Lukas 24:36 - Jaji ma Su-sungi

³⁶ Wakutu ananga 'aḏi maja-jarita moju, kage-kage Yesus masiretene 'O made-de'oso tamanga sigolona, re 'O kanau, “Dame ra ngini mo-moini.”

Lukas 24:36 Iomraidhean Croise

Matias 10:13

Na'o ngowa'a toma wala gena-ge 'aḏi dawongo ngini, tantu ḏua Ma Jou'ongu Madutu 'o sibarakati ananga. Mada'a na'o ananga 'aḏi dawongo ngini ua, tantu ḏua Ma Jou'ongu Madutu 'o sibarakati ananga ua.

Markus 16:14

Siḏo-ḏogumu, Yesus 'o masibaiti Tai me-mete'e ngowa'a nga nyagi moi re matengo. Toma 'orasa gena-ge, ananga 'aḏi oromo. Unanga 'o ḇangata ananga, sababu manga 'akala re sinyingara lai te'e singadolo ananga ngaku ua ngowa'a 'aḏi oḏi'i Yesus dadunu 'o 'ahu moju.

Lukas 10:5

Na'o ngini ni osama toma wala ḏu moi, siḏa-siḏa ni kanau, ‘Ngoi to golo'o ra Ma Jou'ongu Madutu di'a 'o pula'a 'Ai dame 'i tegoro ra ngini toma wala nena-ne.’

Yohanes 14:27

Ḏuanga i'a Ngoi 'Ari dame Ta sisoi'i tala ra ngini. Dame gena-ge ga'a Ngoi to pula'a ra ngini 'i ma tero ua reo ngowa-ngowa'a ga'a toma dungia nena-ne 'aḏi pula'a ra ngini. Awa ni mojongo re awa ninga 'akala re sinyingara 'i kangela.

Yohanes 16:33

Mo-moini gena-ge Ngoi to siajele ra ngini, la ngini ni basono tala dame taninga 'akala re sinyingara ma dara, sababu ni marimoi ra Ngoi. Toma dungia nena-ne ngini sanga sangisara. Mada'a ni site'e ninga 'akala re sinyingara: Ngoi reta singiranga dungia nena-ne ma kuasa!”

Yohanes 20:26

Toma migu soi moi palisi i'a, Yesus 'ai me-mete'e ananga dadunu 'aḏi malomu toma wala gena-ge ḏi'i. Toma 'orasa gena-ge, 'age 'a Tomas ḏi'i. Kalaha wala ma ngalana mo-moini ya kuci, kage-kage Yesus 'o sapolo re 'O made-de'oso tamanga sigolona re 'O kanau, “Dame ra ngini!”

Yesus 'ai so-soma'a 1:3

Unanga 'o sanga sangisara re 'o sengene pasala i'a, Unanga 'o masijumu re pula'a nana'o ma repe Tai so-soma'a ma di'ara wangere nyagi rata ma dara, la ananga ya waro Unanga mode-mode'e dadunu 'o 'ahu moju. Re Unanga 'o siajele Tai so-soma'a mangale Ma Jou'ongu Madutu 'ai Pareta ḏi'i.

1 Korintus 15:5

Wakutu Unanga dadunu 'o 'ahu moju, Ro masijumu 'Ai diri ra Petrus, kara Tai me-mete'e ma lelegu.

1 Korintus 15:7

Pasala i'a, Kristus 'o masijumu 'Ai diri ḏi'i ra Yakobus, gena ḏua kara Tai so-soma'a mo-moini.

2 Tesalonika 3:16

Ma Jou Yesus Unanga ga'a dame ma cimi, ngoi to golo'o Unanga masiretene 'o pula'a dame ra ngini toma 'orasa re ngi'i le'a ḇato. Ngoi to golo'o Unanga 'o sieanga i'a awa ngini mo-moini.

Tingoýi 1:4

Ioronongoḏu ngo-ngaku rimoi toma jama'ata tumudingi toma daeraha Asia ma ngowa! Ngoi, Yohanes to golo'o ra Ma Jou'ongu Madutu mangale Unanga 'o pula'a 'Ai mura re dadalara re ḏi'i 'Ai dame ra ngini. Unanga ga'a 'age ḏua toma 'ua re 'au wali moju, nange-ne re kasingado-ngadolo i'a. Sidogo ḏi'i ngoi to golo'o toma Roh tumudingi re Yesus Kristus mangale, Ananga gena-ge 'aḏi pula'a mura re dadalara re dame ra ngini. Roh gena-ge da'u ra Ma Jou'ongu Madutu tala 'ai ḏe-ḏegoro ma biono.