Lukas 3:7 - Jaji ma Su-sungi

⁷ Ngowa'a repe 'aḏi sapolo ra Yohanes, la 'aḏi sanga baptis. Unanga 'o kanau ra ananga, “Ngini ngowa'a ma jira ma ju'uda ma tero sa'olo cuku'u rema bisa ma ngowa! 'A guna 'o kanau ra ngini mangale na'o 'aḏi sanga baptis ḇato ngini ḏuanga i'a sanga hukumu ua ra Ma Jou'ongu Madutu!

Lukas 3:7 Iomraidhean Croise

Matias 12:34

Ngini, ngowa'a ma jira! Sanga ua ninga demo re ganau enanga 'i la-la, sababu ngini ni cira. Sababu 'oru ga'a 'i supu toma madanga, enanga gena-ge ma 'asala toma 'akala re sinyingara ma dara.

Matias 23:33

Ngini ngowa'a ma jira ma tero sa'olo cuku'u! Ngini ngowa'a ma jira ma ju'uda ma tero sa'olo cuku'u rema bisa ma ngowa! Sanga ua, ngini nyengara sisalamata ninga diri toma hukumu naraka!

Matias 3:6

Ananga 'aḏi mangaku manga ḏosa-ḏosa, kara 'a Yohanes ya'u baptis ananga toma Ḇanyo Yordan.

Yohanes 8:44

Ngini ninga ḇaḇa 'Iblisi, re ngini mau ni mete'e 'Iblisi ma mau. Toma ma mulaingi singadolo nange-ne, 'Iblisi 'i mau sisengene ngowa'a. Soi moi nyangu 'Iblisi 'i kanau 'oru ga'a 'i banari. Sababu ba-banari 'i tegoro ua toma 'Iblisi. Wakutu enanga 'i kanau sa-sakala, gena-ge biasa ḏua, sababu enanga sa-sakala re sa-sakala mo-moini ma cimi.

Yesus 'ai so-soma'a 13:10

Ḏua 'o kanau, “Hai, ngowa'a ga'a sihaga ngowa'a, 'o 'Iblisi ma so-soma'a. I'a sa'olo na lawana 'ori i'a ma la-la! I'a sa'olo, no matogumu ua no dola'aku Ma Jou'ongu Madutu 'ai maksudu di'a sisalamata ngowa'a!

1 Tesalonika 1:10

Ananga ya sijarita ḏi'i mangale ma duhu sa'olo ngini ni totoma wakutu Ma Jou'ongu Madutu 'ai Ngowa'a Nau'u dadunu 'O sapolo moju da'u soroga tala. Unanga gena-ge ga'a 'O sengene ḏua mada'a Ma Jou'ongu Madutu dadunu 'o si'ahu moju re Unanga gena-ge na sisalamata ngene ra Ma Jou'ongu Madutu 'ai borata ga'a 'i dadi toma biono i'a.

'Ibrani 6:18

Dadi 'age parkara fara ḏiḏi nena-ne ga'a 'i singali yoḏu'u: Sanga ua Ma Jou'ongu Madutu 'a singali yoḏu'u 'Ai jaji, bolo 'Ai sasi. Sababu gena-ge, ngene wo sanga babata di'a wo macako'o namo-namoto tananga ngo-nganono sababu Ma Jou'ongu Madutu 'Ai jaji ra ngene. Ngene ga'a rewo sapolo ra Ma Jou'ongu Madutu, la Unanga 'o saolo ngene, dadi ngene wo sanga hukumu ua.

1 Yohanes 3:8

Mada'a ngowa'a ga'a 'a'a ḏosa tau-taunu, ananga gena-ge 'Iblisi ma ngowa-ngowa'a. Sababu ma mulaingi i'a, 'Iblisi 'i baraḏosa ḏua. Ma sababu gena-ge, Ma Jou'ongu Madutu 'ai Ngowa'a Nau'u 'o sapolo toma dungia nena-ne di'a 'a siwejere 'Iblisi ma munara.