Lukas 24:32 - Jaji ma Su-sungi

³² Ananga 'aḏi makanau matengo re matengo, “Tero mode'e Unanga nena-ne Yesus sababu tananga 'akala re sinyingara ma dara basono tala ma roanga 'i ro'u-ro'u, wakutu Unanga 'o kanau ra ngene toma ngo'omo ma golona moju, re 'A sitarangi Boku 'Ofi-'Ofi ma dara ra ngene!”

Lukas 24:32 Iomraidhean Croise

Markus 4:34

Soi moi mai i'a ua, Unanga 'o pake ua 'ade-'ade na'o 'O doto'o ngowa-ngowa'a. Mada'a na'o Unanga masiretene re 'Ai me-mete'e, Unanga 'a sitarangi mo-moini ra ananga.

Lukas 24:45

Ḏua Yesus 'a welanga ananga manga fikirana, la ya sahe Boku 'Ofi-'Ofi ma dara.

Yohanes 6:63

Ga'a si'a'a manusia 'aḏi 'ahu, gena-ge Ma Jou'ongu Madutu 'ai Roh. Manusia manga de-de'e, ma faeda 'i cua di'a sigasa 'ahu kasingado-ngadolo i'a. Demo-demo gena-ge ga'a Ngoi ta sikanau ra ngini, demo-demo nena-ne ra Ma Jou'ongu Madutu 'ai Roh ino ga'a sigasa 'ahu kasingado-ngadolo i'a.

Yesus 'ai so-soma'a 28:23

Ḏua Paulus re ananga ya sitantukanga toma wangere rimoi ananga ma'u sanga. Toma wangere gena-ge, ngowa'a repe matai sapolo ra Paulus 'ai ngi'i. Da-daini i'a moju singadolo wangere so'o ne'o, Paulus 'a singadolo re 'a sitarangi ra ananga mangale Ma Jou'ongu Madutu 'ai Pareta. Unanga 'o pake 'a Musa re nabi-nabi manga boku ma bu-bula'a, la ananga 'aḏi ngaku Yesus sa'olo 'O Mesias.

'Ibrani 4:12

Sababu Ma Jou'ongu Madutu 'ai demo enanga 'i 'ahu-'ahu re lebe mangono reo samaranga ma doto romoḏiḏi. Samaranga gena-ge 'i lapasa toma donga-donga re nyi-nyiala ma bati. Gena-ge ma tero sa'olo Ma Jou'ongu Madutu 'ai demo ga'a osama singadolo toma nyawa re roh ma bati. Unanga 'ai demo gena-ge enanga ya waro manusia manga fikirana re 'akala re sinyingara.