Lukas 4:7 - Jaji ma Su-sungi

⁷ Mo-moini gena-ge ḏuanga i'a di'a Ngana na'o Ngana no silamo'o re siḏubuso ngoi.”

Lukas 4:7 Iomraidhean Croise

Matias 2:11

Wakutu ananga 'aḏi osama toma wala ma dara, ananga 'aḏi oḏi'i Unanga gena-ge Rai ngina ngo Maria. Re ananga 'aḏi mapagara manga biono tala re silamo'o re siḏubuso Unanga. Gena ḏua, ananga ya welanga manga harata ma burua, re ya pula'a manga bu-bula'a ra Unanga. Manga bu-bula'a guraci, manyanyi, re mur.

Lukas 17:16

Unanga 'o mapagara 'ai biono tala ra Yesus 'ai rou, re 'o pula'a murasa ma la. Unanga gena-ge ngowa'a Samaria.

Lukas 4:6

'Iblisi 'i kanau i'a ra Yesus, “Ngoi nyengara to sipula'a ra Ngana dungia ma pamarenta di'a Ngana na parenta re 'ori i'a rana toma dungia ma dara mo-moini. Sababu mo-moini nena-ne to sipula'a ḏua ra ngoi re ngoi nyengara to pula'a ra guna ḇato mete'e ngoi 'ari 'akala re sinyingara ma mau.

Lukas 4:8

Yesus 'a sangoro, “Toma Boku 'Ofi-'Ofi ma dara 'i silefo so'o ne: ‘Silamo'o re siḏubuso Ma Jou'ongu Madutu, 'ani Jou, re de-de'oso pa'i Unanga ḇato.’ ”

Tingoýi 22:8

Ngoi, Yohanes, mo-moini gena-ge to 'isene re ta oḏi'i. Pasala i'a, ngoi to mapagara 'ari biono tala toma mala'ekata gena-ge, ga'a ro sijumu mo-moini gena-ge, di'a to silamo'o re siḏubuso unanga.

Tingoýi 4:10

bi-biri'i nga nyagi romoḏiḏi re nga ḏuata 'aḏi mapagara manga biono tala kara 'aḏi silamo'o re siḏubuso Unanga ga'a 'o tegoro ra Ma 'Olana 'ai ḏe-ḏegoro re 'O 'ahu kasingado-ngadolo i'a. Ananga ya woi'i manga lastari ya sigare ra ma 'Olana 'ai ḏe-ḏegoro ma biono, re 'aḏi kanau,

Tingoýi 5:8

Wakutu Doba ma Ngowa ya 'a'a so'o gena, makhluk rata gena-ge re bi-biri'i nga nyagi romoḏiḏi re nga ḏuata ananga gena-ge 'aḏi mapagara manga biono tala toma Doba ma Ngowa ma biono. Ananga matengo re matengo 'aḏi gu-gu'u kecapi re sawo'o guraci ma dara rema manyanyi. Manyanyi gena-ge ma ngale: Ma Jou'ongu Madutu 'ai ngowa-ngowa'a manga nyiata.