Lukas 6:17 - Jaji ma Su-sungi

¹⁷ Togumu i'a, Yesus 'o 'uci da'u sau tala Rai so-soma'a. Ḏua ananga gena-ge 'aḏi matogumu re 'aḏi made-de'oso toma picaru rimoi. Toma ngi'i gena-ge, 'Ai me-mete'e manga repe re 'o ngowa'a lelegu manga repe ḏi'i matai sapolo. Ananga gena-ge toma daeraha sigoloḏi Yudea, Yerusalem, re limau-limau Tirus re Sidon toma ngoloto ma 'uḏu.

Lukas 6:17 Iomraidhean Croise

Matias 11:21

Unanga 'o kanau, “Bahala ra ngini ngowa'a toma limau Korasim re limau Betsaida. Ma Jou'ongu Madutu ḏuanga i'a 'o singe-ngeta'a hukumu ra ngini. Si'ade-'ade i'a Ngoi to 'a'a ga'a hera-heranga toma ngowa'a ma jira toma limau Tirus re Sidon ma tero sa'olo Ngoi ta si'a'a ḏua ra ngini ninga sigolona, tantu ḏua ananga da'a raḏi maḏibo toma ngo'omo boloto, re ananga 'aḏi mapake pakeanga si'a'a reo kaḏu re tamanga sae'e ya sidu-durono reo itomo ma korou'u.

Matias 12:15

Yesus 'a waro mangale ngowa'a Farisi manga 'ulungu ma jira ra Unanga. Dadi Yesus tagi 'a sisoi'i tala ngi'i gena-ge re ngowa'a repe 'aḏi mamete'e ra Unanga. Re Unanga 'o si-la ngowa'a siḏi mo-moini.

Matias 14:14

Wakutu Yesus 'o 'uci toma oti ino re 'O oḏi'i ngowa'a repe, Tai 'akala re sinyingara 'i baolo dadalara ra ananga. Dadi Unanga 'o si-la ngowa-ngowa'a siḏi toma ngowa'a repe manga sigolona.

Matias 15:21

Gena ḏua, Yesus 'a sisoi'i tala ngi'i gena-ge, re 'O tagi toma daeraha co-cori limau Tirus re limau Sidon.

Matias 5:1

Wakutu Yesus 'o oḏi'i ngowa'a repe, Unanga 'o pere ie re 'O tegoro toma sau. Gena ḏua, 'Ai me-mete'e 'aḏi sapolo ra Unanga.

Lukas 5:15

Mada'a habari mangale Yesus ganapu 'i rera re walata, ngadolo le'a bolo le'a, singadolo ngowa'a manga repe matai sapolo di'a 'aḏi 'isene Yesus 'ai do-doto'o re ya'u si-la ngowa'a siḏi.

Lukas 6:12

Wakutu gena-ge Yesus 'o mabere ie toma polono rimoi di'a 'O manyiata. Toma ngi'i gena-ge, unanga 'o manyiata tau-taunu ra Ma Jou'ongu Madutu, utu moi siwangere.

Lukas 6:16

Yudas, 'a Yakobus 'ai ngowa'a re Yudas Iskariot ga'a ḏuanga i'a 'o wu'unu 'a Yesus tai lawana.

Lukas 6:18

Ananga mo-moini 'aḏi sapolo, la 'aḏi 'isene Yesus 'o doto'o re Unanga 'o si-la ngowa'a siḏi. Ngowa'a ga'a roh ma jira ya'u dungosama 'aḏi sapolo re Unanga 'o si-la ḏi'i.