Lukas 4:25 - Jaji ma Su-sungi

²⁵ Mada'a na 'isene: wakutu Elia 'o 'ahu-'ahu moju, ngogoro ma 'orasa ma di'ara musungu ro'ange re ma jule. Sababu gena-ge ngowa-ngowa'a toma daeraha gena-ge matai sawini madutu re balo-balo ngowa'a Israel manga repe.

Lukas 4:25 Iomraidhean Croise

Matias 20:15

Ngoi nyengara bolo ua to pula'a 'ari pipisi ra guna ḇato mete'e 'ari mau?! I'a sa'olo ngana 'ani 'akala re sinyingara 'i go-goḏi? 'Oru sababu 'ari 'akala re sinyingara lai mura?’ ”

Lukas 10:21

Toma 'orasa gena-ge ḏi'i, Yesus 'o maroanga sababu Ma Ngagara 'Ofi-'Ofi 'U ḏegoro re 'O kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo. Ya, Baba sababu enanga gena-ge 'i sisanangi 'Ani 'akala re sinyingara.

Roma 9:15

Sababu Ma Jou'ongu Madutu ro kanau ra Musa, “Ngoi ḏuanga i'a to sijumu 'Ari 'akala re sinyingara ma la-la ra guna ḇato ga'a Ngoi to mau tu sijumu 'Ari 'akala re sinyingara ma la-la, re Ngoi ḏuanga i'a to sijumu 'Ari dadalara ra guna ḇato ga'a Ngoi to mau tu sijumu dadalara gena-ge.”

Roma 9:20

Siḏibo ḏi'i, ngana nena-ne 'a guna ga'a nau'u masala di'a no sangoro Ma Jou'ongu Madutu so'o ne?! Nyengara bunga ma ngi'i 'i kanau ra matengo i'a ga'a 'a tuhu enanga, “I'a sa'olo ngana reni tuhu ngoi so'o nena?!”

Efesus 1:11

Ma Jou'ongu Madutu ro cumutu ngomi, ngowa'a Yahudi, di'a dadi 'Ai 'umata sababu mi marimoi ra Kristus. Gena-ge Unanga ra sitantukanga pasala ḏua re Unanga ḏi'i nga'unu 'O 'a'a mo-moini ga'a mete'e 'Ai mau

Efesus 1:9

Toma 'ua re 'au wali moju manusia ya waro ua Ma Jou'ongu Madutu 'ai rahasia Tai 'ulungu ma dara. Mada'a nange-ne, sababu Ma Jou'ongu Madutu 'o mau, Unanga 'a sijumu 'Ai maksudu ga'a 'A siḏagi sababu 'a Kristus 'ai se-sengene.

Yakobus 5:17

Nabi Elia unanga ḏi'i manusia ma tero ngene. Unanga 'o manyiata rai ngo-ngaku mode-mode'e, la besa'a sapolo awa. Dadi besa'a 'i sapolo ua ma di'ara musungu ro'ange re ma jule.

Tingoýi 11:6

Sakisi gena-ge remanga kuasa 'aḏi kuci diwanga, la besa'a 'i sapolo awa wakutu ananga 'aḏi siajele moju habari da'u ra Ma Jou'ongu Madutu tala. Ananga gena-ge remanga kuasa ḏi'i toma ḇanyo ya sidadi ngaunu, re ananga remanga kuasa 'aḏi sihukumu dungia reo bahala 'oru ḇato, toma 'orasa le'a ḇato mete'e manga mau.