Lukas 3:22 - Jaji ma Su-sungi

²² kara Ma Ngagara 'Ofi-'Ofi 'i matuhu sa'olo namo dara, 'i 'uci ra Unanga. Ḏua Unanga 'o 'isene Ma Jou'ongu Madutu 'ai iḏingi ma betongo so'o ne, “Ngana nena-ne 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Lukas 3:22 Iomraidhean Croise

Matias 12:18

“Unanga nena-ne Ngoi 'Ari falalomu ga'a Ngoi reto cumutu. Unanga ga'a to dadalara re ga'a 'a sisanangi 'Ari 'akala re sinyingara 'Ari Ngagara 'Ofi-'Ofi ḏuanga i'a ta sipula'a ra Unanga. Re Unanga ḏuanga i'a 'o sihabari mangale 'Ari 'adili toma bangsa-bangsa.

Matias 17:5

Wakutu 'a Petrus 'o ka-kanau moju, kakamo lai tarangi ya'u sao ananga re toma kakamo gena-ge ma dara 'aḏi 'isene iḏingi ma betongo so'o ne: “Unanga nena-ne 'Ari Ngowa'a Nau'u ga'a Tu dadalara, Ngoi 'ari 'akala re sinyingara ma sanangi Ta sipa'ala ra Unanga. Ni 'isene Unanga!”

Matias 27:43

Unanga 'o ngaku Ma Jou'ongu Madutu re Ro kanau, Unanga Ma Jou'ongu Madutu 'ai Ngowa'a Nau'u. Nah ino ngene wo oḏi'i wangere nange-ne na'o Ma Jou'ongu Madutu mau 'U sisalamata Unanga bolo ua.”

Matias 3:13

Toma 'orasa gena-ge Yesus toma Galilea ino 'O sapolo toma Ḇanyo Yordan. I'a da'a Unanga ma'u sanga ra Yohanes, re 'O golo'o 'a Yohanes 'o baptis Unanga.

Matias 3:16

Sanga baptis togumu i'a, Yesus 'o baolo toma ḇanyo, kage-kage diwanga 'i talanga re Yesus 'o oḏi'i Ma Ngagara 'Ofi-'Ofi 'i matuhu ma tero sa'olo namo dara 'i 'uci ra Unanga.

Matias 3:17

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Unanga nena-ne, 'Ari Ngowa'a Nau'u Ta dadalara, Ngoi 'ari 'akala re sinyingara ma sanangi Ta sipa'ala ra Unanga.”

Markus 1:11

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Ngana nena-ne, 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Markus 1:9

Toma 'orasa gena-ge, Yesus 'o sapolo da'u limau Nazaret tala toma daeraha Galilea. Unanga 'o sanga baptis ra Yohanes toma Ḇanyo Yordan.

Markus 9:7

Togumu i'a, kakamo 'uci ya'u sao re toma kakamo gena-ge ma dara 'aḏi 'isene iḏingi enanga ma betongo so'o ne: “Unanga nena-ne, 'Ari Ngowa'a Nau'u ta dadalara. Ni 'isene Unanga!”

Lukas 2:14

“Puji re silamo'o Ma Jou'ongu Madutu toma soroga, re dame toma dungia toma manusia ga'a Ma Jou'ongu Madutu ya'u sanangi.”

Lukas 4:21

Re Unanga mulaingi 'o kanau ra ananga mangale bu-bula'a—bu-bula'a toma Boku 'Ofi-'Ofi ma betongo so'o ne: “Toma wangere nange-ne ga'a ngini na 'isene, Ngoi ta sitotomo.”

Yohanes 1:32

Ḏua, Yohanes 'o pula'a sakisi so'o ne: “Ma mulaingi ngoi to waro ua Unanga gena-ge 'a guna. Mada'a Ma Jou'ongu Madutu ga'a 'o 'utusu ngoi di'a baptis ngowa'a reo ḇanyo, Unanga gena-ge 'o kanau ra ngoi, ‘Wakutu ngana no oḏi'i Ma Ngagara 'Ofi-'Ofi 'i matuhu ma tero sa'olo namo dara 'i 'uci, re 'i tegoro ra matengo i'a, Unanga gena-ge ḏuanga i'a 'O baptis ngowa'a rema Ngagara 'Ofi-'Ofi.’ Toma wangere rimoi, ngoi to oḏi'i Ma Jou'ongu Madutu 'ai Roh 'uci sa'olo namo dara da'u diwanga tala re 'i tegoro ra Yesus.

Yohanes 12:28

Dadi Ngoi to kanau so'o ne: ‘Baba, no simulia 'Ani lomanga!’ ” Ḏua iḏingi da'u diwanga tala ma betongo so'o ne: “Ngoi reta simulia re dadunu Ta simulia moju.”

Yohanes 5:37

Re ḏi'i, 'Ari Ḇaḇa masiretene ga'a Ro 'utusu Ngoi 'O pula'a sakisi mangale Ngoi. Ngini ni 'isene ua Unanga 'ai iḏingi bolo ni oḏi'i ua Unanga 'ai rupa.

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

Kolose 1:13

Unanga ro sibebasa ngini toma kuasa hafu-hafu, kara 'O sigasa re 'O singosama ngini tai Ngowa'a Nau'u 'Ai pareta ma dara. Unanga gena-ge, Ma Jou'ongu Madutu 'U dadalara.

1 Petrus 2:4

Dadi ni sapolo ra Ma Jou Yesus, Unanga gena-ge ma tero sa'olo maḏi ga'a 'i 'ahu ga'a manusia 'aḏi kanau Unanga ma tero sa'olo maḏi mapake ua. Momongolo ua, ra Ma Jou'ongu Madutu 'ai momina, Unanga ma tero sa'olo maḏi ma ijana lai hali ga'a Ma Jou'ongu Madutu 'a sitantukanga pasala ḏua, sa'olo maḏi di'a wala ma bangini.