Lukas 6:20 - Jaji ma Su-sungi

²⁰ Yesus 'o tatamo 'Ai me-mete'e re 'O kanau, “Bara'utungu ngini mo-moini ga'a ngowa'a ma dinga'unu ua. Sababu ngini ni osama nyo-nyoimi ra Ma Jou'ongu Madutu 'ai Pareta.

Lukas 6:20 Iomraidhean Croise

Matias 11:5

Ngowa'a hafu 'aḏi oḏi'i, ngowa'a ḇolo 'aḏi tagi, ngowa'a si-siḏi 'eno'o 'aḏi la, ngowa'a popongolo 'aḏi 'isene, ngowa'a raḏi sengene, dadunu 'aḏi 'ahu moju, re Habari Roanga ra Ma Jou'ongu Madutu ino Ngoi ta singadolo toma ngowa-ngowa'a ma dinga'unu ua.

Matias 25:34

Togumu i'a, Ngoi 'Olana gena-ge, to kanau toma ngowa-ngowa'a Tari giama ma kuwiḏa, ‘Ino, ngini mo-moini ga'a 'Ari Ḇaḇa renu sibarakati. Ni osama toma Soroga ma Pareta ga'a Ngoi ta sidodahe ḏua di'a ngini wakutu dungia 'i dadi nyangu.

Matias 5:1

Wakutu Yesus 'o oḏi'i ngowa'a repe, Unanga 'o pere ie re 'O tegoro toma sau. Gena ḏua, 'Ai me-mete'e 'aḏi sapolo ra Unanga.

Lukas 12:32

Ngini mojongo awa kalaha ni repe ua re ni te'e ua! Sababu Ma Jou'ongu Madutu 'o sanangi sidadi ngini Unanga 'ai ngowa-ngowa'a.

Lukas 13:28

Ngini ḏuanga i'a ni oḏi'i 'a Abraham, Ishak re 'a Yakub, re nabi-nabi mo-moini ra Ma Jou'ongu Madutu 'ai dungia su-sungi ma dara. Mada'a ngini ḏuanga i'a ni doiti ma sangisara re ni rerese ma gaḏi, sababu ngini masiretene sanga dusu'u ni supu toma dungia su-sungi gena-ge!

Lukas 14:15

Wakutu ngowa'a matengo tamanga sigolona ga'a 'o oromo mamete'e rea Yesus 'o 'isene 'a Yesus 'ai demo-demo gena-ge, unanga 'o kanau, “Bara'utungu madutu, ngowa'a ga'a ḏuanga i'a 'o oromo mamete'e ra Ma Jou'ongu Madutu Tai pareta ma dara!”

Lukas 16:25

Mada'a Abraham 'o sangoro, ‘ 'Ari ngowa'a, wakutu ngana no 'ahu moju ngana 'ani 'ahu enanga 'i pai-pai'i re 'ahu sanangi masala. Mada'a Lazarus unanga 'ai 'ahu enanga kangela. Toma 'orasa nena-ne unanga 'ai 'ahu enanga 'i sanangi re ngana 'ani 'ahu enanga 'i sangisara.

Lukas 4:18

“Ma Jou'ongu Madutu 'ai Ngagara 'Ofi-'Ofi marimoi ra Ngoi. Sababu Ma Jou'ongu Madutu 'o cumutu ḏua Ngoi di'a ta singadolo Habari Roanga toma ngowa-ngowa'a ma dinga'unu ua. Ma Jou'ongu Madutu 'o 'utusu Ngoi di'a to singadolo habari mangale: Ngoi ḏuanga i'a to sisupu ngowa-ngowa'a toma 'Iblisi ma pareta re si-la ngowa-ngowa'a hafu re ta'u sibebasa ngowa-ngowa'a ga'a 'aḏi sanga sikisa

Yesus 'ai so-soma'a 14:22

Toma limau-limau gena-ge, ananga 'aḏi site'e ngowa'a ngaku Yesus manga ngo-ngaku re 'aḏi babata ananga gena-ge di'a 'aḏi ngaku Yesus tau-taunu re 'aḏi mete'e Unanga 'ai do-doto'o ḇato re 'aḏi siajele “Ngene balasu wo basono kangela siḏa, kara ḏuanga i'a wa sanga ma sanangi toma soroga ra Ma Jou'ongu Madutu.” Paulus re 'a Barnabas 'aḏi doto'o ngowa'a ngaku Yesus so'o gena toma limau-limau gena-ge.

