Lukas 5:14 - Jaji ma Su-sungi

¹⁴ Ḏua, Yesus 'o sipo-poma 'o kanau ra unanga, “Awa ngana na sijarita mangale gena-ge ra guna ḇato. Mada'a no tagi re no masijumu 'ani lese toma 'imam, la siwaro tala mangale ngana reno la. Pasala i'a no pula'a 'ani jou-jou di'a sigofi 'ani lese ga'a mete'e 'a Musa 'ai hukumu sa'olo bukiti rimoi toma ngowa-ngowa'a ḏi'i mangale ngana reno la.”

Lukas 5:14 Iomraidhean Croise

Matias 10:18

Ngowa'a ḏuanga i'a 'aḏi gasa ngini sitalaḏi toma ngowa'a la-lamo'o re 'olana-'olana, sababu ngini Ngoi 'ari me-mete'e. Toma 'orasa gena-ge, ngini ni sanga donga rimoi di'a ni pula'a sakisi mangale Ngoi ra ananga gena-ge re ngowa'a Yahudi ua ḏi'i.

Matias 12:16

Mada'a Yesus 'o simaha ua ananga 'aḏi siajele mangale Unanga ge 'a guna.

Matias 8:4

Ḏua Yesus 'o kanau, “ 'Elingi! Awa sijarita mangale gena-ge ra guna ḇato. Mada'a no tagi re no masijumu 'ani lese toma 'imam, la siwaro tala mangale ngana reno la. Pasala i'a no pula'a 'ani jou-jou ga'a mete'e Musa 'ai hukumu sa'olo bukiti rimoi toma ngowa-ngowa'a ḏi'i mangale ngana reno la.”

Matias 9:30

Toma 'orasa gena-ge ḏua, ananga raḏi oḏi'i. Unanga 'o sipo-poma ananga, “Awa ni siajele hali nena-ne ra guna ḇato.”

Markus 1:44

“ 'Elingi! Awa sijarita mangale gena-ge ra guna ḇato. Mada'a no tagi re no masijumu 'ani lese toma 'imam, la siwaro tala mangale ngana reno la. Pasala i'a no pula'a 'ani jou-jou di'a sigofi 'ani lese ga'a mete'e 'a Musa 'ai hukumu sa'olo bukiti rimoi toma ngowa-ngowa'a ḏi'i mangale ngana reno la.”

Markus 6:11

Wakutu ngini ni ngadolo toma ngi'i rimoi na'o ananga 'aḏi dawongo ngini ua re 'aḏi 'isene ninga do-doto'o ua; na sisoi'i tala re na sesara ninga rou ma korou'u. Enanga gena-ge 'i dadi nana'o rimoi ananga 'aḏi dawongo ua Habari Roanga re na'o 'aḏi maḏibo ua toma ngo'omo boloto, ḏuanga i'a ananga sanga hukumu ra Ma Jou'ongu Madutu!”

Lukas 17:14

Yesus 'o oḏi'i ananga so'o gena, ḏua 'o kanau, “Ni tagi toma 'imam-'imam, golo'o ananga ya oḏi'i ninga lese.” Dadi ananga 'aḏi tagi re tamanga ḏo-ḏagi ma dara, ananga manga si-siḏi ri iranga.

Lukas 5:13

Yesus 'a siteru 'Ai giama re 'A siteru ra unanga gena-ge re 'O kanau, “Ngoi to nyengara, no la!” Toma 'orasa gena-ge ḏua, 'ai si-siḏi 'eno'o ri iranga.

Lukas 9:5

Mada'a na'o ngowa'a 'aḏi dawongo ngini ua, wakutu ni supu sisoi'i tala limau gena-ge, na sesara ninga rou ma korou'u, gena-ge si'a'a sa'olo nana'o rimoi mangale Ma Jou'ongu Madutu 'o dawongo ua re 'O sihukumu limau gena-ge ma manusia.”