Lukas 24:51 - Jaji ma Su-sungi

⁵¹ Wakutu Yesus 'o sibarakati ananga moju, Unanga 'o sisoi'i tala ananga Ro pere sie toma soroga.

Lukas 24:51 Iomraidhean Croise

Markus 16:19

Wakutu Yesus 'o kanau ra ananga togumu i'a, Ma Jou'ongu Madutu 'U sibere da'u toma soroga. Da'a, Unanga 'o parenta ma'u mete'e re Ma Jou'ongu Madutu.

Lukas 24:50

Togumu i'a, Yesus 'o gasa ananga tagi toma limau ma ḏuḏunu ngadolo toma gamu Betania. Toma ngi'i gena-ge Unanga 'a tede 'Ai giama re 'O sibarakati ananga.

Lukas 24:52

Ananga 'aḏi maḏipolono silamo'o re siḏubuso Unanga. Gena ḏua, 'aḏi maḏibo toma limau Yerusalem remanga 'akala re sinyingara ma roanga masala

Yohanes 20:17

Yesus 'o kanau ra munanga, “No gu'u awa Ngoi, sababu Ngoi to pere sie nyangu Tari Ḇaḇa. Mada'a no tagi re no siajele Tari me-mete'e mangale Ngoi ngasamoi to maḏibo To pere sie Tari Ḇaḇa re ngini ninga Ḇaḇa, Tari Jou'ongu Madutu re ra Ma Jou'ongu Madutu ga'a ngini ni silamo'o re siḏubuso.”

Yesus 'ai so-soma'a 1:9

Yesus 'o kanau so'o gena togumu i'a, Ma Jou'ongu Madutu 'o sibere Unanga sie da'u soroga ra ananga manga biono re 'aḏi tatamo ie Unanga singadolo 'o kakamo 'i sao Unanga singadolo ananga 'U oḏi'i riwara.

'Ibrani 1:3

'Ai Ngowa'a Nau'u gena-ge 'A sijumu Ma Jou'ongu Madutu 'ai kuasa re 'Ai kabasarana. Unanga gena-ge 'ai duhu re ngari mo-moini ma tero Ma Jou'ongu Madutu. Unanga 'a pake 'ai demo ma kuasa di'a 'O jaga re 'O parenta mo-moini. Unanga 'o sigofi ngowa'a manga ḏosa togumu i'a, kara 'O tegoro ra Ma Jou'ongu Madutu 'ai giama ma kuwiḏa i'a da'u toma soroga.

'Ibrani 4:14

Ngene nanga 'Imam 'Agung La-lamo'o ga'a ro pere sie toma soroga singadolo osama talaḏi ra Ma Jou'ongu Madutu 'ai biono, Unanga gena-ge Yesus, Ma Jou'ongu Madutu 'ai Ngowa'a Nau'u. Sababu gena-ge, ngene balasu macako'o namo-namoto tananga ngo-ngaku re matogumu awa kanau 'oru ga'a wo ngaku.