Lukas 4:1 - Jaji ma Su-sungi

¹ Ma Ngagara 'Ofi-'Ofi 'u ḏegoro Yesus wakutu Unanga 'a sisoi'i tala Ḇanyo Yordan. Ma Ngagara 'Ofi-'Ofi 'u gasa Unanga toma daeraha baulaco.

Lukas 4:1 Iomraidhean Croise

Matias 3:16

Sanga baptis togumu i'a, Yesus 'o baolo toma ḇanyo, kage-kage diwanga 'i talanga re Yesus 'o oḏi'i Ma Ngagara 'Ofi-'Ofi 'i matuhu ma tero sa'olo namo dara 'i 'uci ra Unanga.

Lukas 2:27

Toma 'orasa gena-ge, Ma Ngagara 'Ofi-'Ofi 'i sigaraki Simeon 'ai 'akala re sinyingara singadolo 'o osama ra Ma Jou'ongu Madutu 'ai Wala ma soana. Toma 'orasa gena-ge ḏi'i, wakutu 'a Yesus 'o ki-kiau moju 'a Yusuf re ngo Maria 'aḏi gasa unanga re 'aḏi osama ra Ma Jou'ongu Madutu 'ai Wala ma soana, la ya mete'e Musa 'ai hukumu.

Lukas 3:3

Ḏua 'a Yohanes 'o tagi 'a sigoloḏi daeraha Ḇanyo Yordan, re 'a singadolo habari ra Ma Jou'ongu Madutu ino re 'o kanau, “Ngini balasu ni maḏibo toma ngo'omo boloto re ni sanga baptis, la Ma Jou'ongu Madutu 'a singi-ngiranga ninga ḏosa.”

Lukas 3:38

Kenan: Enos 'ai ngowa'a nau'u, Enos: Set 'ai ngowa'a nau'u, Set: Adam 'ai ngowa'a nau'u, Adam: Ma Jou'ongu Madutu 'ai ngowa'a nau'u.

Lukas 4:14

Gena ḏua, Yesus 'o maḏibo toma daeraha Galilea re Ma Jou'ongu Madutu 'ai Ngagara 'Ofi-'Ofi 'u ḏegoro Unanga. Habari mangale Unanga 'i rera re walata toma daeraha mo-moini.

Lukas 4:18

“Ma Jou'ongu Madutu 'ai Ngagara 'Ofi-'Ofi marimoi ra Ngoi. Sababu Ma Jou'ongu Madutu 'o cumutu ḏua Ngoi di'a ta singadolo Habari Roanga toma ngowa-ngowa'a ma dinga'unu ua. Ma Jou'ongu Madutu 'o 'utusu Ngoi di'a to singadolo habari mangale: Ngoi ḏuanga i'a to sisupu ngowa-ngowa'a toma 'Iblisi ma pareta re si-la ngowa-ngowa'a hafu re ta'u sibebasa ngowa-ngowa'a ga'a 'aḏi sanga sikisa

Yohanes 1:32

Ḏua, Yohanes 'o pula'a sakisi so'o ne: “Ma mulaingi ngoi to waro ua Unanga gena-ge 'a guna. Mada'a Ma Jou'ongu Madutu ga'a 'o 'utusu ngoi di'a baptis ngowa'a reo ḇanyo, Unanga gena-ge 'o kanau ra ngoi, ‘Wakutu ngana no oḏi'i Ma Ngagara 'Ofi-'Ofi 'i matuhu ma tero sa'olo namo dara 'i 'uci, re 'i tegoro ra matengo i'a, Unanga gena-ge ḏuanga i'a 'O baptis ngowa'a rema Ngagara 'Ofi-'Ofi.’ Toma wangere rimoi, ngoi to oḏi'i Ma Jou'ongu Madutu 'ai Roh 'uci sa'olo namo dara da'u diwanga tala re 'i tegoro ra Yesus.

Yohanes 3:34

Sababu ngowa'a matengo ga'a Ma Jou'ongu Madutu 'o 'utusu Unanga gena-ge 'a singadolo Ma Jou'ongu Madutu 'ai demo-demo. Re Ma Jou'ongu Madutu 'o siromanga Unanga reo Ma Ngagara 'Ofi-'Ofi.

Yesus 'ai so-soma'a 1:2

singadolo toma 'orasa Ma Jou'ongu Madutu 'o sibere Unanga sie da'u soroga. Toma 'orasa Ma Jou'ongu Madutu 'o sibere Yesus nyangu, Yesus rema Ngagara 'Ofi-'Ofi ma kuasa 'o pula'a 'ai bererongo Tai so-soma'a ga'a Unanga ya'u cumutu pasala ḏua.

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

Yesus 'ai so-soma'a 8:39

Wakutu ananga 'aḏi pere ie toma du-dudungu, kage-kage Ma Ngagara 'Ofi-'Ofi 'u gasa 'a Filipus toma ngi'i ma lelegu. Ḏua ngowa'a Etiopia gena-ge 'o oḏi'i Filipus riwara. Unanga 'a dowanga 'ai ḏo-ḏagi ra roanga masala.