Lukas 3:14 - Jaji ma Su-sungi

¹⁴ 'Age ḏi'i sordado 'aḏi sano, “Ngomi balasu mi 'a'a 'oru?” Yohanes 'a sangoro, “Awa ni simau-mau ngowa'a 'aḏi sipula'a pipisi ra ngini re awa ni da'awa ngowa'a 'i banari ua. Ngini balasu ni masisanangi reo ninga gaji masiretene.”

Lukas 3:14 Iomraidhean Croise

Matias 8:5

Wakutu Yesus 'o osama toma limau Kapernaum, Roma ma sordado ma sae'e matengo 'o sapolo ra Yesus 'o golo'o, la Yesus 'o riono unanga.

Lukas 19:8

Toma wala gena-ge Zakheus 'o te'oso kanau i'a ra Ma Jou, “Ma Jou, 'ari 'ori i'a rana kaci moi ta sipula'a toma ngowa'a ma dinga'unu ua re ra guna ḇato ga'a ngoi ta'u sihaga ḏuanga i'a ta siḏibo ra ananga ta sidu'o soi rata!”

Lukas 3:10

Dadi ngowa-ngowa'a 'aḏi sano ra Yohanes, “Dadi ngomi balasu mi 'a'a 'oru?”

Lukas 3:13

Yohanes 'a sangoro, “Awa ni golo'o pai-pai'i 'oru ga'a pamarenta ya sitantukanga ḏua.”

Yesus 'ai so-soma'a 10:7

Ḏua mala'ekata gena-ge 'o sisoi'i tala, kara Kornelius 'o 'aro'o 'ai falalomu nga muḏiḏi re 'ai sordado matengo. Sordado gena-ge 'ai pengawala, ga'a 'o 'ahu di'a sisanangi Ma Jou'ongu Madutu 'ai 'akala re sinyingara.

Filipi 2:15

Dadi ngini ni sijumu mangale ngini mode-mode'e Ma Jou'ongu Madutu 'ai ngowa-ngowa'a 'ofi-'ofi re kaninga sala ua, ni 'ahu loasa re banari toma ngowa'a ma jira re ngowa'a baraḏosa manga sigolona. Wakutu ngini ni singadolo Habari Roanga ga'a sigasa 'ahu toma ngowa-ngowa'a, ngini ma tero sa'olo mumuḏungu ma cahaya ga'a 'i sitarangi dungia ma hafu-hafu. Na'o ngini ninga 'ahu so'o gena 'i dadi nana'o rimoi, la ngoi ḏuanga i'a to maroanga wakutu Kristus dadunu 'o sapolo moju. Sababu enanga 'i dadi bukiti mangale 'ari galasau'u ma duduala 'i parasaja ua.

Filipi 4:11

Ngoi to kanau so'o gena, mada'a ngoi ta basono 'ari 'ahu ma paralu 'i kuranga ua. Sababu ngoi reto madoto'o to basono sanangi masala 'oru ga'a 'age ra ngoi:

Titus 2:3

So'o gena ḏi'i, ngana na'u ajele ma ngale we-were'a ga'a raḏi piri'i mangale manga de'oso re ḏegoro balasu 'i patasa sa'olo Ma Jou'ongu Madutu 'ai ngowa-ngowa'a; 'aḏi jajaha demo awa, 'aḏi sikanau ngowa'a lelegu awa re 'aḏi ma'eto-'etolo awa re ananga balasu 'aḏi sidoto'o ngowa'a 'ori i'a ma la-la.

Tingoýi 12:10

Ḏua ngoi to 'isene iḏingi siduga-duga toma soroga ma betongo so'o ne: “Nange-ne enanga ma 'orasa nanga Jou'ongu Madutu di'a Unanga 'o sisalamata 'Ai 'umata. Nange-ne enanga ma 'orasa Ma Jou'ongu Madutu 'a sijumu 'Ai kuasa sa'olo 'Olana. Nange-ne enanga ma 'orasa 'O Salamata ma Cimi, ga'a 'O sijaji pasala ḏua, 'O sijumu 'Ai kuasa toma dungia sitabi donga. Sababu 'Iblisi ga'a 'i kalaki nanga ioronongoḏu ngo-ngaku rimoi tananga Jou'ongu Madutu 'ai biono lobi'i re wangere, Enanga gena-ge 'i sisupu ḏua toma soroga!