Lukas 4:35 - Jaji ma Su-sungi

³⁵ Yesus 'o ḇangata roh ma jira gena-ge re 'o kanau, “Masiogoro! Supu toma ngowa'a nena-ne.” Ḏua roh ma jira gena-ge 'i sibau'u ngowa'a gena-ge ra ananga mo-moini manga biono, kara 'i supu toma ngowa'a gena-ge, mada'a unanga 'a basono ua masi-siḏi.

Lukas 4:35 Iomraidhean Croise

Matias 17:18

Gena ḏua, Yesus 'a soma'a roh ma jira, ga'a 'i osama toma ngowa 'olo gena-ge, 'i supu. Dadi roh ma jira gena-ge 'i supu. Toma 'orasa gena-ge ḏua, ngowa 'olo gena-ge ro la.

Matias 8:26

Yesus 'o kanau, “I'a sa'olo ni mojongo? Ngini ninga ngo-ngaku te'e ua ra Ngoi!” Gena ḏua, Yesus 'o te'oso re 'a ḇangata rato re talaga gena-ge. Re talaga 'i ogoro madutu sa'olo wag̱ele tau'u.

Markus 1:26

Gena ḏua, roh ma jira 'u elala siduga-duga singadolo 'ai iḏingi ma jira mai supu, kara enanga 'i mawoi'i toma ngowa'a gena-ge.

Markus 4:39

Unanga 'o momi'i, ḏua 'a sikanga rato re talaga, “Togumu, masiogoro!” Rato 'i taraha re 'o talaga 'i dadi ogo-ogoro i'a.

Markus 9:26

Roh ma jira gena-ge 'i poa'a re 'i 'a'a ngowa 'olo gena-ge 'ai lese 'i ḏaba-ḏaba'a lai siḏi kara 'i masupu. Ngowa 'olo gena-ge 'ai lese ma tero sa'olo maiyeti singadolo ngowa'a mo-moini 'aḏi kanau, “Unanga ro sengene!”

Lukas 11:22

Mada'a na'o matengo i'a, lebe te'e ra unanga 'o parangi, ḏua unanga 'o iranga. Ngowa'a lebe te'e gena-ge 'a ra-rabasa 'ai dare, ga'a wala ma dutu 'a sitoro-toro, ḏua 'a palangu 'ai 'ori i'a rana mo-moini tai ḏagilomu-ḏagilomu.

Lukas 4:23

Mada'a Yesus 'o kanau ra ananga, “Tantu ḏua ngini ḏuanga i'a ni kanau dolabololo ra Ngoi: ‘Hai, dotere na si-la 'ani diri masiretene. Ma maksudu: Ngomi mi 'isene ḏua Ngana no 'a'a ga'a hera-heranga toma limau Kapernaum, na si'a'a ḏi'i Tani gamu masiretene.’ ”

Lukas 4:39

Yesus 'o tagi sebanga i'a ra munanga 'ami jingi'i re 'a soma'a 'ami si-siḏi gagama 'i mawoi'i. Dadi gagama gena-ge ri iranga re munanga mo la, kara mo momi'i re mo de-de'oso ananga.

Lukas 4:41

Sidogo ḏi'i, ngowa'a manga repe ga'a roh ma jira ya'u dungosama, manga roh gena-ge 'i supu re 'i maboa-boa'a, “Ngana nena-ne Ma Jou'ongu Madutu 'ai Ngowa'a Nau'u.” Mada'a Yesus 'o ḇangata enanga re simaha ua enanga 'i kanau, sababu enanga 'i waro Unanga nena-ne 'O Kristus.

Lukas 8:24

Yesus 'ai me-mete'e 'U tamanga Unanga, ananga 'aḏi tuduba, “Tuanga, Tuanga, ngene sanga bahala re ti'ara ua wo jala!” Dadi Yesus 'o momi'i, kara 'a ḇangata rato re momoku. Gena ḏua, rato re momoku 'i togumu re talaga gena-ge ri ogo-ogoro i'a.

Lukas 9:39

Soi rai o'o i'a roh ma jira 'i ḏegoro unanga singadolo 'o poa'a, re 'ai lese 'i rofu-rofu, singadolo 'ai sopu'u 'i pa'ala. Roh ma jira gena-ge 'i masupu ua re 'i mau sijira unanga.

Lukas 9:42

Wakutu ngowa 'olo gena-ge 'o tagi jau ino ra Yesus, roh ma jira 'i sibau'u unanga singadolo 'ai lese rimoi 'i rofu-rofu. Mada'a Yesus 'a soma'a roh ma jira gena-ge 'i supu ra unanga re unanga 'o la. Togumu i'a, Yesus 'o siḏibo ngowa 'olo gena-ge tai ḇaḇa.

Tingoýi 12:12

Sababu gena-ge ni maroanga, ngini mala'ekata-mala'ekata re ngowa'a mo-moini ga'a ni tegoro toma soroga! Mada'a ngowa'a ga'a 'aḏi 'ahu toma dungia re ngoloto, ngini ḏuanga i'a ni sanga bahala, sababu 'Iblisi ri 'uci re 'i maruta ra ngini. Sababu 'Iblisi gena-ge ya waro ma 'orasa ti'ara riwara singadolo sanga hukumu ma ḏo-ḏogumu.”