Lukas 24:5 - Jaji ma Su-sungi

⁵ We-were'a gena-ge 'aḏi mojongo lai siḏi, ḏua 'aḏi maḏipolono manga biono ngadolo toma tana'a toma ngowa'a nga muḏiḏi gena-ge. Ananga gena-ge 'aḏi kanau toma we-were'a gena-ge, “I'a sa'olo ngini disa ngowa'a 'ahu toma ngowa'a senge-sengene manga sigolona!

Lukas 24:5 Iomraidhean Croise

Lukas 1:29

Wakutu Maria mo 'isene mala'ekata 'o kanau so'o gena, munanga mo heranga re mo dodato singadolo tami 'akala re sinyingara ma dara 'i masano: Ma maksudu 'oru tabea ma betongo so'o gena-ge.

Lukas 24:4

Ananga 'aḏi made-de'oso toma ngi'i gena-ge re ya waro manga gogare riwara, kage-kage ngowa'a nga muḏiḏi raḏi made-de'oso toma we-were'a manga gumuḏu re ananga manga pakeanga 'i ciḏo-ciḏoto.

Lukas 24:6

Unanga ro cua 'ane-ne, Unanga ro dadunu 'o 'ahu moju. Ni 'elingi 'oru ga'a Unanga 'o kanau pasala ḏua ra ngini wakutu Unanga toma Galilea

Yesus 'ai so-soma'a 2:24

Mada'a, Ma Jou'ongu Madutu dadunu 'o si'ahu moju Yesus toma ngowa'a senge-sengene manga sigolona. Mete'e Ma Jou'ongu Madutu 'ai 'akala ma mau, Yesus balasu 'o basono sangisara singadolo 'O sengene, mada'a mete'e Ma Jou'ongu Madutu 'ai 'akala ma mau ḏi'i, sanga ua Unanga 'o sieanga i'a Yesus 'o sengene sikiḏanga.

'Ibrani 7:8

'Imam-'imam ga'a 'aḏi sanga ma balangu moi toma balangu nyagi moi, ananga gena-ge manusia biasa ga'a ḏuanga i'a 'aḏi sengene. Kalaha Melkisedek ma tero sa'olo 'imam 'o sanga ma balangu moi toma balangu nyagi moi ra Abraham, 'age toma Boku 'Ofi-'Ofi ma dara 'i silefo ua mangale Melkisedek 'ai se-sengene. Dadi unanga gena-ge 'o 'ahu-'ahu moju.

Tingoýi 1:18

Ngoi nena-ne 'ahu ma cimi. Ngoi reto sengene, mada'a dadunu To 'ahu moju re nange-ne To 'ahu kasingado-ngadolo i'a. 'Ari kuasa to ngadolo toma ngowa'a senge-sengene manga ngi'i. Dadi Ngoi nga'unu to si'ahu moju ngowa'a raḏi sengene.

Tingoýi 2:8

Yesus gena-ge 'o kanau ra ngoi ḏi'i, “Toma jama'ata Smirna ma mala'ekata, na lefo so'o ne: Nena-ne habari ra Ngoi nena-ne, Ma Mulaingi re Ma Ḏo-Ḏogumu, Ngoi ga'a reto sengene mada'a dadunu To 'ahu moju.