Lukas 6:12 - Jaji ma Su-sungi

¹² Wakutu gena-ge Yesus 'o mabere ie toma polono rimoi di'a 'O manyiata. Toma ngi'i gena-ge, unanga 'o manyiata tau-taunu ra Ma Jou'ongu Madutu, utu moi siwangere.

Lukas 6:12 Iomraidhean Croise

Matias 5:1

Wakutu Yesus 'o oḏi'i ngowa'a repe, Unanga 'o pere ie re 'O tegoro toma sau. Gena ḏua, 'Ai me-mete'e 'aḏi sapolo ra Unanga.

Matias 6:6

Mada'a wakutu ngini ni manyiata, osama toma kamara re kuci ngalana, kara ni manyiata ra ninga Ḇaḇa ga'a wa oḏi'i ua. Ḏua Unanga ḏuanga i'a 'o pula'a ngogele ra ngini sababu pa'i ninga Ḇaḇa ḇato 'a oḏi'i ngini ni manyiata.

Markus 1:35

Da-daini i'a wangere cira moju, Yesus 'o momi'i re 'o supu re 'o tagi toma ngi'i ga-garura di'a 'O manyiata ra Ma Jou'ongu Madutu.

Markus 3:13

Gena ḏua, Yesus 'o mabere ie toma polono rimoi re 'o 'aro'o ngowa-ngowa'a, la 'aḏi mete'e Unanga 'ai 'akala re sinyingara ma mau. Ḏua ananga 'aḏi tagi i'a,

Markus 6:46

Wakutu ngowa'a repe gena-ge 'aḏi palisi'i i'a, Yesus 'o pere ie toma sau re 'o manyiata.

Lukas 5:16

Mada'a soi rai o'o i'a Yesus 'o tagi manyiata toma ngi'i ga-garura.

Lukas 6:11

Mada'a guru-guru 'agama re ngowa-ngowa'a Farisi 'aḏi ruta madutu, re mulaingi 'aḏi masigaro'o disa ma 'akala sa'olo ya sidodai ra Yesus.

Lukas 6:17

Togumu i'a, Yesus 'o 'uci da'u sau tala Rai so-soma'a. Ḏua ananga gena-ge 'aḏi matogumu re 'aḏi made-de'oso toma picaru rimoi. Toma ngi'i gena-ge, 'Ai me-mete'e manga repe re 'o ngowa'a lelegu manga repe ḏi'i matai sapolo. Ananga gena-ge toma daeraha sigoloḏi Yudea, Yerusalem, re limau-limau Tirus re Sidon toma ngoloto ma 'uḏu.

Lukas 9:18

Soi moi, wakutu Yesus 'o manyiata 'o matengo, 'Ai me-mete'e 'aḏi sapolo ra Unanga. Ḏua Yesus 'o sano ra ananga, “Mete'e ngowa'a manga waro, Ngoi ne 'a guna?”

Lukas 9:28

Yesus 'o doto'o gena-ge palisi'i i'a ḏa migu rimoi, Unanga 'o gasa 'a Petrus, 'a Yohanes re 'a Yakobus sie toma kie rimoi ma tubu di'a manyiata.

Lukas 9:29

Yesus 'o manyiata si'olona i'a, 'Ai biono ri ngali, re 'Ai pakeanga 'i dadi buḏo jama-jamanga.

Yohanes 6:3

Yesus re 'Ai me-mete'e ananga mabere ie toma polono ma gagoro re 'aḏi tegoro toma ngi'i gena-ge.

Kolose 4:2

Ngini balasu ni manyiata tau-taunu. Sidogo ḏi'i, ngini balasu ni ma'istiari re ni sibere ie murasa ma la ra Ma Jou'ongu Madutu.

'Ibrani 5:7

Wakutu Yesus 'o 'ahu-'ahu moju toma dungia nena-ne, Unanga 'o manyiata re 'o golo'o reo poa'a rai 'ongoro ra Ma Jou'ongu Madutu ga'a nga'unu sisalamata Unanga toma sengene. Sababu Unanga 'o ta'aloko rai 'akala re sinyingara sa-sanangi ra Ma Jou'ongu Madutu, Unanga 'ai go-golo'o Ma Jou'ongu Madutu 'a dawongo.