Lukas 4:23 - Jaji ma Su-sungi

²³ Mada'a Yesus 'o kanau ra ananga, “Tantu ḏua ngini ḏuanga i'a ni kanau dolabololo ra Ngoi: ‘Hai, dotere na si-la 'ani diri masiretene. Ma maksudu: Ngomi mi 'isene ḏua Ngana no 'a'a ga'a hera-heranga toma limau Kapernaum, na si'a'a ḏi'i Tani gamu masiretene.’ ”

Lukas 4:23 Iomraidhean Croise

Matias 13:54

Yesus 'o maḏibo toma limau Nazaret, Tai ji'o re gamu. I'a da'a, Unanga 'o doto'o toma wala puji, singadolo ngowa'a matai heranga! Ananga 'aḏi kanau, “Unanga 'o sanga le'a ino 'ai 'akala soro'unu gena-ge? Re 'O sanga 'Ai kuasa le'a ino singadolo Unanga nga'unu 'o 'a'a ga'a hera-heranga?

Matias 4:13

Gena ḏua, Unanga 'o sisoi'i tala limau Nazaret, re 'O tagi re 'O tegoro toma limau Kapernaum, toma talaga Galilea ma 'uḏu, toma daeraha Zebulon re Naftali.

Matias 4:23

Yesus 'a sigoloḏi daeraha Galilea mo-moini re 'O doto'o toma wala-wala puji. Unanga 'o singadolo Habari Roanga mangale Soroga ma Pareta. Re Unanga ḏi'i 'O si-la ngowa-ngowa'a mo-moini remanga si-siḏi ma rupa 'oru ḇato.

Markus 6:1

Toma ngi'i gena-ge, Yesus re 'Ai me-mete'e ananga 'aḏi maḏibo Tai limau Nazaret.

Lukas 2:39

'A Yusuf re ngo Maria ya si'a'a ḏua 'ori i'a mo-moini mete'e Ma Jou'ongu Madutu 'ai Hukumu. Gena ḏua, ananga 'aḏi maḏibo toma limau Nazaret, toma daeraha Galilea.

Lukas 2:51

Togumu i'a, Yesus 'o tagi mamete'e ra ananga 'aḏi maḏibo toma limau Nazaret, re 'o mete'e manga mau. 'Ori i'a mo-moini ga'a 'i dadi gena-ge, ngo Maria ma gogono tami 'akala re sinyingara ma dara.

Lukas 4:16

Yesus 'o tagi da'a toma limau Nazaret, ngi'i ga'a Unanga 'o ramasa. Toma Sabata ma wangere, Unanga 'o tagi toma wala puji, mete'e Unanga 'ai biasa. Unanga 'o te'oso toma ngowa'a manga biono di'a 'O baca Boku 'Ofi-'Ofi,

Lukas 4:31

Gena ḏua, Yesus 'o tagi toma limau Kapernaum toma daeraha Galilea. Toma limau gena-ge Unanga 'o doto'o ngowa-ngowa'a toma Sabata ma wangere.

Lukas 4:35

Yesus 'o ḇangata roh ma jira gena-ge re 'o kanau, “Masiogoro! Supu toma ngowa'a nena-ne.” Ḏua roh ma jira gena-ge 'i sibau'u ngowa'a gena-ge ra ananga mo-moini manga biono, kara 'i supu toma ngowa'a gena-ge, mada'a unanga 'a basono ua masi-siḏi.

Lukas 6:42

I'a sa'olo ngini ni kanau taninga ioronongoḏu, ‘Dowara, ino ngoi ta woi'i 'o ate ma bingana tani la'o,’ mada'a taninga la'o ma dara rema jaro jule moi, ni siwaro i'a ua? Hai ngini ngowa'a munafiki! Ni sisupu siḏa 'o jaro jule moi tani la'o, la ni oḏi'i tarangi, kara nga'unu ni sisupu 'o ate ma bingana taninga ioronongoḏu 'ai la'o ma dara.”

Yohanes 4:28

Gena ḏua, we-were'a gena-ge ma sisoi'i tala 'ami tampayanga re mo ḏibo jau-jau toma limau ma dara, re mo siajele toma ngowa-ngowa'a 'age,

2 Korintus 5:16

Sababu gena-ge, ngomi mi ta'ajiri riwara ngowa'a mete'e manusia manga fikirana. Kalaha, 'au nga'ene ngomi ḏi'i mi ta'ajiri Kristus, mete'e manusia manga fikirana. Mada'a 'orasa nange-ne, ngomi mi 'a'a so'o gena riwara.