Lukas 5:5 - Jaji ma Su-sungi

⁵ Simon 'o kanau, “Jou, utu moi siwangere ngomi kama togumu ua mi upa'a j̱ala kuwiḏa re kuḇali, mada'a mi sanga 'oru rimoi i'a mai ua! Mada'a sababu Jou no soma'a, ngoi ta mete'e re ta si'a'a.”

Lukas 5:5 Iomraidhean Croise

Lukas 17:13

Ananga 'aḏi madigaro'o siduga-duga, “Yesus, Tuanga, no sijumu 'Ani 'akala re sinyingara ma la-la ra ngomi!”

Lukas 8:24

Yesus 'ai me-mete'e 'U tamanga Unanga, ananga 'aḏi tuduba, “Tuanga, Tuanga, ngene sanga bahala re ti'ara ua wo jala!” Dadi Yesus 'o momi'i, kara 'a ḇangata rato re momoku. Gena ḏua, rato re momoku 'i togumu re talaga gena-ge ri ogo-ogoro i'a.

Lukas 8:45

Yesus 'o sano, “ 'A guna 'o cigi Ngoi?” Ananga mo-moini 'aḏi masoloto. Ḏua Petrus 'o kanau, “Tuanga, ngowa'a manga repe masala 'aḏi sigoloḏi, re ma'u tutuḏu.”

Lukas 9:33

Wakutu 'a Elia re 'a Musa 'aḏi tagi sa'i sisoi'i tala 'a Yesus, Petrus 'o kanau i'a ra Yesus, “Tuanga, mode-mode'e sanangi masala ngi'i nena-ne. Na'o nyengara gari'a ngomi side'oso suyu'u ḏu ro'ange: ḏu moi di'a Jou, ḏu moi di'a Musa re ḏu moi ḏi'i di'a Elia.” (Petrus 'o kanau so'o gena, mada'a unanga masiretene 'a sahe ua 'oru ga'a unanga 'o kanau.)

Lukas 9:49

'A Yohanes 'o kanau, “Tuanga, ngomi oḏi'i ngowa'a matengo 'o dusu'u roh ma jira 'a pake Tuanga 'ani lomanga, dadi ngomi mi simaha ua unanga, sababu unanga ra ngene ua.”

Yohanes 15:14

Na'o ngini ni siḏagi 'Ari parenta taninga 'ahu, ngini ni dadi 'Ari ḏagilomu.

Yohanes 2:5

Mada'a Yesus 'ai ngina mo kanau i'a toma falalomu-falalomu, “ 'A'a ḇato 'oru ga'a Unanga 'o kanau ra ngini.”

Yohanes 21:3

Simon Petrus 'o kanau ra Yesus 'ai me-mete'e ma lelegu, “Ngoi to tagi disa nyao'o.” Ananga gena-ge ya sangoro, “Ngomi mi mete'e ḏi'i.” Dadi ananga mo-moini 'aḏi mabalene toma oti re 'aḏi disa nyao'o. Mada'a utu moi siwangere ananga kama sanga 'oru rimoi mai ua.