Lukas 24:30 - Jaji ma Su-sungi

³⁰ Wakutu ananga 'aḏi tegoro oromo, Yesus 'a 'oro ma roti re 'O sibere ie murasa ma la ra Ma Jou'ongu Madutu, kara 'A poti-poti ma roti re 'O pula'a ra ananga.

Lukas 24:30 Iomraidhean Croise

Matias 14:19

Gena ḏua, Yesus 'o soma'a ngowa'a repe gena-ge 'aḏi tegoro toma rurubu ma re'u. Re Unanga 'o 'oro roti ngai romotoa re ma nyao'o ngai ḏiḏi 'O talaḏi ie da'u diwanga re 'O sibere ie murasa ma la ra Ma Jou'ongu Madutu. Togumu gena, Unanga 'A poti-poti roti re 'A sipula'a Tai me-mete'e, kara ananga ya sibalangu toma ngowa'a repe gena-ge.

Matias 15:36

Gena ḏua, Yesus 'a 'oro roti ngai tumudingi re ma nyao'o gena-ge re 'O sibere ie murasa ma la ra Ma Jou'ongu Madutu. Ḏua Unanga 'a poti-poti roti re nyao'o gena-ge re 'O sipula'a Tai me-mete'e di'a ya sibalangu toma ngowa'a kawasa.

Matias 26:26

Wakutu ananga gena-ge 'aḏi 'omo moju, Yesus 'a 'oro ma roti re 'O sibere ie murasa ma la ra Ma Jou'ongu Madutu kara 'A poti-poti ma roti gena-ge 'A pula'a Tai me-mete'e re 'O kanau, “ 'Oro re na oromo, nena-ne Ngoi 'ari lese.”

Markus 14:22

Wakutu ananga 'aḏi oro-oromo Yesus 'o 'oro roti re 'O sibere ie murasa ma la ra Ma Jou'ongu Madutu, kara Unanga 'a poti-poti ma roti gena-ge re 'O pula'a Tai me-mete'e re 'O kanau, “ 'Oro re na oromo, nena-ne Ngoi 'ari lese.”

Markus 6:41

Ḏua Yesus 'o 'oro roti re nyao'o nange-ge re Unanga 'o talaḏi ie da'u diwanga re 'O sibere ie murasa ma la ra Ma Jou'ongu Madutu. Togumu i'a, Unanga 'A poti-poti ma roti re 'A pula'a i'a Tai me-mete'e, ḏua ananga ya sibalangu di'a ngowa'a repe. So'o gena ḏi'i, Unanga 'a sibalangu nyao'o gena-ge toma ngowa'a mo-moini.

Markus 8:6

Ḏua Yesus 'o soma'a ngowa'a repe 'aḏi tegoro toma tana'a. Gena ḏua, Unanga 'a 'oro roti ngai tumudingi gena-ge re 'O sibere ie murasa ma la ra Ma Jou'ongu Madutu. Ḏua Unanga 'a poti-poti roti gena-ge, kara 'O sipula'a Tai me-mete'e di'a ya sibalangu toma ngowa'a repe. Re 'Ai me-mete'e ya siḏagi mo-moini gena-ge.

Lukas 22:19

Gena ḏua, Yesus 'a 'oro roti re 'o kanau, “Murasa ma la” ra Ma Jou'ongu Madutu, kara Unanga 'a poti-poti ma roti gena-ge re 'A pula'a ra ananga re 'O kanau, “Nena-ne Ngoi 'ari lese ga'a sidoa'a di'a ngini. Na si'a'a tau-taunu di'a ni si'elingi Ngoi.”

Lukas 24:29

Mada'a ananga 'aḏi baḏu re 'aḏi kanau ra Unanga, “No otu ra ngomi, sababu sa'i 'i lobi'i re sa'i 'i hafu-hafu.” Dadi Yesus 'o osama marimoi ra ananga.

Lukas 24:35

Yesus 'ai me-mete'e nga muḏiḏi waro 'aḏi sapolo re ya sijarita ḏi'i 'oru ga'a ananga 'aḏi oḏi'i re 'aḏi basono toma ngo'omo ma golona, singadolo ananga 'aḏi waro Unanga gena-ge Yesus wakutu 'A poti-poti roti toma wala.

Lukas 9:16

Gena ḏua, Yesus 'a 'oro roti ngai romotoa nange-ge re nyao'o ngai ḏiḏi, kara 'O talaḏi ie da'u diwanga re 'O sibere ie murasa ma la ra Ma Jou'ongu Madutu. Ḏua Unanga 'a poti-poti ma roti re 'A sibalangu nyao'o gena-ge, re 'A pula'a i'a Tai me-mete'e, la ananga ya sibalangu toma ngowa'a repe.

Yohanes 6:11

Gena ḏua, Yesus 'a 'oro roti gena-ge re 'O sibere ie murasa ma la ra Ma Jou'ongu Madutu, kara 'A sibalangu roti gena-ge toma ngowa'a repe. So'o gena ḏi'i nyao'o gena-ge. Dadi ngowa'a repe 'aḏi oromo singadolo 'aḏi matai wunusu mo-moini.

Yesus 'ai so-soma'a 2:42

Ananga ya mete'e mode-mode'e 'a Yesus 'ai so-soma'a manga do-doto'o re 'aḏi marimoi: Ananga 'aḏi malomu taunu di'a 'aḏi oromo, sibalangu roti, re 'aḏi manyiata.

Yesus 'ai so-soma'a 2:46

Wange moi-wange moi, ananga 'aḏi malomu ra Ma Jou'ongu Madutu 'ai Wala ma soana. Ananga masibalangu manga roti re 'aḏi oromo mamete'e tamanga wala remanga 'akala re sinyingara ga'a maroanga re maholo,

Yesus 'ai so-soma'a 27:35

Paulus 'o kanau togumu i'a, 'o 'oro roti re 'o sibere ie murasa ma la ra Ma Jou'ongu Madutu ra ananga mo-moini manga biono. Ḏua 'a sibalangu, kara unanga 'a oromo.