Lukas 4:43 - Jaji ma Su-sungi

⁴³ Mada'a Unanga 'o kanau, “Ngoi balasu ta singadolo Habari Roanga toma limau-limau ma lelegu ḏi'i mangale Ma Jou'ongu Madutu 'ai Pareta sababu di'a gena-ge Ma Jou'ongu Madutu 'o 'utusu Ngoi toma dungia.”

Lukas 4:43 Iomraidhean Croise

Matias 4:23

Yesus 'a sigoloḏi daeraha Galilea mo-moini re 'O doto'o toma wala-wala puji. Unanga 'o singadolo Habari Roanga mangale Soroga ma Pareta. Re Unanga ḏi'i 'O si-la ngowa-ngowa'a mo-moini remanga si-siḏi ma rupa 'oru ḇato.

Markus 1:35

Da-daini i'a wangere cira moju, Yesus 'o momi'i re 'o supu re 'o tagi toma ngi'i ga-garura di'a 'O manyiata ra Ma Jou'ongu Madutu.

Yohanes 20:21

Ḏua Yesus 'o kanau soi moi moju, “Dame ra ngini! Ngoi tunu 'utusu ngini ma tero 'Ari Ḇaḇa Ro 'utusu Ngoi.”

Yohanes 9:4

Wakutu rema wangere moju, ngene balasu wa si'a'a Unanga 'ai munara ga'a Ro 'utusu Ngoi. Sababu 'orasa lobi'i 'i ngadolo ḏua, matengo i'a mai ua nga'unu munara.

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

2 Timotius 4:2

Ngana balasu no singadolo tau-taunu Habari ra Ma Jou'ongu Madutu ino, re ngana balasu no ḏu-ḏuanga ḏua singadolo habari gena-ge ra ananga, la ananga ya 'isene: bae 'aḏi nyengara bolo 'aḏi oḏu'u. Ngana balasu na'u site'e manga ngo-ngaku ra Ma Jou Yesus re na'u sitarangi manga sala re na'u babata ananga. Mada'a ngana balasu na'u doto'o pake 'akala ḇanyo.