2 Korintus 6:10

Kalaha ananga ya sikangela minga 'akala re sinyingara, ngomi reminga roanga! Ngowa'a 'aḏi ta'ajiri ngomi sa'olo ngowa'a ma dinga'unu ua, mada'a re mi si'a'a ngowa'a repe raḏi dadi ngowa'a rema-enanga sababu 'aḏi dawongo Habari Roanga. Ngowa'a 'aḏi oḏi'i ngomi kaminga 'ori i'a ua, mada'a 'ori i'a mo-moini ta ngomi, sababu Kristus.

2 Korintus 8:2

Kalaha ananga sanga sangisara tubuso, ananga 'aḏi maroanga. Kalaha ananga ngowa'a ma dinga'unu ua, ananga 'aḏi pula'a bu-bula'a lai lamo'o di'a riono ngowa'a ngaku Yesus toma daeraha Yudea.

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

1 Tesalonika 1:6

Sidogo ḏi'i, ngomi waro Ma Jou'ongu Madutu ro cumutu ḏua ngini sababu ninga 'ahu ma duhu 'i dadi ma tero sa'olo ngomi minga 'ahu ma duhu re Ma Jou Yesus 'ai 'ahu ma duhu, wakutu 'au nga'ene ngomi mi sanga sikisa ḏua. Ngini ni sanga sikisa sababu ngini reni ngaku Habari Roanga ga'a ngomi ma singadolo ḏua ra ngini. Kalaha so'o gena, ngini ninga 'akala re sinyingara 'i maroanga sababu Ma Ngagara 'Ofi-'Ofi ma munara.

2 Tesalonika 1:5

Mo-moini gena-ge ḏuanga i'a 'i dadi bukiti rimoi mangale Ma Jou'ongu Madutu 'o sijuruhakimi ngowa'a mete'e 'adili re banari. Dadi Unanga 'a putusu tala ni patasa ni osama ra Unanga 'Ai pareta toma soroga, sababu ngini ni sanga sangisara, mada'a ni mete'e tau-taunu Ma Jou Yesus.

Yakobus 1:12

Bara'utungu ngowa'a ga'a manga ngo-ngaku elala ua na'o sanga bo-baja toma 'Iblisi. Sababu wakutu bo-baja ma 'orasa ri togumu, ḏuanga i'a ya sanga 'ahu kasingado-ngadolo i'a sa'olo ngogele rimoi ga'a Ma Jou'ongu Madutu 'o sijaji pasala ḏua di'a ngowa-ngowa'a ga'a 'aḏi dadalara Unanga.

Yakobus 2:5

'Ari ioronongoḏu ngo-ngaku rimoi ga'a ngoi tini dadalara. 'Elingi, ngowa'a ma dinga'unu ua toma dungia, Ma Jou'ongu Madutu ya'u cumutu dadi ngowa'a rema-enanga toma ngo-ngaku ma dara. Ngowa'a gena-ge, ḏuanga i'a 'aḏi sanga bara'utungu ra Ma Jou'ongu Madutu 'ai Pareta ma tero sa'olo 'O sijaji pasala ḏua ra guna ḇato 'aḏi dadalara Unanga.

Tingoýi 2:9

Ngoi ta waro ḏua ngini ninga 'ahu kangela. Ngoi ta waro ngini ngowa'a ma dinga'unu ua, mada'a ma banari ngini ngowa'a rema-enanga. Ngoi to waro 'age rema ngowa'a Yahudi 'aḏi jajaha demo ra ngini, ananga gena-ge mode-mode'e ua ngowa'a Yahudi tamanga 'akala re sinyingara, mada'a 'o 'Iblisi ma me-mete'e.