Lukas 5:22 - Jaji ma Su-sungi

²² Yesus 'a waro ananga manga so-sano tamanga 'akala re sinyingara, dadi Unanga 'o kanau, “I'a sa'olo taninga 'akala re sinyingara ma dara 'i masano so'o gena?

Lukas 5:22 Iomraidhean Croise

Matias 12:15

Yesus 'a waro mangale ngowa'a Farisi manga 'ulungu ma jira ra Unanga. Dadi Yesus tagi 'a sisoi'i tala ngi'i gena-ge re ngowa'a repe 'aḏi mamete'e ra Unanga. Re Unanga 'o si-la ngowa'a siḏi mo-moini.

Matias 12:25

Yesus 'a waro ngowa'a Farisi manga fikirana, dadi Unanga 'o kanau i'a ra ananga, “Toma nagara rimoi, na'o ma manusia 'i palangu toropo moi-toropo moi ga'a 'aḏi ma'u parangi i'a re ino, tantu ḏua nagara gena-ge ḏuanga i'a 'i wejere. Re ḏi'i, na'o limau rimoi bolo ngitu re ngale rimoi 'aḏi ma'u lawana matengo re matengo, limau bolo ngitu re ngale gena-ge ḏuanga i'a 'i wejere.

Matias 9:4

Yesus 'a waro ananga manga fikirana, dadi 'O kanau, “I'a sa'olo ni mafikiri 'ori i'a ma jira taninga 'akala re sinyingara ma dara?

Markus 8:17

Yesus to waro ḏua mangale ananga 'aḏi ma'u kanau matengo re matengo. Sababu gena-ge, Unanga 'o sano ra ananga, “I'a sa'olo, ngini ni ma'u kanau mangale roti 'i cua?! Ngini ni waro ua re ni sahe nyangu maksudu 'Ari ga'a hera-heranga gena-ge?! Ninga 'akala re sinyingara lai te'e!”

Lukas 24:38

Mada'a Yesus 'o kanau, “I'a sa'olo ngini ni mojongo? I'a sa'olo ninga 'akala re sinyingara ma dara wawaḏu?

Lukas 5:21

Guru-guru 'agama re ngowa-ngowa'a Farisi mulaingi 'aḏi masano tamanga 'akala re sinyingara, “Unanga ne 'a guna, singadolo 'o nau'u masala 'o je-jengere Ma Jou'ongu Madutu! Pa'i Ma Jou'ongu Madutu masiretene nga'unu 'o singi-ngiranga ngowa'a manga ḏosa!”

Lukas 5:23

Le'a lebe gapanga si'a'a: Ngoi nyengara to kanau, ‘ 'Ani ḏosa ta singi-ngiranga ḏua’ bolo nyengara to kanau, ‘Momi'i re no tagi’?!

Yesus 'ai so-soma'a 5:3

Ḏua 'a Petrus 'o kanau ra unanga gena-ge, “Ananias, i'a sa'olo ngana na sieanga i'a 'ani 'akala re sinyingara 'o 'Iblisi ya parenta? Wakutu ngana no masigo-gogoro na tahana tana'a ma ijana kaci moi di'a ngana, ngana no sa-sakala Ma Ngagara 'Ofi-'Ofi!

'Ibrani 4:12

Sababu Ma Jou'ongu Madutu 'ai demo enanga 'i 'ahu-'ahu re lebe mangono reo samaranga ma doto romoḏiḏi. Samaranga gena-ge 'i lapasa toma donga-donga re nyi-nyiala ma bati. Gena-ge ma tero sa'olo Ma Jou'ongu Madutu 'ai demo ga'a osama singadolo toma nyawa re roh ma bati. Unanga 'ai demo gena-ge enanga ya waro manusia manga fikirana re 'akala re sinyingara.

Tingoýi 2:23

Sidogo ḏi'i, ngo Izebel 'ami me-mete'e ga'a ma tero sa'olo 'ami ngowa'a, Ngoi ḏuanga i'a Ta'u sisengene, la Ngoi 'ari 'umata mo-moini ya waro mangale Ngoi nena-ne nga'unu to du-dumunu ngowa'a manga 'akala re sinyingara. Re Ngoi ḏuanga i'a to balasa mete'e ngini ni maḏiga'a masiretene.