Lukas 4:39 - Jaji ma Su-sungi

³⁹ Yesus 'o tagi sebanga i'a ra munanga 'ami jingi'i re 'a soma'a 'ami si-siḏi gagama 'i mawoi'i. Dadi gagama gena-ge ri iranga re munanga mo la, kara mo momi'i re mo de-de'oso ananga.

Lukas 4:39 Iomraidhean Croise

Markus 1:29

Yesus re 'Ai me-mete'e 'aḏi supu toma wala puji gena-ge. Yesus re 'a Yakobus, 'a Yohanes, 'a Simon re 'a Andreas, ananga gena-ge 'aḏi tagi ra Simon re 'a Andreas manga wala.

Lukas 4:35

Yesus 'o ḇangata roh ma jira gena-ge re 'o kanau, “Masiogoro! Supu toma ngowa'a nena-ne.” Ḏua roh ma jira gena-ge 'i sibau'u ngowa'a gena-ge ra ananga mo-moini manga biono, kara 'i supu toma ngowa'a gena-ge, mada'a unanga 'a basono ua masi-siḏi.

Lukas 4:41

Sidogo ḏi'i, ngowa'a manga repe ga'a roh ma jira ya'u dungosama, manga roh gena-ge 'i supu re 'i maboa-boa'a, “Ngana nena-ne Ma Jou'ongu Madutu 'ai Ngowa'a Nau'u.” Mada'a Yesus 'o ḇangata enanga re simaha ua enanga 'i kanau, sababu enanga 'i waro Unanga nena-ne 'O Kristus.

Lukas 8:24

Yesus 'ai me-mete'e 'U tamanga Unanga, ananga 'aḏi tuduba, “Tuanga, Tuanga, ngene sanga bahala re ti'ara ua wo jala!” Dadi Yesus 'o momi'i, kara 'a ḇangata rato re momoku. Gena ḏua, rato re momoku 'i togumu re talaga gena-ge ri ogo-ogoro i'a.