Lukas 4:42 - Jaji ma Su-sungi

⁴² Wakutu wangere ma la'o sa'i pilata, Yesus 'a sisoi'i tala limau gena-ge 'O tagi toma ngi'i garura rimoi. Ngowa-ngowa'a ananga 'aḏi tagi disa Unanga. Wakutu raḏi ma'u sanga ra Yesus, ananga 'aḏi golo'o simau-mau Unanga 'o sisoi'i tala ananga awa.

Lukas 4:42 Iomraidhean Croise

Markus 1:45

Mada'a pasala i'a, ngowa'a gena-ge 'o tagi re 'o sihabari mangale gena-ge le'a bolo le'a, singadolo Yesus 'o masimaha ua re 'O osama toma limau-limau lelegu sababu ngowa'a repe 'aḏi disa Unanga. Ḏua, Unanga 'o tegoro toma limau ma ḏuḏunu toma ngi'i-ngi'i ga-garura, mada'a ngowa'a manga repe dina re dai, da'a re 'ane 'aḏi matai sapolo ḇato ra Unanga.

Lukas 24:29

Mada'a ananga 'aḏi baḏu re 'aḏi kanau ra Unanga, “No otu ra ngomi, sababu sa'i 'i lobi'i re sa'i 'i hafu-hafu.” Dadi Yesus 'o osama marimoi ra ananga.

Lukas 6:12

Wakutu gena-ge Yesus 'o mabere ie toma polono rimoi di'a 'O manyiata. Toma ngi'i gena-ge, unanga 'o manyiata tau-taunu ra Ma Jou'ongu Madutu, utu moi siwangere.

Yohanes 4:34

Yesus 'o kanau ra ananga, “Mete'e Ma Jou'ongu Madutu ga'a Ro 'utusu Ngoi, Unanga 'ai mau re siḏuanga munara ga'a Unanga ro pula'a ra Ngoi, gena-ge Ngoi 'ari ngo-ngoromo!

Yohanes 4:40

Sababu gena-ge, ngowa-ngowa'a Samaria 'aḏi tagi ma'u sanga ra Yesus re 'aḏi golo'o Unanga di'a 'O tuḏu ra ananga. Dadi Unanga 'o tuḏu ra ananga ma di'ara wange ḏiḏi.

Yohanes 6:24

Wakutu ngowa'a repe 'aḏi oḏi'i Yesus re 'Ai me-mete'e raḏi cua toma ngi'i gena-ge, ananga ḏi'i 'aḏi mabalene toma oti-oti ga'a da'a talaga kaci moi ino, re 'aḏi amono si'a da'a kaci moi toma limau Kapernaum 'aḏi disa Yesus.