Lukas 5:30 - Jaji ma Su-sungi

³⁰ Ngowa'a Farisi nga muḏuo i'a re ananga manga guru-guru 'agama ananga 'aḏi sanangi ua. Dadi ananga 'aḏi kanau i'a ra Yesus 'ai me-mete'e, “I'a sa'olo ngini mo-moini ni oromo mamete'e reo ngowa'a golo-golo'o balastengi re ngowa'a baraḏosa?”

Lukas 5:30 Iomraidhean Croise

Matias 5:46

Dadi na'o ni dadalara pa'i ngowa'a ga'a 'aḏi dadalara ngini ḇato, Ma Jou'ongu Madutu 'o pula'a ngogele ua ra ngini. Sababu ngini ma tero sa'olo ngowa'a golo-golo'o balastengi: Ananga ḏi'i pa'i 'aḏi dadalara ngowa'a ga'a ya'u dadalara!

Matias 9:11

'Age rema ngowa'a Farisi ga'a 'aḏi oḏi'i i'a so'o gena, ananga 'aḏi sano ra Yesus 'ai me-mete'e, “I'a sa'olo ninga guru Unanga 'o oromo mamete'e reo ngowa-ngowa'a golo-golo'o balastengi re ngowa'a baraḏosa?”

Markus 2:16

Ngowa'a Farisi manga guru 'agama nga muḏuo i'a 'aḏi oḏi'i ngowa-ngowa'a gena-ge 'aḏi oromo ma'u mete'e Yesus. Dadi ananga 'aḏi kanau Tai me-mete'e, “Rousu ua, ninga guru 'o oromo ma'u mete'e reo ngowa'a baraḏosa re ngowa'a golo-golo'o balastengi!”

Markus 7:3

Ngowa'a Farisi bolo ngowa'a Yahudi, ananga mo-moini ya mete'e ete re dotumu manga 'adata re 'atoranga moju: Ananga 'aḏi oromo 'i yoḏu'u moju na'o ya soso'o manga giama nyangu.

Markus 9:16

Yesus 'o sano Tai me-mete'e, “Ngini ni ma'u sangoro 'oru re 'o guru-guru 'agama gena-ge?”

Lukas 18:11

Ngowa'a Farisi gena-ge 'o te'oso kara 'o manyiata mangale 'ai diri masiretene, ‘Ya Ma Jou'ongu Madutu ngoi to pula'a murasa ma la, sababu ngoi to ma tero ua ngowa'a lelegu: ngowa'a ga'a tori'i, 'akala re sinyingara 'i boloto ua, tinikai bolo ma tero sa'olo ngowa'a golo-golo'o balastengi nena-ne.

Lukas 19:7

Ngowa'a mo-moini 'aḏi oḏi'i so'o gena, ananga 'aḏi kuḏubungu re 'aḏi kanau, “Cih, Unanga 'o tagi tuḏu toma ngowa'a baraḏosa manga wala!”

Lukas 5:17

Toma wangere rimoi wakutu Yesus 'o doto'o, 'age rema ngowa'a Farisi nga muḏuo i'a, re guru-guru 'agama 'aḏi tegoro 'isene. Ananga 'aḏi sapolo da'a limau Yerusalem ino, re limau-limau toma daeraha Galilea re Yudea ino. Kuasa ra Ma Jou'ongu Madutu 'i marimoi ra Yesus di'a 'O si-la ngowa'a siḏi.

Lukas 5:21

Guru-guru 'agama re ngowa-ngowa'a Farisi mulaingi 'aḏi masano tamanga 'akala re sinyingara, “Unanga ne 'a guna, singadolo 'o nau'u masala 'o je-jengere Ma Jou'ongu Madutu! Pa'i Ma Jou'ongu Madutu masiretene nga'unu 'o singi-ngiranga ngowa'a manga ḏosa!”

Lukas 7:34

Ngoi, Manusia ma Ngowa'a Nau'u reto sapolo re To oromo re ka'e, mada'a ngini ḏi'i ni dawongo Ngoi ua re ni kanau, ‘ Oḏi'i unanga gena-ge 'O da-danata, 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa.’

Lukas 7:39

Wakutu ngowa'a Farisi ga'a saele Yesus nange-ge 'o oḏi'i so'o gena, unanga 'o kanau tai 'akala re sinyingara ma dara, “Na'o Unanga nena-ne nabi Unanga 'a waro ḏua we-were'a ga'a mo cigi Unanga, munanga gena-ge ngo guna. We-were'a nena-ne mo 'ahu toma ḏosa ma dara.”

Yesus 'ai so-soma'a 23:9

Ḏua ananga 'aḏi ma'u rubutu mode-mode'e singadolo 'i dadi kaco. 'Age rema ngowa'a Farisi nga muḏuo i'a, 'aḏi dadi guru 'agama, ananga 'aḏi te'oso re ya lawana mode-mode'e 'aḏi kanau, “Ngomi ma waro unanga nena-ne kai sala ua. Wari'a ḏa ma roh bolo mala'ekata matengo ro siajele ra unanga!”