Lukas 5:29 - Jaji ma Su-sungi

²⁹ Togumu i'a, Lewi 'o 'a'a laya tai wala di'a Yesus. Ngowa'a golo-golo'o balastengi manga repe re ngowa'a lelegu ḏi'i 'aḏi oromo mamete'e ra ananga.

Lukas 5:29 Iomraidhean Croise

Matias 11:19

Ngoi, Manusia ma Ngowa'a Nau'u reto sapolo, To oromo re ka'e 'anggur. Nange-ne ḏi'i ngowa'a raḏi dawongo Ngoi ua 'aḏi kanau, ‘Oḏi'i Unanga gena-ge 'O da-danata re 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa!’ Kalaha so'o gena, Ma Jou'ongu Madutu 'ai 'akala ma soro'unu 'i waiti banari ra Ma Jou'ongu Madutu 'ai ngowa-ngowa'a manga de'oso re ḏegoro ma rousu.”

Matias 5:46

Dadi na'o ni dadalara pa'i ngowa'a ga'a 'aḏi dadalara ngini ḇato, Ma Jou'ongu Madutu 'o pula'a ngogele ua ra ngini. Sababu ngini ma tero sa'olo ngowa'a golo-golo'o balastengi: Ananga ḏi'i pa'i 'aḏi dadalara ngowa'a ga'a ya'u dadalara!

Matias 9:10

Wakutu Yesus 'o oromo ra Matius 'ai wala, ngowa'a golo-golo'o balastengi manga repe 'aḏi sapolo, mamete'e reo ngowa'a ga'a si'aro'o ngowa'a baraḏosa. Ananga mo-moini 'aḏi oromo mamete'e rea Yesus re 'Ai me-mete'e.

Matias 9:9

Gena ḏua, Yesus 'o sisoi'i tala ngi'i gena-ge. Tai ḏo-ḏagi ma dara 'o oḏi'i ngowa'a golo-golo'o balastengi matengo 'ai lomanga Matius 'o madi-dirini tai kantor. Yesus kanau i'a ra unanga, “Ino mete'e Ngoi.” Ḏua Matius ro te'oso, kara 'o mete'e Yesus.

Markus 2:15

Yesus re 'Ai me-mete'e re 'a Lewi, ananga 'aḏi oromo ra Lewi 'ai wala. Toma 'orasa gena-ge, golo-golo'o balastengi ma lelegu re ngowa-ngowa'a baraḏosa manga repe ḏi'i 'aḏi sapolo re 'aḏi oromo ma'u mete'e Yesus; sababu toma ngowa'a repe manga sigolona gena-ge 'age rema ngowa'a manga repe ḏi'i raḏi mete'e Yesus.

Lukas 15:1

Toma wangere rimoi, ngowa-ngowa'a golo-golo'o balastengi re ngowa-ngowa'a ga'a ngowa'a repe ya'u si'aro'o “ngowa'a baraḏosa” sapolo di'a 'aḏi 'isene Yesus 'ai do-doto'o.

Yohanes 12:2

Ananga 'aḏi 'a'a laya di'a silamo'o Yesus. Re 'a Lazarus rai ioronongoḏu 'aḏi majoreke oromo mamete'e ra Unanga. Re ngo Marta mo de-de'oso ananga.

1 Korintus 10:27

Sababu gena-ge, na'o ngini ni tagi sanga saele oromo toma ngowa'a ga'a ngaku Yesus ua, oromo ḇato ngo-ngoromo ga'a 'aḏi pula'a ra ngini. Ngini na disa waro awa na'o ngo-ngoromo gena-ge 'i sipula'a ḏua toma jou'ongu ma somoara, la ninga 'akala re sinyingara ma kanau 'i kangela ua.