakutu bo-baja ma 'orasa ri togumu, ḏuanga i'a ya sanga 'ahu kasingado-ngadolo i'a sa'olo ngogele rimoi ga'a Ma Jou'ongu Madutu 'o sijaji pasala ḏua di'a ngowa-ngowa'a ga'a 'aḏi dadalara Unanga.

1 Petrus 3:14

Mada'a na'o ngini ni sanga sangisara sababu ni 'a'a 'ori i'a ma la-la, Ma Jou'ongu Madutu 'o sibarakati ngini. Ngini ni mojongo awa 'a guna ḇato re ni dodato awa 'oru ḇato.