Lukas 3:1 - Jaji ma Su-sungi

¹ Wakutu Kaisar Tiberius 'o parenta ma di'ara musungu nyagi moi re romotoa ḏua, 'a Pontius Pilatus 'o dadi gubernur toma daeraha Yudea, 'a Herodes 'o dadi 'olana toma daeraha Galilea, re 'a Filipus 'o dadi 'olana toma daeraha Iturea re Trakhonitis ('A Herodes re 'a Filipus ananga nga muḏiḏi gia nongoḏu). Re ḏi'i 'a Lisanias 'o dadi 'olana toma daeraha Abilene

Lukas 3:1 Iomraidhean Croise

Matias 14:1

Toma 'orasa gena-ge, 'Olana Herodes ga'a 'o pareta toma daeraha Galilea, unanga 'a 'isene habari mangale Yesus.

Matias 14:3

Herodes 'o kanau so'o gena, sababu 'au nga'ene wakutu Yohanes 'o sengene nyangu, 'a Herodes 'o molo'ara ngo Herodias ga'a 'a Filipus 'ai were'a, wakutu 'a Filipus 'o 'ahu moju. Sidogo ḏi'i, 'a Herodes re 'a Filipus, ananga nga muḏiḏi gia nongoḏu. Dadi Yohanes 'o ḇangata tau-taunu 'a Herodes, “Ngana na mete'e ua Musa 'ai hukumu, sababu ngana na molo'ara 'ani dau'u madutu, ngo Herodias.” Sababu gena-ge, Herodes ro soma'a sordado 'aḏi cako'o 'a Yohanes, re 'u piri'u re 'u singosama unanga toma bui.

Matias 14:6

Wakutu Herodes 'ai musungu tero, ngo Herodias 'ami ngowa'a were'a matengo mo roje rousu masala tai ioronongoḏu singadolo Herodes 'ai 'akala re sinyingara 'i sanangi masala.

Matias 22:17

Sababu gena-ge, Jou no siajele ra ngomi, 'oru 'ani 'akala ma sanga mangale nena-ne: Mete'e nanga 'agama ma 'atoranga, nyengara bolo ua, ngene wo fangu balastengi ra Kaisar?”

Matias 27:2

Ananga 'aḏi piri'u Unanga 'ai giama, kara 'U sigasa re 'U sipula'a ra Pilatus, gubernur daeraha Yudea.

Markus 6:17

'Au nga'ene, Yohanes 'o sengene nyangu, 'a Herodes 'o molo'ara ngo Herodias. 'A ngo Herodias 'a Filipus 'ai were'a, re 'a Filipus re 'a Herodes ananga gena-ge gia nongoḏu. Yohanes 'o ḇangata tau-taunu 'a Herodes, “Ngana na mete'e ua Musa 'ai hukumu sababu ngana na molo'ara 'ani ioro 'ai were'a.” Sababu gena-ge, Herodes 'o soma'a sordado-sordado 'aḏi cako'o 'a Yohanes re 'u singosama bui re Herodias 'ami 'akala re sinyingara 'i go-goḏi re mau sisengene 'a Yohanes. Mada'a 'i yoḏu'u sababu Herodes 'o soma'a ngowa'a balasu jaga la-la ino 'a Yohanes toma bui, la Yohanes sengene awa. Herodes si'a'a so'o gena, sababu unanga silamo'o 'a Yohanes re unanga 'a waro Yohanes ge ngowa'a loasa re banari re 'o 'ofi-'ofi. Unanga 'a nyanyaḏi 'o 'isene Yohanes 'ai demo-demo, mada'a tai 'akala re sinyingara ma dara 'i kangela masala.

Markus 6:21

Ma ḏo-ḏogumu, ngo Herodias mo sanga ngo'omo wakutu Herodes 'ai musungu 'i tero. Herodes 'o 'a'a laya lamo'o re 'aro'o mo-moini ngowa'a la-lamo'o re sordado ma sae'e re gamu Galilea ma bi-biri'i.

Lukas 13:31

Toma 'orasa gena-ge ḏi'i, ngowa-ngowa'a Farisi nga muḏuo i'a 'aḏi sapolo ra Yesus re 'aḏi kanau, “No tegoro 'ane awa, tagi no malage ngi'i lelegu, sababu 'a Herodes mau 'o sisengene Jou.”

Lukas 2:1

Wakutu sibuoro 'a Yohanes pasala i'a, Kaisar Agustus 'o sisupu 'ai parenta, la ngowa'a mo-moini toma Roma ma pareta matengo re matengo 'aḏi silefo manga lomanga.

Lukas 23:24

Dadi 'a Pilatus 'o singe-ngeta'a hukumu sengene ra Yesus, 'a mete'e ngowa'a kawasa manga mau,

Lukas 3:19

Mada'a 'a Yohanes 'o ḇangata Herodes wakutu unanga 'o kuasa toma daeraha Galilea. Yohanes 'o ḇangata tau-taunu sababu Herodes 'o molo'ara 'ai dau'u ngo Herodias, 'a Filipus 'ai were'a, re 'o madaga'a kajahatana ma lelegu ḏi'i.

Lukas 9:7

Wakutu 'Olana Herodes 'o parenta toma daeraha Galilea, unanga 'a 'isene mangale mo-moini 'oru ga'a 'i dadi gena-ge. Unanga 'a waro 'ai gogare riwara sababu 'age rema ngowa'a 'aḏi siajele Yesus gena-ge 'a Yohanes tukanga baptis dadunu ro 'ahu moju.

Yesus 'ai so-soma'a 23:26

“Ra gubernur Feliks ga'a ngomi mi silamo'o, tabea ra Klaudius Lisias ino.

Yesus 'ai so-soma'a 24:27

Musungu romoḏiḏi ri ngadolo, Perkius Festus 'o ngali 'a Feliks. Mada'a sababu 'a Feliks mau 'oro ngowa'a Yahudi manga 'akala re sinyingara, unanga 'o sisupu ua 'a Paulus toma bui.

Yesus 'ai so-soma'a 26:30

Ma ḏo-ḏogumu tala, 'olana, gubernur, ngo Bernike re ananga mo-moini 'aḏi made'oso.

Yesus 'ai so-soma'a 4:27

'Oru Daud siajele pasala ḏua 'i dadi, sababu Herodes re 'a Pontius Pilatus ya'u lomu ḏua ngowa-ngowa'a Yahudi ua re ngowa-ngowa'a Israel toma limau gena-ge. Ananga 'aḏi ma'u sanga re 'aḏi ma'u rimoi 'aḏi lawana Yesus, 'Ani Falalomu 'Ofi-'Ofi. Unanga gena-ge, Ma Jou'ongu Madutu nu sitantukanga Unanga 'O dadi Mesias.